أضف سؤال أو موضوع جديد          

ايهما افضل لاصحاب الخبرة والتجربة فقط

up 2 down 3
العمدة2020 15
قبل 2 سنه و 2 شهر



السلام عليكم ورحمة الله 
اخواني وقع الاختيار على السيارتين 
سنتافي اربعه سلندر ٢٠١٧
اكستريل ٢٠١٦ 
ايهما اقضل من ناحية التحمل والاستخدام اليومي وقطع الغيار 

ارجو الا جابة من واقع تجربة لتعم الفايدة 

وشكرا لكم 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سنتافي فئة أعلى ستة سلندر بينما اكس تريل أربعة سلندر ، السنتافي تقارنه بالفاثفايندر أما اكس تريل تقارنه بالتوسان

طبعاً السنتافي يتفوق على الاكس تريل في أكثر المواصفات وذلك لأنه فئة أعلى ، أوسع ومكينة أقوى .


up 3 down 6
النهراني 265
قبل 2 سنه و 2 شهر



اي عارف انو في ستة سلندر بس انا ابغا اربعه لذلك قارنة بالاكستريل وكله ثلاث صفوف


up 2 down 0
العمدة2020 15
قبل 2 سنه و 2 شهر



و عليكم السلام و الرحمة
لتسهيل المقارنة
السانتافي فيه 2400
نفس مكينة و قير السوناتا

الاكس تريل نفس مكينة الالتيما 2500
و نفس القير CVT

ابحث عن نفس العيوب و المشاكل
بالنسبة للاسعار متقاربة
 بين ال70 و ال80 الف بالمعارض


up 1 down 1
أبو نجوى 2443
قبل 2 سنه و 2 شهر



ايهما اقضل من ناحية التحمل والاستخدام اليومي وقطع الغيار

الفورتشنر بلا منازع
قوي
شرس بالبراري القاسيه
عملي
سهل صيانه
وكيل قوي
توفر قطع غيار
رغبة السوق له
صنع ليعمل بكل قوه ولايخذلك
مايعرف نتعه بالقير
ولا المكيف تصنك معه ويفص مثل بعض السيارات اللي كل يوم نازل موظوع بمنتدى حراج
محركات جباره
دبلات قويه
رساوه يعني
مراتب فيها قساوه
لاكن موتر

وعيش الفرحه مع تويوتا



up 14 down 29
خالد الاسكندر -37
قبل 2 سنه و 2 شهر



يعطيكم العافية 

بخصوص التويوتا لا يوجد مواصفات نهائياً في الاستندر وفوق ذالك السعر غالي وكذالك قسوة في المقاعد والنتقيز مثل الونيت 


up 13 down 4
العمدة2020 15
قبل 2 سنه و 2 شهر



سنتافي 6 سلندر حتى لو استاندر.. السيارة عملية وتتحمل الاستعمال اليومي الشاق والقطع متوفرة في كل مكان بسبب شعبية السيارة.


up 5 down 3
dell2012 769
قبل 2 سنه و 2 شهر



الاكستريل صح ثلاث صفوف لكن الصف الثالث ضيق لايمكن

يجلس فيه احد حتى الاطفال صعب لانه مافي مكان للارجل

بالاسفل انصحك تروح الوكالة وتشوف بنفسك


up 7 down 0
ادميرال2002 170
قبل 2 سنه و 2 شهر



نصيحتي لك يا اخوي ب v6
الاربعه عزمهاا ميت


up 3 down 0
سلمان بن عتيبي 123
قبل 2 سنه و 2 شهر



يا سنتافي
أو انتظر المازدا CX9 راح ينزل لها شكل جديد أو الأصغر CX5 
الاكستريل مشاكله بالقير مثل الالتما CVT

