محتار بين سيارتين

ماكسيما نصيحه لوجه الله على يدك وكاله لا تدور وتتعب نفسك وفي الاخير مستعمل المرسيدس ما عليها كلام بس صيانه غاليه جدا جدا والماكسيما جديده ومديل 2016ما راح تطلب الا بعد 5 سنوات واشياء استهلاكية فقط اما المرسيدس موديل 2012 يعني عدا عليها 4 سنوات وتحتاج صيانه وبتتعبك قي الصيانه اذا انت رجال بتتحمل أسعار الصيانه حقت المرسيدس خذها اذا ما بتتحملها خذ ماكسيما وسلامتك

رايك سليم يابو بدر صراحه 
ان تدري وش الي مخليها عالقه في راسي المرسدس مره استاجرتها 3 ايام 
من احلى واجمل السيارات شي لايوصف سواقتها 
لكن مااخفيك عمري ماجربة المستعمل ومادري هل السياره بعد خمس سنوات تطلب صيانه على طول هذا الي مقروشني 
اماالماكس والله لوقيرها موcvt باخذها بدون ماشاور لكن برضه موبطال 

وضحلنا المرسيدس E300 كم مكينته وكم سلندر
إذا مكينته 2000 cc و 4 سلندر زي اللي مع المرور - ترا عزمة طايح ومرة ثقيل وقطع غيارة غالية جداً جداً

طيب الموضوع ماعجبك حطيت ديسلايك مع انه استفسار فقط يعني مايحتاج الموضوع للتقيم الي بيحط لايك جزاه الله خير 
اما تحط ديس لايك وتدخل لمواضيعي وتدسلكها هذا مافي الاتفسير واحد 
حسسسسسد يارب تحمينا ولاتبلانا 

المكينه طال عمرك 3.3 6سلندر  الاحصنه 227 حصان 
ال350 اقوى وانشط 272حصان 
مع اني جربة الاولى عزمها نشيط وفزتها حلوه 
ال E200 هي الاربعه سلندر هذا ماافكر فيها لانها سوح 
اما الماكسيما 3،6 300حصان منزلين عليها ماكينة الزد عزم وقوه جباره

ماكسيما ماشاءالله شكلها جميل و جديد و يكون ع يدك في الوكاله والمرسيدس ماتدري راعيه
كيف كان يسوقها
انصحك في الماكسيما شكلها رهيب ماشاءالله

روح قسم المستعمل بشركة الجفالي كلها عليها ضمان وبعضها يجي معها عقد صيانه مجاني يعني راعيها الأول دفع قيمته

نصيحه خذ جديد وريح رأسك صحيح المرسيدس موتر ماعليه كلام ولكن صيانته مكلفه

المرسيدس فئة الE شكلها راح يتغير بالكامل لموديل 2017

ارشح المكسيما بسبب شكل جديد وجميل لكن اتخوف من نقطه واحده وهي جير الCVT ومشاكل الكهرباء على المدى البعيد.

يوجد سيارات من نفس الفئه بنفس السعر يمكنك ان تضعهم في خياراتك وهم امبالا وتوروس وأفالون وتشارجر وازيرا.

فكر واستخير ولا تستعجل.

بالتوفيق.

المرسدس حلوه وخدومه بس صياتنها غااليه... ومكسيما حلوه بس وكيلها ماعنده سالفه وقطع غيارها نار .. وانت بكيفك

الي يقول ان المرسيدس صيانته مكلفه افنعني تعال انه مايكد كد اكثر من السوناتا !

المنطق يقول اخذ جديد ولا يطلب منك اصلاحات ووجع راس ... والمكسيما طيبة ومهيب شينه

أين الثرى من الثريا؟؟! هل تستوي الفرس الأصيلة مع المهرة الصغيرة؟؟ المرسيدس قطعها متوفرة في أي مكان مو بس في السعوةدية ولكن في الشرق الأوسط قاطبة وبعدة مستويات من الجودة وتناسب مختلف الميزانيات (أصلي جفالي - ألماني - ألماني نخب أول وثاني - تايواني - هندي - صيني)، وسيارة تعيش معك العمرين ولو بعد 20 سنة يظل اسمها مرسيدس ولها هيبتها ومكانتها.

أما الماكسيما مثلاً فانت محدود على الوكيل وقطعك عنده وصيانتك عنده وانت اللي رح تتحمل طيحة السعر، بينما المرسيدس المستعملة في غيرك توه بلع طيحة السعر.

بعدين انت قلت كلمة جوهرية وجاوبت فيها على سؤالك بنفسك: "مستعمله بس على الله أطب في شي نظييي". يعني بقرارة نفسك تبغى المرسيدس! أي E-Class ستة سلندر (لا أربعة ولا ثمانية ولا ديزل) هي السيارة المثالية - يعني سيارة كل شيء لكل الناس وامتلاكها سهل وبيعها أسهل ولو بعد حين. أما الماكسيما صحيح لها بهرجة ورنة وهي جديدة لكن خلاص بعد أربع خمس سنوات بالكثير ما تلقى أحد يتطلع عليها.

على قد لحافك مد رجليك

طبعا انصحك المكسيما لكن الاحظ موترك جديد 2016 ولا فيه قصور عن إلي بتاخذ لو تبي نصيحتي السوناتا تكفي وتوفي

و 90 ألف تستفيد منها في شي ثاني افضلك