تكملة لموضوع الاوبل وقطع الغيار
15
4
إضغط هنا للإخفاء
السلام عليكم ورحمة الله وبركاته :
يامرحبا فالجميع
اليوم بكمل جزء من موضوعي عن ترميم الاوبل + تقرير عن تجربتي للالنترا لل 150 الف
بالنسبة للقطع اوبل طلبتها وكانت رخيصة واصليه
غطى الاديتر 15 دولار صناعة كورية اي سي ديلكو >>> اتوقع اي سي ديلكو لها مصانع في كوريا
طبعا نفس الارقام المطلوبة 17psi 120kpa
القربة 68 دولار صناعة ايطالية من جنرال موتورز
تم تركيب القطع حاليا
وشلنا اديتر المكيف وتركان مرواح المكيف وراح نوقفها حت نتفضى لها وقت اخر ونكمل باقي الرش
بالنسبة للقطع والبحث عنها
لقيت تشليح للاسف منتهيه وغاليه والقربه ب 150 وفيها حساس اصلا واتوقع انه خربان فتركتها وتوجهت لا امازون ومواقع القطع
اغلب المواقع بشركة اوبل مالقيت عندها خيارات للاوميقا
يعني وقفوا القطع
والقطع الي لقيتها اما مستعمله او جديده مخزنه عند متاجر وشريت منهم
لذلك ما انصح احد يشتري هالسياره لو ب500
نجي لموضوع الالنترا ...
السيارة حاليا كملت معاي سنتين ونص تقريبا وتقييمي لها والملاحظات كالتالي :
تماسك الديكورات الطبلون والاكتاف اسوء منه مافيه بعد الاستخدام تتفكك وتتهربد وكئنها مثبته بكلبسات ضعيفه
مشكلة المكيف والكل عارفها وقت الحر ماهو بذاك الزود ولازم عالدرجة 3
مشكلة الدركسون معروفه وعندي اصوات طقطقه ومعطيها طنش دام السياره ماشيه
مرت عليها فتره الكهرب يجيها ترميش اذا كشحت العالي واختفت المشكلة
مرتين سويت لها وزنيه اذرعة واعتبر عضلاتها قوية كل هالفتره الحفر والمطبات يعتبر شي طيب منها
هناك ملاحظة كثيرين اشتكوا منها
(( ظهور صوت طقطقه في المكينة بداية التشغيل ويختفي اذا حميت ))
الصوت واضح حتى وانت مقفل الكبوت
اختلفت الاراء والافتاءات بانواع المشاكل وطنشة الصوت برضه
يطلع وقت البرد فقط ولحد الان المكينه سليمه لذلك بالنسبه لي اشوف الصوت طبيعي جدا على فترة الاستخدام لو هو عيب كان صار مشكلة فالمكينه
القير اخذ فتره ينتع اذا جيت اوقف واختفت المشكلة نهائيا
البطارية كانت هانكون ماكملت سنه والا تعطلت
غيرتها ببطارية اي سي ديلكو ولحد الان شغاله اكثر من سنه
هذا الي افتكره ويمكن نسيت شي
الايجابيات
المكينه اعطيها 10 / 10 لحد الان ماتغير عزمها ولا عليها اي ملاحظات
استخدامي شاق جدا يوميا داخل المدينه وخطوط سفريات ما راحم الموتر
لكن حدي 140
القير برضه 10/10 مافيه اي مشاكل او ملاحظات
المساعدات ممتازه لحد الان سليمه
بالنسبه للي يقولون الكوري مكاينه بعد 100 الف تخبط فغير صحيح
بالنسبه للي يقولون تغييرزيت القير اكثر من 100 الف يخبط القير
انا غيرته على 121 الف وراح ارفق لكم الفاتوره والقير ماعليه اي خلاف
الصيانات الي دايم اسويها
تغيير زيت وفلتر كل 10 الف كيلو
الزيت 20/5 او 10/30 موتور كرفت حسب المتوفر لاني اشتريه من الوكالة
ماشاءالله تبارك الله
ما قد شفت اي نقص لزيت المكينه
فلتر الهوا مهتم بتغييره بشكل دوري بحكم الاجواء عندنا المتقلبه ولحد الان ماعندي اي تفتفه وهي واقفه او ضعف فضغط الهوا
بالعكس المكينه هاديه
هذي ابرز الاشياء الي اتذكرها والي حاب يسئل عن شي ماذكرته يسئل
إبلاغ
الردود
0
0
انا شايف موضوع المكيف في الالنترا توافيق
يا تضبط معك يا ما تضبط
واحد من الشباب معاه النترا 2013
ماشيه 200 وعليها
المكيف كان مافي احلى منه
حتى جاب واجهتها وخرب عليه البلف حق الكمبروسر وما غيره
بس لاشبك المكيف لا احكي لك
