أضف سؤال أو موضوع جديد          

دبة البيئة والرصاص مشكلة ؟

up 2 down 2
hafizali 268
قبل 2 سنه و 5 شهر



السلام وعليكم ورحمة الله وبركاته اخواني اشتريت سيارة من قريب ليا واكتشفت إنه الشكمان حالته حالة ملحم ودبة البيئة ملغية
فنصحني الميكانيكي اغيرهم مع سوسته الشكمان راكب فيها تجاري لإنه اسمع لما اجي من مشوار اوقف اسمع صوت هواء مدبدب من تحت السيارة هذا بعد ما عملت تصفية مكينة من كل شيء فلاتر تنظيف احس باقي فيها كتمة شوية السيارة النترا 2013
سؤالي إذا رحت التشليح كيف اعرف الشكمان نظيف ودبة الرصاص موجودة حجم المكينة 1.6








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


مالك غير التشليح
تجيبلك دبة تلوث كاملة وتركبها عندك
واتوقع مصروف البنزين عندك عالي
هذا بسبب انه دبة التلوث غير موجودة
الله يعينك


up 2 down 1
moathyaseen 1382
قبل 2 سنه و 5 شهر



دبة الرصاص يكون بداخلها فراغات مثل الصورة الي بالرابط https://www.google.com.sa/search?q=%D8%AF%D8%A8%D8%A9+%D8%A7%D9%84%D8%AA%D9%84%D9%88%D8%AB&source=lnms&tbm=isch&sa=X&ved=0ahUKEwjg76ylxpvQAhWK0YMKHeK-CPQQ_AUICCgB&biw=1366&bih=633#imgrc=ZBcyDCgxLQxSJM%3A
وخله يعطيك ضمان على القطعة يومين او ثلاث



up 2 down 1
moathyaseen 1382
قبل 2 سنه و 5 شهر



يعطيكم العافية على الردوود هل تسبب اختناق للمحرك ورجة ؟


up 0 down 0
hafizali 268
قبل 2 سنه و 5 شهر



اختناق لا
بس تحصل فيه مثل التفتفة وصوت المكينة يكون مرتفع
انا اقولك ايش المشكلة الي صايرة عندك
عندك حساس يتحم بكمية البنزين الي يضخها للبخاخات
هذا ييجي على المكينة وطبعا ياخذ قراءة من الحساس الموجود على دبة التلوث
الي يسموه حساس الشكمان
وانت دبة التلوث عندك ملغية
فحساس الشكمان يعطي قراءات خاطئة لحساس الاوكسجين الي ييجي على المكينة
فتتلخبط كل القراءات الاساسية في السيارة


up 0 down 0
moathyaseen 1382
قبل 2 سنه و 5 شهر



* عندك حساس (يتحكم) بكمية البنزين الي يضخها للبخاخات


up 0 down 0
moathyaseen 1382
قبل 2 سنه و 5 شهر



لو السياره شاريها من قريب ليك ، ممكن تسأله عنها ، يمكن فكها ووضعها بالبيت عنده
وبخصوص شراء الدبه - اشتري الشكمان كامل من سياره موديل السنه مصدومه وممشي قليل ، وستلاحظ عدم وجود لحام بالشكمان دا معناه ان الدبه موجوده وغير مفرغه وبالمره اشتري حساسات الاكسجين مع الشكمان وريح دماغك


up 2 down 0
عمده33 1636
قبل 2 سنه و 5 شهر



تسبب كتمه لسياره. تدعس بنزين. تحس السياره مخنوقه 

مافيها حيل تمشي. وصوت السياره. خشن او عالي. 

بتحصل في التشاليح. نظيفه. وهذي ترا ماتخرب. 

بس الي فكها. مدري وش كان السبب.  

واحد من اقاربي عنده النترا٢٠٠٤ كل شكماناتها شد بلد 

مافكت. يعني ماتخر بالعربي الفصيح والسياره لها اكثر من ١٠سنين

لاكن يمكن الي باعك السياره. فكها على شان مشكله وماطلعت 

منها. 


