اسئله عن سوناتا 2015 الشكل الجديد

السؤال كثر بالمنتدى

والله وانا اخوك المنتدى مخصص للاستفسارات والمواضيع بشكل عام ولا هو من حلالك ولا انت خسران شي لو تركت كلمه زينه بالموضوع بدال الكلام ذا 

الأخ رابح قصده لو تعبت نفسك شوي وبحثت في منتدى حراج ومنتديات كثيرة راح تكتشف شغلات كثيرة يمكن ما جات على بالك، يمكن تلاقي كمية معلومات أكثر من الردود اللي راح تلاقيها هنا، وأنا أنصحك برضه تبحث بنفسك وما تكتفي بس بالاستفسار وانتظار الإجابة والله يبارك لك مقدماً

بحثت بالمنتدى وانا اخوك ماحصلت جواب لسوالي ويعطيك العافيه عالمرور وعالدعوه الطيبه الله يجعلها بموازين حسناتك❤️

السوناتا الشكل الجديد مع خويي 15 مافيها اي عيب 
لكن بعد مامشت 70 الف يقول مكيفها خف تبريده شوي وانا جربتها 
اشوفه ثلج 
طبعا تفصل معك ع 221 
وعزلها افضل من الشكل الي قبله 
ولاتصرف بنزين ابد وهذا الي اعرف عنها 

السوناتا نص فل بدون بانوراما جنط 17 مكينة 2400 موديل 2017 ب 70 الف من دون تامين اعتقد اسم المعرض معرض صالح الفل ما سألت عنها

كيف الرساوه تحسنت عن الشكل السابق ام لا؟

بالنسبه للنص مالي رغبه فيها يعطيك العافيه

اخذتها اول مانزلت وجلست معي سنه ومشت 55 الف
مميزاتها معروفه وبعطيك السلبيات

المكيف يقل في الظهيره والزحمه بس يبقى لابإس فيه
العزم اذا قابلك هوا يضعف يصير بعد 160 تبدل في الخامس وتبقى ع نفس النمره فتره طويله
(حلها انك تحوله عايدي)
البانوراما تحتاج تفتحها دايما خصوصا فتره الظهيره حتى الشحم يمشى ع المكرات
اذا كنت طويل السقف قريب جدا منك

* انصحك فيها وسلامتك

بالنسبه للرساوه فهي راسيه

انا يابعدي معي خليجيه2015 الشكل الجديد فل الفل ماخذها من معرض لكن ماتوقع تحصلها الحين واذا حصلتها خذها وانت مغمض بشرط فيها تبريد وتسخين مقاعد
, الموتر بالخط جيدة الى الان مافيها خلاف واسبوعيا اتردد عليها من الرياض للقصيم والرساوة والعزل بالنسبة عن الشكل القديم فرق كثثثير
مشكلة المكيف اللي يقولون عنها ماشفت شي فيها

والله ييسرلك امرك سواء بهالسياره ولا بغيرها ان شاءالله

طيب ايش فرق المواصفات بينها وبين السعودي؟ 

انا معاي 2016 نص فل لها سنه معاي ماشيه 49000 والى الان ماشاء الله تبارك ولا عمري غيرت فيها قطعه ولله الحمد ولا سويت لها صيانه غير مره وحده 5000 بس ومن بعدها سحبت عليهم وبالنسبه للمكيف ماقد شكيت منها وحتى في الظهريه ماشاء الله ثلج مثلها مثل السيارات الثانيه

يعطيك العافيه عالرد يالامير 

باقي الاسعار والفروقات بين الخليجي والسعودي اللي يعرف يفيدنا لاهنتم

اذا قفلت الباب كأنك قفلت على نفسك خزنه من ثقل الباب ورساوتها وعزلها وراحتها ممتااازة مع ابن عمي وحده ويمدح فيها

السيارة معي 2016 , ندمت اني اشتريتها لسببين اولا المكيف وثانيا سمعتها سيئة , يعني حقة تفحيط وشباب متهور

لكن السيارة اقتصاديه ومرغوبه وقطعها بكل مكان.