أضف سؤال أو موضوع جديد          

مشكله في قير ازيرا 2011

up 3 down 1
yousef alyusef 3
قبل سنه و 12 شهر



السلام عليكم ياشباب
عندي مشكله عويصه في موتري اللي غثني كل ماصلحت فيه شي خرب شي والسالفه طويله شوي واتمنى من اهل الخبره يفيدوني لاني عجزت القى حل

بقولكم السالفه من البدايه....
اول شي انا موتري شريته مستعمل من واحد من الشباب وقالي راعيه ان فيه زي النتعه او رجفه على السرعه الخامله يعني وانا مهدي وان المشكله ظهرت بعد ماغير  البواجي
قلت ماهي مشكله ان شاء الله بسيطه 
رحت فحصت الموتر تبين لي ان ثلاجه المكينه فيها تنسيم هواء حطو لي معجون وزبطت السياره لكن ظهرت لي مشكله ثانيه
صارت السياره وهي واقفه الـ rpm يرتفع وينزل من نفسه وبعد الفحص قالي الفني  ان حساس منظم الهواء خربان يحتاج تبديل  
وقالي بعطيك حل موقت تمشي عليه امورك لين تغيره اللي هو انه فصل فيش الحساس وصارت السياره زينه لكن لمبه التشييك والعه
في هذي الاثناء انا خليت الموتر على ذا الحاله يومين قلت لين اروح اشتري القطعه وكانت تبديلات القير غير منتظمه يعني تمشي شوي وعند التبديل مثلا من ٣ ل ٤ تحن شوي وتلقم  وطلع فيه زي صوت الزنه اذا دعست والقير بـD زي صوت زززززز واذا حطيته بـN ودعست يختفي
قلت يمكن عشان الحساس مفصول طنشت ماهتميت
بعدها رحت عليها القصيم عشان اشتري  الحساس بعد ماشريته وركبته في ورشه هناك ولازالت المشكله موجوده الاربي ام يلعب وصوت الزنه والقير يناتع
 ارتفع صغطي رحت ورشه فحص ثانيه فحصوها قالو ان الحساس ماله دخل ومافيه شي اصلا عشان تغيره قالي التنسيم للحين موجود رجعت للورشه الي صلحتها عندهم اول مره فحصو الثلاجه وطلع فعلا لا يزال فيه تنسيم زبطوها زين وشغلتها صارت تمام بس المشكله الحيييييين ان القير للحين فيه صوت الزنه واذا كانت السياره موقفه من اليل وشغلتها وحميتها ومشيت ودعست يعني ابيها ترد نمره يفضي القير وتحن واذا هديت ودعست ع الخفيف تمشي واذا حطيت القير ع العايدي الاحض انه معلق ع النمره الثالثه مايرضى يبدل  واذا طفيت وشغلت زبطت شوي وخربت وماتزين وتختفي مشكله الفضاوه والحنه  الا اذا احتمت السياره ومشيت عليها كم مشوار  تزبط الامور كلها لكن صوت الزنه  يبقى مايروح

الزبده اني طولت بالسالفه لكن ياخوان تعبت ابي حل  انا سالت كم واحد قالي غير زيت القير والفلتر بس ماحس ان لها دخل  بالمشكله لانها ماطلعت معي الا يوم فصلت حساس منظم الهواء ومشيت عليها هل من احد عنده خبره يفيدني وش اسوي وجزاكم الله خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بعطيك حلين بحكم خبره وتجربتي بنتعه القير .. 

جرب افصل البطارية يوم  واشبكها  وبعد 60 كيلو اذا م ضبطت رح سو برمجة للقير واذا م ضبطت هاذي من شريحة القير 


up 2 down 0
iphone-11 5
قبل سنه و 12 شهر



ولاتنسانا من الدعاء  



up 0 down 0
iphone-11 5
قبل سنه و 12 شهر



حياك الله اخوي وجزاك الله خير الحزاء على الرد
فصلت البطاريه وماخليت شي ولكن بلا فائده  المشكله احسها ميكانيكيه اكثر من انها برمجيه لانها اذا مشت السياره فتره زانت وراح التنتيع والفضاوه ولكن يظل الصوت موجود لا يختفي 


up 0 down 0
yousef alyusef 3
قبل سنه و 12 شهر



بالنسبه لمنظم الهواء. هذا. تراها. مايخلي القير يبدل النمر مايعشق زين او فيه حنه في التبديلات 

وظغط المكينه يصير يلعب يطلع وينزل. 

