السيارة ماتشتغل وعلامة المفتاح في العداد مولعة ..؟

مشكلتك في المفتاح.. ممكن طاح او مكسور وتحركت الشريحه الداخليه

الحل جرب ب المفتاح السبير... واذا ما عندك

روح محلات المفاتيح وخليه يشيك لك ع المفتاح هل هو سليم او لا ( مجانا وخلال ثواني )

ماظنتي من المفاتيح مجرب عليها مفتاح الوكالة السبير ماعمري فكيته
ونفس المشكلة ماتغير شي ..

مفتاح رموت تشغيل بصمته او عادي اذ بصمته شوف بطاريته
اذ عادي جرب السبير ممكن في مشاكله في المفتاح
اذ ماظبط محل المفاتيح بفحص المفتاح اذ طلع سليم
افحص كمبيوتر يطلع لك العطل

غالباً يكون بسبب ان سيارتك بصمة والرموت مخلص بطاريته
بدل ماتضغط بصبعك على زر التشغيل استخدم الرموت بدال صبعك وبتشتغل معك باذن الله
غير بطارية الرموت وبترجع مثل اول

هذا الخلل من المفتاح نفسه قد صارت مع عمي على كابرس والسبب انه فاك المفتاح وتحركت الشريحه ولف شطرطون اسود على المفتاح واشتغل ! 

يا شين الدرعمة بس 
شلون سوناتا 2009 و بصمة (على قولكم) 
الدخول الذكي و التشغيل بزر بدأ في سوناتا من 2010 الدفعة الثانية اللي هو الشكل الجديد 

اخوي هذه صارت لخويي قبل اسبوع وعنده النترا وطلعت نفس العلامه وكنا نتوقع انها شريحة المفتاح بس جربنا كل المفاتيح وعيا تشتغل السياره ولا تدق سلف اصلا وفي الاخير سوينا اشتراك واشتغلت وراح غير البطاريه والان زي الحلاوه

السلام عليكم
اخوي الله اعلم المشكله عندك من فيوز الكسيورتي لانه مرت علي نفس المشكله مع اوبتيما 2006
شوف الفيوزات اللي بالكبوت راح تلقى فيوز صغير اعتقد لونه ابيض شفاف او اصفر فاتح
وايضا في فيوز كبير يسموه دقمه او كتاوت خاص بالسكيورتي بنفس العلبه اذا ضعف او احترق السياره ما تشتغل الماكينه
وللمزيد انا بالخدمه على جوال 0505315674

راموس يا اخي اختلط علينا 2009 و2010 .. ماله داعي الردود التحبيطية

السيارة مفتاح مو ريموت وشيكت على الفيوزات اللي بالكبوت بس الفيوزات الكبيرة كيف اعرف انه خربان او لا ؟

ممكن مكتوبه بغطى العلبه او بالكتالوج
واذا ما وجدتها اشتري واحد كتاوت جديد قيمته 60 ريال تقريبا او اقل وبدله مكان الكتاوت اللي بالعلبه وجرب واحد بعد واحد
الى ان تجده

بخصوص الفيوزات
الافضل الفحص باخراج الفيوز من مكانه والنظر اليه والتأكد منه واذا كان فيه سواد بسيط وغير محترق من الافضل تغيره
يعني لا تعتمد على التستر او السلك حق فحص الفيوزات لانه ما يبين الفيوز الضعيف

ابشركم ماخليت ولا ورشة للاسف كلهم يتعلمون بالمشاكل الصعبة
الى ان دلني الله على امريكي ميكانيكي ف ياليوتيوب وشرحت له المشكلة بالتفصيل وكان متعاون معي جدا
وفي غضون يومين اتى بحل المشكلة .. الا وهي ((البخاخات)) غيرتها بخصم 50% اصلي ب 600 ريال
مع اني منظفها زين ومختبرها بفحص الكمبيوتر ويقول سليمة
لكن اتضح انها اذا سخن المحرك تتوقف عن توصيل الكهرباء
اشكر كل من اجتهد وحاول يساعدني

كيف اذا سخن المحرك يعني جايته حراره السياره

عندي سياره هونداي النترا 2008 طلعت عندي علامته المفتاح كل ما اشغل السياره ما تشتغل وديتها عند أكثر من كهربي ولا عرفو ايش المشكله المحرك يدور بس ما تشتغل فحصت الكمبيوتر سليم مافيه شي ورحت عند واحد قال يمكن سبب المفتاح أو الحساس ولأن ما عرفت ايش افعل ردوني خبر