وبالتوفيق 


up 2 down 1
al 3oomda 75
قبل 2 سنه و 2 شهر



والله الافضل اكستريل ٢٠١٦ ياباني ونيسان معروفه بس قطاعها غالى


up 2 down 4
مهراس الزهراني 1322
قبل 2 سنه و 2 شهر



السنتافي افضل من ناحية تجربة ماشاء الله راسي وعزل ممتاز جدا السيارة اربعة سلندر وعزمها طيب وال6 سلندر اقوى وافضل


up 1 down 0
stecker_gm 179
قبل 2 سنه و 2 شهر



ماخساره الا الدس لايكات اللي اكلتها علشانك
لاكن البركه في الابطال اللي ادوني لايكات
تقول لايوجد مواصفات في الاستاندر
والسعر غالي
نعم لايوجد به مواصفات لانه ليس مثل السيارات ذات السقف بانورامي
ومواصفات ومحركات رديئه. ضعيفه
وشوف منتدى حراج المشاكل اللي تعرض
لاكت شوف لك سياره سقف بانورامي تفرج في السماء


up 2 down 6
خالد الاسكندر -37
قبل 2 سنه و 2 شهر



^^^^^^
مكيف الفورتشنر من 2006 الى 2015 تعبان وهو في ا لمعرض ما يبرد واسال عنه اي صاحب فتورتشنر بالاضافة ان الامان صفر وهو اسرع سيارة سريعة الانقلاب بالسوق مع البرادو، اخسر الف الفين ولا اخسر حياتي او حياة عيلتي عشان سيارة مافيها امان
حتى المقاطع اللي انتشر بعيد الاضحى عن خروف بطريق الملك عبدالله مباشرة الفورتشنر بسبب فرامل صقع بالصبات!
ونيت مصندق يناقز وفوق ذا غالي ويشرب بنزين مع انه 4 سلندر


up 3 down 0
almuhands 199
قبل 2 سنه و 2 شهر



فعلا مكيف الفورتشنر من اسوء الميكفات

ركبت مع عمي بفورتشنر 2013 ماشي 60 الف

وشغلنا المكيف

طبعا توقعت يكون بارد عالكلام والتطبيل الي نسمعه وجلست انتظر يبرد

ولا برد الا شوي

سالت عمي قلت له المكيف كذا سليم؟؟ قالي ايه هي كذا من يوم طلعها من الوكاله

من وقتها وانا غسلت يدي من الي يطبلون لتويوتا طلعوا كذابين خراطين

بالنسبة لراعي الموضوع اكيد الافضل سنتافي

اول شي فئة اعلى واوسع واكبر

ثاني شي خدمات ومعاملة الوكيل وانتشار الفروع افضل

بيترومين كل الناس تشتكي منه والعيسى ماله فروع

وللعلم ترا السنتافي 6 سلندر مكينته جنزير مو سير ربر يعني تنشي عليها مليون كيلو عادي بدون ما تفتح المكينه بعكس اغلب السيارات

ما اعرف بالنسبة لل4 سلندر كيف النظام

بس انصحك بالسنتافي ال6 سلندر سعره الحين بالمعارض يبدا ب83
وال4 سلندر شفته ب77

يعني فرق ما يستاهل تضيع ال6 سلندر عشانه

بالنسبة للي يقولك مشاكل بانوراما ما عليك منه بس كل 60 الف ودها الوكاله صيانه تشحيم وتنظيف وما بتشتكي باذن الله

انا معي 2015 فل 6 سلندر

وكنت بقروب سنتافي ومعنا واحد معه 2013 ماشي عليها 300 الف!! ومكينه وقير وكالة ما شاء الله تبارك الله


up 1 down 1
معالم التقنية 156
قبل 2 سنه و 2 شهر



اكس تريل ياباني 100% وخالي من العيوب سقته ممتاز مريح عزمه رائع موفر جدا للبنزين


up 0 down 0
العمري للعقارآت 336
قبل 2 سنه و 2 شهر



الياباني 100% بطلت ميزة يالعمري الحين كل السيارات فيها جودة وتخدم

وحتى لو كانت كويسه تراها تتقارن مع التوسان هذا حدها



up 0 down 0
معالم التقنية 156
قبل 2 سنه و 2 شهر