أضف سؤال أو موضوع جديد          

مهم جدا .. سبب تخبيط مكائن 2400 الكورية

up 34 down 8
ابو هيثم 7 2254
قبل 5 سنه



السلام عليكم ورحمه الله

زي مانتم عارفين السيارات الكوريه تعاني من مشكلتين الاولى تخص التكييف والثانية تخبيط مكاين 2400 .. المشكله الاولى نزلت لها موضوع خاص اسمه (( عدة حلول لمشاكل التكييف بالسيارات الكورية )) اللي يبغاه يضغط على اسمي ويحصله

>>>>>>>>>>>>>>>>>>>>>>>>>>>>>>>>>>>

الموضوع كتبته قبل 3 سنوات وكانت عندي نظره خاطئه والان بعدلها.. الزيت ماله دخل مجرد تحصيل حاصل هذي المكينه ( حسب رقم الهيكل ) فيها عيب مصنعي عباره عن تجمع شوائب معدنيه من عمود الكرنك توصل للطرمبه وتخبط هذي هي السالفه باختصار

بعبارة اخرى كل اللي كنتم تسمعونه ان المشكله من الزيت او المشكله من الطرمبه والاخراص والتأليف اللي تشوفونه من الورش خصوصا اللي يقولك نحل المشكله بإلغاء العمودين داخل الطرمبه هههههههههههههههههههه للعلم طرمبه السوناتا 2400 من اقوى الطرمبات وحجمها اكبر بمرتين من حجم طرمبه موتري اللي هو ازيرا 6 سلندر مكينه 3000

للعلم يوجد استدعاء مليوني سياره ب امريكا لهذه المشكله ( طبعا زي ماذكرت عدد معين حسب ارقام الهيكل ) وليست جميع مكائن 2400

اعتذر عن خطئي بالتقدير ولكن الجميل بالموضوع انه اشتهر وصار متداول بتويتر وقروبات السوناتا بالواتساب والحمد لله ترك انطباع جيد واعاد تثقيف بعض مستخدمي الكوري بخصوص الزيوت والحمد لله اولا واخيرا.

اللي يسأل عن نوع الزيت بموتري حاليا استخدم زيوت 5w30 فقططط وطبعا تخليقي بالكامل .. واسم الزيت ( سبيد ميت ) الكوري

هذا رابط موضوعي الثاني اللي فيه صور لطرمبه الزيت بالسوناتا ومقارتنها بالازيرا
https://montada.haraj.com.sa/page.php?id=81557











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صدقت انا معي اوبتما ٢٤٠٠ واغير لها زيت هلكس وخبطت امس حسبي الله عليهم


up 0 down 0
الهمشري
قبل سنه و 10 شهر



شوفو ردي فوق كتبت تعليقي وكنت متخوف من سوناتا انها تخبط علي وانا محافظ عليها وضغط ٢ ماتعداه وهي ماشية ١١٧الف
وصرت اعاندها وادعس فيها قلت والله ماتخبط علي عناااد ، بدال ماكنت مثبت على ١٤٠ ما اتعداها .. الحين ١٤٠ السرعة الاعتيادية
واوصل الى ١٧٠ بشكل يوم وادعس على الضغط بشكل خفيف ماافاجئها
واحمي السيارة واخليها تنزل تحت ضغط واحد واحرك شوي شوي بالتدريج اللين تحتمي و يستوي الخط وادعس..
والزيت أغيره على ٥ الاف الى ٦ الاف بالكثير لزوجة 5w40 الترا .
بحكم أني أدعس عليها كثير الزيت يصير بني غامق.. الحين ماشية ١٩٧ ويارب لك الحمد وان شاء الله الى الأمام ياسوناتا اذا وصلت ٢٠٠ الف بدون مايصيرلي شيء
أنا اصفق لها انها خدومة ،، وحسبي الله على من خلاني أوسوس فيها
يارب أنك لا توفق كل شخص خلاني اكره سيارتي هذا استخدامي لسيارتي وسلامتكم.


up 0 down 0
tareq-son17
قبل سنه و 8 شهر