موضوع مهم بخصوص الكفرات ومقاسها
2
3
إضغط هنا للإخفاء
السلام عليكم ورحمة الله وبركاته
راح اتكلم عن تجربتي بكفرات الاكسنت الفل الكامل جنط 16
اشتريت السيارة وكالة ومشيت عليها حول 18 الف وكان راكب عليها طقم هانكوك مقاس 195 50 16 وكان فيها كفرين محبلة ونقشة الكفرات الامامية متقطعه رغم ان استخدامي عادي جداً للسيارة وركبت طقم جديد هانكوك نفس المقاس وما كمل 6 الاف الا وكم كفر محبل المهم قررت اغير المقاس الى 205 55 16 واشتري كفرات يوكوهاما صحيح طولت معي كثير حتى حبل واحد منها قبل يومين من حفرة تقريباً كملت سنه وحوالي 22 الف كيلو لكن كانت لها اثر سيء على ممشى السيارة التسارع والتبديلات ثقيله شوي وايضاً السرعة القصوى لا تتجاوز 180 وترد السيارة نمرة من الرابع للثالث علشان ترجع لنفس السرعة بسبب المقاس غير المناسب رحت محل كفرات وقال لي راعي المحل بعد ما سمع معاناتي غير صيني سعر رخيص وعملي بحكم اني ما اسافر اكثر من 300 كيلو ولا حبل الكفر بسيطة سعره مع التركيب 116 ريال توكلت على الله وغيرتها ولاحظت فرق بالممشى والتسارع والتبديلات صارت اخف بكثير عن اول لما كنت مركب مقاس اكبر الخلاصة لا تركب مقاس اكبر من مقاس الوكالة واصحاب الفل اذا عانيت من الجنوط والكفرات ركب كفرات وجنوط الستاندر افضل حل بدل تغير المقاس الاصلي للكفر
إبلاغ
الردود
والفكرة والشرح بالتفصيييييل كتبتها بخصوص هالموضوع سابقا .. اضغط على اسمي وتحصله اول موضوع وبإذن الله راح يفيدك
2
0
1
0
0
0
0
0
0
0
الحين لو تشيك على مقاس كفراتك بتحصل مكتوب 205/55/16 وبعدها مباشرة تحصل رمز مكتوب عليه 91V وهنا مربط الفرس .. 91 هو رمز التحمل وهو اللي جايب العيد فيك ومحبل بالكفرات لانه ضعيف .. فأنت تحتاج ترفع الرمز ذا الى 94 عشان تسلم من التحبيل عرفت .. اما حرف V ف يدل على السرعة وهو ان الكفر يتحمل سرعه قصوى مقدارها 240 كيلو متر بالساعه
وللمعلوميه انا بحثت عن مقاس كفراتك بالموقع اللي انا كاتب رابطه بموضوعي .. طلع لي اكثر من 10 دعسات مختلفه لهانكوك للمقاس ذا بعضها 91V وبعضها 94V
1
0
انا عطيتك مثال على الكفرات اللي انت ركبتها .. سواء كان العرض 205 او 195 انت بكلا الحالتين تحتاج ترفع نسبه التحمل اذا ودك تسلم من التحبيل
0
0
0
0
انا جربت نيكسين الكوري صحيح مايحبل لكنه يطلع اصوات وغير عملي يعني اخس من الهانكوك
دورت ف باقي الكفرات الكوريه لقيت مارشال وسعره مبالغ فيه بقوووة ... والرابع ريدستون ( وليس برجيستون ) ومحد مدحه لي
بالاخير ركبت كفرات تايوانية اسمها نانكينق وللامانه طلعت افضل من الهانكوك بكثيرررر .. وبسببها اخذت درس (( هو ان العبرة اولا واخيرا بمواصفات الكفر وليس بلد التصنيع )) غير كذا فرق السعر بحوالي النص تقريبا لان الهانكوك ب 650 ونانكينق 350 لجنوط مقاس 19
فيه نوع صيني اسمه جينيو وعليه علامه الفيل ونوع ثاني اسمه ويست ليك .. ذا وكيلهم ابن شيهون نفس وكيل الهانكوك ويعتبرون افضل كفرات صينيه بالسوق حاليا لان جودتها ممتازة عكس باقي الكفرات الصينية
1
0
0
0
وهلحين مركب صيني. يعني في السفر امش ١٤٠. وفي المدينه ٨٠ الي١٠٠
اهلك في انتظارك. فلا تحرمهم
قبل 8 سنه