أضف سؤال أو موضوع جديد          

تأخرت بقسط السيارة للبنك الاهلي هل فيه مشكله؟

up 2 down 3
nda4971 32
قبل 3 سنه و 9 شهر



السلام عليكم،والله يااخوان تأخيري في دفع القسط الشهري ماهو تكاسل او نيّه مبيته اني اسحب على البنك
 وانا عارف اني انا اللي جيتهم اخذ السيارة وحقهم مستحيل اجحدهم فيه .القسط كان مستحق في 3 اكتوبر
وماقدرت ادفعه،مثل ماانتم عارفين الغاء البدلات وانا كنت معتمد على الله ثم على القفزه بالراتب اللي كنت استحقها في السنه الجديدة
والحمدلله على كل حال، الان الموعد القادم في 2 نوفمبر 
وانا ناوي اخذ قرض بطاقات سوا عشان اسدد الدفعتين ( اللي فاتت واللي مستحقه بعد اسبوع)

المشكله انا خايف انهم يسحبون السيارة في ذا الاسبوع لاني تأخرت في قسط واحد فقط مع اني ملتزم بسداد ال8 شهور بوقتها 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كيف تسدد دين بدين بتورط نفسك اكثر وقت سداد البطايق يارجال لو تتسلف لا تاخذ بطايق سوا واعتقد السحب ما يسحبوها الا بعد 3 اقساط روح لهم وكل شهر وتفاهم معهم لو تزيد كل شهر 500 او 400 ريال على القسط حتى تسد المتاخر عليك


up 3 down 1
ابوخلوودي1 5071
قبل 3 سنه و 9 شهر



يسحبونها بعد ما تسحب عليهم. ثلاثه شهور 

متتالية. 


up 0 down 1
سبحان الرازق سبحانه 2509
قبل 3 سنه و 9 شهر



لازم تمر فرع تمويل السيارات الاقرب لك و تتفاهم مع الموظف
او اتصل بالهاتف المصرفي ممكن يفيدونك
لا تستعجل باخذ قرض عشان تسدد تحوس الوضع اكثر


up 0 down 0
1405-1985 1049
قبل 3 سنه و 9 شهر



يا اخي الكريم  ولد عمي كان عسكري بالحرس الوطني   وجاه تعيين معلم

وسحب علئ الحرس  ولا سدد لهم  شهرين من تاريخ 11/25 وتاريخ12/25  الان راتبه   توقف من الحرس  والتعليم   ونزل الشهر هذا  

وكان علية اقصاد    وسددهن هالشهر هذا ولا قالوله اي شي  يعني شهر اتوقع مايضر  


up 0 down 1
جاي امس 444
قبل 3 سنه و 9 شهر



↑↑↑طبعاااا نسيت اقولك انه علئ البنك الاهلي


up 0 down 0
جاي امس 444
قبل 3 سنه و 9 شهر



رح تفاهم معهم ورتب امورك وصدقني مادام لك نيه تقضي بيقضي الله عنك
اهم شئ لاتسدد دين بدين وتورط نفسك بأقساط وديون فوق طاقتك


up 0 down 0
fahd077 306
قبل 3 سنه و 9 شهر



اذا انسحبت يلزموك تسدد المبلغ كامل انتبع صاحبي دفعوه 80 الف مرا وحده


up 0 down 0
العمري للعقارآت 354
قبل 3 سنه و 9 شهر



البنك الاهلي انتهى علي التفويض
رحت لهم مادفعت ٤شهور
قال الموظف وقت التجديد ماحد كلمك قلت مدري مرات ما ارد ع احد 
قال احمد ربك ماجاك عليها بلاغ
كنت متلزم بالسداد اللي باقي
٤اقساط والاخيره فقط