up 1 down 1
سبحان الرازق سبحانه 2477
قبل 2 سنه و 5 شهر



اتن شاءالله بأخد واحد من نفس المكنية 1.6 موديل حديث واتاكد مافيها لحام والله ماتدري ايش يحس شفنا ناس تفك مسجل شاشة اما واحد يفك شكمان ماتدري وش يحس فيه هههه اعتقد حقكها ةوعاد قال يلا نلحم وبس
يعطيكم العافية على الردود


up 0 down 0
hafizali 268
قبل 2 سنه و 5 شهر



يارجال روح الوكاله وخذ جديده توني اخذت للسوناتا 850 جديده 


up 1 down 0
7amood1930 306
قبل 2 سنه و 5 شهر



7amood1930 21 فرقت معك السيارة بعد التغيير؟


up 0 down 0
hafizali 268
قبل 2 سنه و 5 شهر



moathyaseen
بالعكس اصلا فك الدبة تساعد على خروج الكربون بسرعة يعني المكينة مرتاحة اخر درجة
وغير كذا العزم يتحسن والصرفية للأفضل بس ممكن مو كل السيارات تنفع فك الدبة
انا عن نفسي فكيت الدبة لان كنت اعاني من كتمة وريحة مقرفة بعد سرعة 100 وتفتفة
وبعد الفك كل المشاكل راحت والعزم بطططل ولا يوجد صوت مرتفع للمكينة وكمان حساس الشكمان في موتري قبل الدبة
ولم تولع لمبة المكينة بسبب فك الدبة


up 1 down 1
dark evil 426
قبل 2 سنه و 5 شهر



بعض السيارات ما تولع لمبة المكينة بس تظل المشكلة موجودة
بالنسبة لراحة السيارة بالنسبة لي هي انها تظل مثل الوكالة
الوكالة صنعتها عشان تكون مرتاحة
فيه تجربة شفتها على اليوتيوب انهم يقيسو عدد الاحصنة قبل فك الدبة وبعد فكها
توصلو انه بعد فك الدبة نقصت 5 او 6 احصنة



up 0 down 1
moathyaseen 1382
قبل 2 سنه و 5 شهر



انت عندك ممكن كانت الدبة مكتومة واتوقع سيارتك مديل قديم وعدد السلندرات فيها 6 او 8 سلندر
ممكن يتحسن معك العزم بسبب انسداد الدبة
قبل
اما لو غيرتها بجديدة رح تحس بان العزم صار افضل من فك الدبة بالكامل


up 0 down 0
moathyaseen 1382
قبل 2 سنه و 5 شهر



نقصت بعد التفريغ فقط !!
لكن العزم زاد شيء بسيط جدا بعد فك الدبه وتركيب 
بيب ( ماصوره ) مكان الدبه 

وسبب الصرفيه الزايده هو حساس الشكمان 
وبعض المواتر الحساس قبل الدبه وهذا افضل 
لكن بعض المواتر الحساس في الدبه نفسها 
ولها حل وهو ترهيم في البيب اللي بيتركب مكان الدبه 
.
وللفائده يفضل تخلي الدبه واذا حسيت في مشكله في الدبه 
تسوي تنظيف وان شاء الله تضبط ،،، واذا ما انحلت المشكله 
فنصيحه لاتفرغ الدبه !! الافضل تركب بيب ( ماصوره ) اصليه 
.
وللمعلوميه البيب افضل من الدبه في راحة المكينه وخفة الموتر
لكن الصرفيه بتزيد بشيء بسيط جداً جداً وريحة الكربون 

والله يوفق الحميع


up 0 down 0
عبدالله 711 776
قبل 2 سنه و 5 شهر



يب فرقت كانت مسدوده وصار تنسيم وصوت بايخ مع الدعسه والعزم مو مثل قبل بعد التغيير

عم السلام والهدوء واستجابه افضل واهم شي الصوت السامج اللي كان يطلع والعزم الضايع 


up 0 down 0
7amood1930 306
قبل 2 سنه و 5 شهر



7amood1930
زي ماقلت سبق وفكيت الدبة ولايوجد اصوات بايخة ولا تغير صوت الموتر اصلا
فقط حسيت تغير بنسبة 3% اذا شديت الموتر على الاخر يعني وصلت عداد RPM فوق 4
لاحظت صوتها اختلف شيء بسيط والصوت اجمل
غير كذا تغير الموتر للافضل من استهلاك البنزين والعزم وغيره
ياشيخ من اول نص التانكي يمشيني 90 الى 100 ميل يعني حوالي 160 كيلومتر
والحين بعد فك الدبة بين 150 الى 160 ميل يعني حوالي 256 كيلومتر
وتبيني ارجع الدبة !!!!!
انا فكيتها ليس عمدا ولكن الدبة مسدودة ولا اقدر افكها الا بالقص بالحرارة
لو موتري سوناتا كان سهل كلها مجرد براغي وتنفك لكن الكامري مستحيل


up 0 down 0
dark evil 426
قبل 2 سنه و 4 شهر



والي يقول الدبة تقلل العزم شوف هذه الدراسة وشوف الفرق بين دبة وكالة ودبة مفرغة ودبة ملغية ومركب بدالها ماصورة

https://www.assayyarat.com/forums/post2761536.html#post2761536


up 0 down 0
dark evil 426
قبل 2 سنه و 4 شهر