ما رأيكم في قطع الغيار الكورية ؟؟

قطع البودي ركب تجاري
القطع الداخليه ركب اصلي

وريح بالك

نفس كلام اخوي معالم التقنية
اي قطعة كهربائية ميكانيكية اصلي اصلي اصلي
الرديتر يفضّل اصلي ولكن في انواع أرخص ونفس الوكالة
شمعات اي قطعة في البدي ركب تجاري حتى لو صيني عادي
لكن خلي في بالك ان قطع البدي التجاري تحملها اقل من الأصلي
يعني اذا لا قدر الله وواحد دقك البدي بيتأثر عكس الأصلي
أما الصدام اذا كان بلاستيك وناشف (امسكه بيدك )
لا تاخذه ولو بريال لانه ممكن لو انت تكيت عليه انكسر
خذ النوع اللين عشان يمتص الصدمات

تواصل معي عالخاص وبرسل لك رقم واحد يبيع قطع هونداي اصلي واسعاره معقوله

^^ محله بصناعيه العاصمه كلمه عالجوال وخله يعطيك الاسعار واذا تستاهل رح له

ياخي ماشاء الله الي نفع هيونداي فطعها رخيصه عارف القطع ذي
لو بتركبها ببعض السيارات الاخرى قد يتجاوز سعرها 10الاف ريال
طبعا رأي من راي اخوي معالم التقنيه قطع ميكنيا وكهربا ركب اصلي
قطع بودي تجاري

انا طلبت قطع للاوبل
لقيت احد القطع اصليه بس صناعه كوريه ونفس القطعه القديمه ماتختلف
اي سي ديلكو بس صناعه كوريه

والله وانا اخوك ماقلت لنا وش نوع السياره ؟؟؟ لكن غالبا انها سوناتا أو ألنترا

بالنسبه للسوناتا 2011 وفوق قطعها التايواني برخص التراب حتى انه ارخص من قطع الكورلا التايواني موديل 2007 وتحت لدرجه ان الصدام الامامي سعره 75 ريال فقطططط !!!

وحسب علمي ان قطع السوناتا تجي 3 انواع :

1/ اصلي وكاله .. هذا تحصله فقطططط بالوكالات الثلاث او عند منيف النهدي كونه موزع معتمد لقطع هونداي وتويوتا

2/ كوري درجة ثانية .. هذا تحصله عند باقي الموزعين وهو اكثر شي تحصله بالسوووووووق

3/ تقليد .. اما صيني او تايواني وهذا لبعض سيارات هونداي وليس الكل .. مثلا الازيرا 2012 وفوق والجنسيس بكافه موديلاتها لايوجد لها قطع تقليد

مشكله الكوري اللي يعتبر درجه ثانيه انك ماتعرف من اللي يستورده ؟ فلا تستغرب يكون صيني اصلا لكن مكتوب عليه كوري !!

بالنهاية اذا تبي قطع هونداي اصلي ورخيص (( ومضمون )) اقولك لاتتعدى منيف النهدي

قطع بدي تجاري كل الناس كدا سواء هونداي او غيره اما ميكانيك وكهرب خلك على الاصلي