صيانة 40 ألف

مكتوب عندك بالكتلوج المطلوب تغيرها بعد 40 الف

ياخوي كل ما سألت شخص قال الكتالوج
السيارة مستلمها بنفسي ومافيها ولا كاتلوج

شيك على الأساسيات في السيارة
البواجي - أسلاك البواجي - أذرعه - مقصات - جلد مقصات - المساعدات .. إلخ
الحكات والصدمات دام مو مأثره على السيارة أتركها لكن في حساب في تويتر
يصلح الصدمات بدون سمكره اذا هي خفيفه يعني طعج في البدي أو ضربه بسيطه ولا يتغير اللون

ممكن اسم الحساب ي وعدك ؟

البواجي + فلتر المكينه + فلتر المكيف

اسم الحساب زووم كار
وحاط صور سيارات قبل وبعد التعديل

وعليكم السلام 

صيانة 40,000 هذي فيها زيت و فلتر  و فيها تغيير زيت الجير 

انت شيك على زيت الجير اذا يحتاج يتغير. اذا لونه احمر معناه الزيت تمام, أما اذا اسود فهنا يحتاج تغيير. 

المحل ي وعدك فقط في الرياض ! غبنه والله
يابدر زيت القير اشوف بدري عليه جداً ع مسافة ٤٠ الف

انا في الباثفايندر عندي زيت الجير كل 40,000 كيلو و تقريبا اغلب السيارات كذا اذا مو واهم 

أخوي ما شاء الله تبارك الله سيارتك لا زالت جديدة
القطع الي تحتاج تغيرها فلتر هواء المكينة ، وفلتر المكيف ، وأحرص تكون أصلية من الوكيل، وغيرهما كل 25000 كلم
، كذلك والسيارة باردة صباحا شيك على مستوى علبة الرديتر البلاستيكية بكشاف جوال ، وراح يتضح لك نقص خفيف جدا يمكن تعبئة النقص إلى كلمة MAX بماء مقطر أو ماء مخلوط بإيثيلين جليكول أخضر ويفضل من الوكيل أو ماء مقطر علبة بريال أو ريالين

كذلك الفرامل الأمامية والخلفية أول ما يطلع فيها صوت غيرها الأمامية بحدود 200 ريال الأصلية والخلفية 170 ريال

إذا وصلت 60 ألف لزيادة العناية بسيارتك يمكنك تغيير زيت القير 4 علب واحد لتر من زيت هيونداي الأصلي من الوكيل بحدود 50 ريال للعلبة وغيره عن أي بنشري فاهم أو ورشة توضيب قيور ب 50 ريال بالكثير ، وأمورك في السليم

غير كذا اهتم بالكفرات وماء الرديتر بين فترة وفترة قم بزيادته بقليل من الماء المقطر ، بعد سنة و 9 شهورتقريبا من الاستخدام قد تحتاج لتغيير البطارية
قد تحترق الشمعات بعد فترة لا تغيرها إلا ألماني من 20 إلى 25 للعالي والواطي

بعد ال 100 ألف لو أنت مهتم بسيارتك غير فلتر البنزين وغير البواجي وتأكد إنها ليزر ومن الوكيل وضع محلول أصلي لتنظيف البخاخات ودورة الوقود

عند ال 120 ممكن تغير زيت القير مرة ثانية كل 60 ألف

وأسأل الله لك التوفيق والبركة في سيارتك

غير فلتر هواء ومكيف ...

 وشيك على الفحمات ،،  ماشاء الله موترك جديد مامشى كثير. 

غير فلتر الهواء والمكيف
زيت قير الالنترا يتغير كل 100 الف ( حسب الكاتالوج ) لانه زيت طويل الامد

فقط هذا اللي تحتاج

الله يسعد من رد منكم ولا يهينه .

سيارتي النترا 2013
كل 100 الف كيلو اغير لها فحمات امامية وخلفية
سيور المكينة
صفاية البنزين
زيت الجير
بالاضافة لفلاتر المكينة والهواء
والسلام عليكم

جدول صيانة اغلب السيارات

https://up.harajgulf.com/do.php?img=1306537
http://www10.0zz0.com/2016/12/01/13/753533202.jpg