يمكن النظام تغير الان


up 0 down 1
وليد عدنان 32
قبل 3 سنه و 9 شهر



يتم الابلاغ عن السيارة في حال عدم سداد ٣ اقساط 

و اذا تم سحب السيارة من قبل المرور 

لديك اسبوعين لسداد ٣ اقساط و غرامة ١٥٠٠ 

اذا لم يتم تسديد خلال اسبوعين 

البنك له الاحقية في بيع السيارة و تكنل تسديد اقساط السيارة

ملاحظة : هذا صار لي قبل ٣ شهور 




up 0 down 1
yazed32 1
قبل 3 سنه و 9 شهر



ما عليك من اللي فوق كلهم و خذ العلم من واحد توهم ساحبين سيارته

طبعاً متأخر شهرين كاملين يعني في بداية الشهر الثالث سحبوها من عند الباب
و يوم كلمتهم قالو السياره مسحوبه ادفع اللي عليك و قسط زيادة قدام وتطلعها
رحت دفعت لهم و استملت الموتر بدون اي شوشره ولا نواقص ولا شي طبعاً وقت استلام السياره
ما يطلعونها من الباب اذا كان فيه شي ناقص منها ..


up 0 down 0
الــســمــاوي 31
قبل 3 سنه و 9 شهر



انا ماخذ من البنك الاهلي

عقدي مكتوب فيه اذا تعثرت في السداد لمده شهرين تسحب السياره


up 0 down 0
asalami 2162
قبل 3 سنه و 9 شهر



في طريقة بس انا ما ادري تمشي معهم ولا لا. هي تمشي مع عبداللطيف جميل واعرف كم واحد سواها.
يعني مثلا نفس حالتك ساحب عليهم في قسط الي هو يوم 3/10 وجاي عليك قسط جديد يوم 2/11 , نفترض مثلا قيمة القسط 1500
بتاريخ 2/11 تسدد 1550 ال 1500 حقت شهر 10 و 50 ريال جزء من القسط الجديد وبهده الطريقة النظام مايسجلك متأخر قسط والشهر اللي بعده
ان شاء الله تدفع 1500 ال 1450 حقت شهر 11 و 50 ريال لشهر 12 .


up 1 down 0
habani 60
قبل 3 سنه و 9 شهر



اهنيك علي امانتك ومسئوليتك
مايسحبون السياره الا بعد شهرين او ثلاثه
والحل ابسط مما تصوره
قسم القسط الي راح علي اقساطك القادمه وحسب قدرتك
يعني القسط 1000 ريال ادفع الشهر الجاي 1500 والي بعده 1500 وتنتهي
طبعا حسب مقدرتك
ونصيحه لك بما ان السياره اجار تمليك اذا فاض علي اخر الشهر فلوس سدد ولا تتردد
سدد مقدما شهر او شهرين للضروف الطارئه المستقبليه


up 1 down 0
abojpl 372
قبل 3 سنه و 9 شهر



اذا ماسددت قسطين متتالين يحق لهم سحب السياره يعني انت بوضعك ذا مااحد يقدر يسحب سيارتك لكن لو ماسددت القسط الثاني يحق لهم يسحبون السياره وتقدر اذا انت مضغوط مادياً اذا نزل الراتب تسدد قسط واحد وتخلي قسط متاخر او تدفع قسط ونص والشهر اللي بعده كذا

السحب مايتم الا في حالة عدم السداد لشهريين متتالين


up 0 down 1
00o00o00 123
قبل 3 سنه و 9 شهر



اسأل الله ان يوفقكم اخواني ويرزقكم ويسعدكم بالدنيا والاخره.وبارك الله من كان سبب في اجتماعنا 
في المنتدى الطيب.الله لايحرمكم اجر مساعدتي 


up 0 down 1
nda4971 32
قبل 3 سنه و 9 شهر



بارك الله فيكم



up 0 down 0
i7s24
قبل 2 سنه و 10 شهر



هل يوقفون خدمات اذا انسحبت او مادفعت حق كسر العقد


up 0 down 0