وادخل على موظوعي. وتستفيد اكثر. 

المفروض. انك ماتفصله. وتمشي عليه.  مفصول. 

اخاف يكون تئثر القير. 

لاكن. بعض السيارات. تحتاج برمجه. اذا غيرت. قطع كهربائيه.  مثل منظم الهواء 

حاول انك. تشوف لك. ورشه عندهم جهاز البرمجه حق هونداي 

وقوله. ابغى تسوي لي. اعادة برمجه. لمنظم الهواء. 

مايكلف ١٥٠ريال. 

وان شاء الله تظبط.  اذا كان القير سليم. 

بس اهم شي. يكون الجهاز خاص بهونداي. لان فيه 

اجهزة برمجه لجميع السيارات احتمال حتى لو برمجها ماتظبط. معك. 

اذا انت في الرياض. روح صناعية الخليج في حي الروضه. 

واسئل عن ورشه خاصه لهونداي. ويدلونك عليها. 

عندهم الجهاز حق الوكاله. 


up 1 down 0
سبحان الرازق سبحانه 2475
قبل سنه و 12 شهر



في ورشه بالرياض كويس كانت معي اريون وكان فيها نتعه وقير يعلق نمره انا قلت القير مخبط ومريت ورشه تويوتا وقالو من القير

ورحت ورشه جنب شالنجر وقال فحصها لك كمبيوتر وفحصها وكمبيوتر حقه محدث جديد ماهو زي كمبيوتر حقين اهل الصناعيه هذا كمبيوتر يطلع لك الاعطال بتفاصيل

المهم طلعت السياره فيها 14 عطل وصلحها والباقي تحتاح برمجه وسوا لها برمجه وبعد والله الحمد صارت السياره زي المسطره


up 0 down 0
سكودر 14890
قبل سنه و 12 شهر



الله يعافيكم بشوف الورشات ماقصرتو


up 0 down 0
yousef alyusef 3
قبل سنه و 12 شهر



كان معي وحده طايحه بكبدي بعتها 
الله يعينك الازيرا خلت جيبي مخروم الين تخلصت منها


up 0 down 0
ساهر الليل. 37
قبل سنه و 12 شهر



اجمعين انا والله عارضها للبيع لكن ماودي ابيعها كذا ابي اصلحها


up 0 down 0
yousef alyusef 3
قبل سنه و 12 شهر



380 كيلو تقطعها بسيارة فاصل حساسها وتزعل الحين يوم خربت


ماعليش بتقول لي مهب وقته الكلام هذا ، بس انا بعطيك اياها مهب كل ورشة قال لك بنفصل وماعليها تصدقه هذا يدور الحل المؤقت لك عشان تفارق عنه بعطيك اياها بصريح العبارة

لكن مايفكر وش الاثار المترتبة على موترك من هذا الشي


يعني موتر يناتع ومايغير كويس وتمسك عليه خط عشان تغيره كان شلتها بسطحة يومك خايف عليها خلها تكلفك 500 ولا تخسر قير ولا تدفع قيمة حساسات الحين كانها خربت


عموماً افحص القير وشف حساساته


up 0 down 0
a.ibrahem 3238
قبل سنه و 12 شهر



افحص زيت القير يمكن انه ناقص شوي او له فترة طويلة ما تغير


up 0 down 0
تعال عندي -9
قبل سنه و 12 شهر



والله يالعالي الديت مافيه شي وانا للحين ماحصلي وقت افحصها 


up 0 down 0
yousef alyusef 3
قبل سنه و 11 شهر



حبيبي المشكله من حساس التيمن يجي خلف المكينه صغير ومع الاسف بعض الورش مايعرفون عنه شي خذ علمني غيره وتطلع سيارتك صاروخ 


up 0 down 0
f2000 7544
قبل 2 شهر و أسبوع