أضف سؤال أو موضوع جديد          

مسجل النترا 2010 ما يقدم للمقطع وصوت فالدركسون

up 2 down 2
خدمات تعليم 30
قبل 5 سنه و 2 شهر



السلام عليكم ورحمة الله
الإخوان الكرام عساكم بخير
أنا عندي النترا 2010 المشكلة فالمسجل اي مقطع ما اقدر أقدم له يعني مثلا أخليه يعدي أول دقيقة حاولت فيه
من 3 سنوات وإلى يومكم ما لقيت حل ياليت تفيدوني إذا فيه أي طريقة


مشكلة أخرى في الدركسون وأنا واقف لما الف الدركسون يمين ويسار تسمع صوت طقة كلما حركته كأنها من جوة الدركسون ؟ ماهي المشكلة ةهل هي خطيرة ؟

ولكم شكري .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الصوت تقريبا جلدة صغيرة اسمها
flexible coupling
سعرها رخيص ب 10 ريال تقريبا
وتركيبها من 100 إلى 200 وأنت وشطارتك

اكتب في يوتيوب
flexible coupling elantra 2009

وشاهد القطعة ومشكلة نفس المشكلة الي أنت وصفتها



up 1 down 0
anosi 1427
قبل 5 سنه و 2 شهر



أنا سيارتي نفس سيارتك بس 2011 طقطقة الدركسون كان يطلع إذا لفيت يمين أو يسار ألحين قليل جداً تطلع الطقطقه وﻻ سويت فيها شي خليتها على حالها لين الطقطقه راحت من كيفها


up 0 down 0
إلنترااا 278
قبل 5 سنه و 2 شهر



جربت الالنترا 3 سيارات ممتازه جدا الموديلات من 2007 الي 2012 الدفعه الاخيره سياره جباره جدا الطقطقه الي بلدركسون مجرد ازعاج فقط وكاستخدام لو تسافر شبه يومي ماعليها ضرر او خوف انا صلحتها بلدمام عند شخص ب 500 ريال والحمد لله ممتازه والمسجل فعلا ماله حل الي تركب لك مسجل بكميرا وشاشه موجود ومتوفر كثير بلسوق ويركب بنفس ديكور الوكاله 


up 0 down 0
msfr1979 99
قبل 5 سنه و 2 شهر



عندي النترا ٢٠٠٩ من وكالتها وصوت الطقطقه فيها اسحب عليها ما منها اي ضرر ولاتسوي الخطا اللي سويته ماخليت ورشه مارحتها وكلهم كذابين وماعندهم سالفه وخسرت فلوس على الفاضي 
اللي يقولك ذراع واللي يقول عكس وهي سليمة مافيها اي مشكله واعتقد انه عيب مصنعي 


up 0 down 0
mohammed shareef 1092
قبل 5 سنه و 2 شهر



شكرا على تفاعلكم ما قصرتم
بالنسبة للمسجل أنا عزت فيه بس كنت أقول مو معقولة الشركة ترتكب خطأ فادح مثل هذا


بالنسبة للطقة ما بدأت معي إلا من أسبوع سافرت ورجعت وطلع لي هالصوت
وكلامكم صحيح هذي المشكلة بالضبط من الجلدة وهذا مقطع توضيحي للمشكلة والحل https://www.youtube.com/watch?v=Y5BnVlfSVug


up 0 down 0
خدمات تعليم 30
قبل 5 سنه و 2 شهر



الأخ anosi هل لها تأثير أو تشكل خطر لا سمح الله ؟


شكرا للجميع أشهد بالله كفيتم ووفيتم .


up 0 down 0
خدمات تعليم 30
قبل 5 سنه و 2 شهر



غير شريحة الدركسون عشان المسجل


up 0 down 0
سلمان بن عتيبي 114
قبل 5 سنه و 2 شهر



اشتر واحد جديد احسن امس شاريه با 150 ريال


up 0 down 0
بايع الدنيا 66 1472
قبل 5 سنه و 2 شهر