وبالنسبة للديكورات
مع الشوراع الجميلة الناعمة شي متوقع يطلع أصوات بس مو بشكل الي انت جالس توصفه
صوت الدركسون نعم موجود عندي
كهرباء حمدلله فل الفل مع اني لاعب فيها شوي
ليد عند الدعسات
وزينون وليد في الكشافات وتشغيل عن بعد ومركب جهاز يسحب برمجة السيارة
بس صارت لي هرجة الأسبوع الماضي واتوقع لخبطة في الكمبيوتر
الي هو الطبلون يشتغل بأقوى انارة لما تشغل اللمبات الخارجية
غير كذا الكهرباء ما يحتاج
انا شايف العيب حقها العزل الارضي مضايقني
وفي عندك الزاوية اليسار الي تكون بين القزاز الامامي وباب السواق
كذا مره بغيت اجيب العيد بس ربك يستر والشاشة الي كبر الرواتر حق الهواوي مدري ليه صغيرة
وعقبال المليون ان شاء الله لي ولك
1
0
انا مره جربتها يومين. حكمي عليها ايجابي وغير من فكرتي. ليه ايجابي. لأن لدي اخ لايرحم السياره يضرب اي مطب
لايهتم بها مطلقا. الله يعين اللي يشتري بعده سياره. المهم. اخذ سيارتي وسافر مكه وانا اخذت سيارته. استغربت نظافتها
مع واحد زيه. فقلت لابد ان التي تحملت اخي الغير مهتم بالسياره لابد انها جيده. الدركسون. ما اعجبني. ممكن لأني ماتعودت عليه
0
0
1
1
2
0
2
1
راحت ايام الفورد ولاني بيمه حاليا داخل في بناء بيت ولازم امسك الدراهم شوي
خالد الرياض حياك الله
Ms3al
الهرجة الي صارتلك هي تكلمت عنها بس يمكن ماشرحتها زين
مرت علي قبل فتره واختفت فتاكد انها ماهي بمن الاشياء الكهربائيه الي انت مضيفها
لاني انا مب معدل اي شي
اما سالفة اصوات الديكور ماتطلع الا تذت مشيت طرق مكسره
088mansour
حياك الله ياخوي
وعلى قولت الاعرابي
الاثر يدل على المسير والبعرة تدل على البعير فسماء ذات ابراج
وارض ذات فجاج وبحار ذات امواج الا تدل على السميع البصير
فلكل شي دلاله وكل له واحد له دلالته الي تعكس وضعه
لذلك انا اطنش واتصرف حسب رغبتي وليس حسب رغبة غيري
ولاقد اهتميت ايش تقول الناس عني او فغيابي
وشكرا على مرورك
Mothagaisiyah
اصوات الطقطه فالمكينه وقت البرد ماعرفت وش سببها لكن موجودة عندي وماتوقع انه عيب هذا اذا ماكان نظام حاطينه له سبب!!
The glory
فورد العربيه بصراحه صار ثقيل وان نزل موضوع انتظر كم يوم عشان يجيك الرد
عكس زمان كان نشيط وانشط من منتدى حراج
اما سالفة التوفير فصدقت فيها لكن ضريبتها كسرت ظهورنا هالسيارات خصوصا اني راعي خطوط
والله يعطيكم العافيه جميعا
4
0
بالصدفة وانا ماسك خط ينبع انتبهت للصوت لقيته من البلاستيكة الصغيرة الي تحتها المسمار الي يفك الباب
وفي صوت ثاني لحد الان ما ني قادر اكفشه الي هو جهة الحزام رحت للوكالة وقلت لهم عليه وصلحوه والان رجع
اذا عرفت من فين مصدر الصوت الي جهة الحزام لا تنسنا بالله
لأن إذا عرفنا مصدر المشكلة نقدر نتفادها نحط لصق ولا نحشر لها ورق
وانا عارف انه ماهو من الاشياء الي انا ضايفها
بس انا اعلمك كيف طلعت لي
انا لفيت عصا النور بسرعة وصارت الحركة الي اعلمك عليها
0
0
القربه تشبه حق ابيكا 2005 لكن ماني متاكد
فائده الحساس الي داخل القربه... اذا نقص الماء تشتغل لمبه في الطبلون او تطلع لك كتابه ع حسب تصميم الطبلون
0
0
0
0
ايوه صح كلامك نفس الي صار معي تلف عصى النور تشوف انوار الطبلون تضيئ بكل قوه فجئه مدري وش سببها
Alaslami
انا يوم كنت ابحث عن القطع كان يطلع لي قطع كثيره للا ابيكا والافيو متشابهه للاوبل
اما الغطا لقيت نفسه لس ارقامه تختلف
اتوقع فيه شراكة تصنيع فالشفر والاوبل
0
0
قبل 8 سنه