أضف سؤال أو موضوع جديد          

ازيرا مقلوبة

up 5 down 2
ksa 507 15
قبل سنه و 10 شهر



السلام عليكم ورحمة الله
لقيت ازيرا 2014 v6 مقلوبة !
لكن القوائم سليمة والايرباقات م طلعت

البودي يبيله تعديل وقزاز السيارة نصه تكسر
بططنها سليم بالكامل

طبعا السيارة اعجبتني
لكن !!
الكل يتكلم عن الاعطال المستقبلية والتنسيم والقربعه

علشان كذا حبيت استشيركم
الموتر متقلب لكن كأنه مجرد حادث , لأن القوائم م تضررت وبطنه سليم
الموتر يستاهل اشتريه ؟ وكم حقه ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السعر ما أحد يقدر يحكم عليه بدون الشوف 
وعطنا وش تحتاج قطع 
لاكن نصيحة اذا تأخذها استخدام داخل المدينة مشي نفسك فيها أما إذا خطوط انحش منها وترا بالبيع بنزل قيمتها ونصيحة خلي واحد يفحص لك الشاص واذا معك زيادة خلك شي نظيف وصلها بورشة محترمة


up 3 down 1



القطع تحتاج مرايات وقزاز وصدام وجنوط والبودي يتعدل كامل
على حسب كلام راعيها البطن بالكامل سليم والايرباقات مطلعت
ومواصفاتها فل


up 0 down 0
ksa 507 15
قبل سنه و 10 شهر



اخوي مانصصحك فيه يمكن بعد تصليح
يطلع تنسيم


up 1 down 1
بايع الدنيا 66 1470
قبل سنه و 10 شهر



يارجل نصيحتي ابعد عنها .. هذي مقلوبة وتحتاج رش كامل للبدي مع التعديل والسمكرة وهذي لحالها مابين 5 الى 7 الاف

طبعا من غير حساب الصدام والمرايات والقزاز والبانوراما .. هذي حط لها ميزانية حول 5 الاف بدون مبالغة (( للمعلومية ترى انا معي ازيرا 2015 وعارف قطعها زين ))

غير كذا راعيها جربها بعد الانقلاب عشان يقول بطنها سليم ؟ واذا جربها كم كان يمشي 20 او 40 ؟؟؟ فيه اشياء بتطلعلك بعد الصدمه ماحسبت لها اي حساب مثل كراسي المكينه والقير اللي بالعاده تكون مكسرة

بقيمة الموتر + الخساير تحصلك 2012 نظيفة بدي بلد .. وعلى فكرة ترى مافيه فرق واجد بالبيع بين النص فل (( البصمة )) وبين الفل الكامل اعلى فئة واللي تجيك رادار بالسوق غير 5 الاف فقط .. مع العلم انها وقت الشراء من الوكاله اصفار تفرق حوالي 20 الف


up 5 down 1
ابو هيثم 7 2066
قبل سنه و 10 شهر



حياك
طلبت الشور السيارة ماهي بيت ترممة من جديد ويطلع احسن من اول
السيارة حديد وماحد راح يقولك صعب بل مستحيل
ترجع مثل اول 
وابعد عنها
وباالتوفيق


up 3 down 1
باترول 2020 2382
قبل سنه و 10 شهر



احتمال كبير الاذرعه و المساعدات و المقصات و كراسي المكينة
 و الجربكس يحتاجوا لتغيير . بالاضافه للامور اللي ذكروها الاخوان 
فوق و بالاضافه الى امور كثيره قد تظهر مستقبلا. النصيحه ابعد عنها. 


up 2 down 0
amer ahmed 385
قبل سنه و 10 شهر



اضيف صوتي للاخوان فوق كفو ووفو 
وبصراحه راح تكلفك مبلغ مو سهل مع قيمتها تطلع خسران يمكن تلاقي بالمبلغ اللي تحطه فيها ازيرا نظيفه وشد بلد ويمكن تزيد 5 الاف ولكن تطلع بشي بودي بلد 

لو ما اقتنعت بالكلام ياغالي حملها في سطحه ب 100 ريال ولف بها الورش وشوف كم تكلفك شغل يد وطلبات ويكشفون ع بطنها وش تحتاج وحطها ع قيمتها وشوف خراجك بعدها 


up 0 down 0
yasser alyasser 502
قبل سنه و 10 شهر



لا هنتوا انا كنت شايفها صيده لكن ما لنا نصيب وبيض الله وجيهكم


up 0 down 0
ksa 507 15
قبل سنه و 10 شهر



احتمال كبير جدا يطلع فيها تنسيم مهما تسوي لها من صيانة

طبعا انا ما انصحك فيها ويا حبذا لو ذكرت سعرها علشان نقدر نقولك كلام قطعي هي تصلح او لا

ومن وجهة نظري السيارة يبي لها ع الاقل ١٥ الف واشوف اذا قيمتها فوق عشرين غالية


up 0 down 1
دكتوراه في الحب 165
قبل سنه و 10 شهر



قريب لي كان معه كامري 2002 امريكي 6سلندر فل الفل 
اخذها بطاقة جمركية المستخدم الاول بالمملكة
كان ماشي الطبلون وتقلب بخط الساحل هو واصحابة السيارة انعجنت عجن
وهم طارو من القزاز وتصلخو وتكسرو لدرجة العسكري اللي
اتصل على اهاليهم قال اتشهدو عليهم!
المهم الحمدلله كلهم سلمو مجرد كسور وكدمات وحالة نفسية سيئة
بعدها بفترة لما تماثل للشفاء كان متحسر لانه طلعها بقرض
وكانت على ايامها غالية ومرغوبة وداها عند سمكري مصري
وخسر عليها 18 الف اللي يشوفها يقول وكااالة مادقها شاكوش
واللي يشوفها مستحيل يعرف انها انصدمت وكدها كد سنتين
وسافرنا عليها الرياض والسيارة جدا هادية وراسية
لدرجة المصري مصورها ومعلق صورتها بالورشة قبل وبعد!
وباعها ب 19 على زميل له والسيارة ومشت معاه لما سوا حادث
وراحت تشليح
المغزى من كلامي انت حملها بسطحة وروح اكثر من ورشة
وشوف الاسعار وترا مافي شي مستحيل السمكري الشاطر
يقدر يرجعها شد بلد وبالتوفيق


up 0 down 1
احمد 170 294
قبل سنه و 10 شهر



كونك لست المالك للسيارة فماتدري وشو المتضرر بالسيارة بشكل كامل و هذا مقصد الأخوان
أنا معي مكسيما منقلبة عام 1430 قلبة وحدة على التندة الشاصي و الحركات و الإيرباقات سليمة
السارة استخدمها إلى الآن و لله الحمد و سافرت عليها بدون مشاكل عدا التنسيم و مشاكل السمكرة 
لكنها كانت سيارتي و أعرف بالضبط أضرارها ولو أنها انعرضت علي ماشريتها 


up 0 down 0
أبو راشد 33 915
قبل سنه و 10 شهر



نصيحتي لك ابعد عنها السيارات الجديدة لايمكن تضبط بعد الحوادث وتذكر ان الفحص الدوري ممكن يسجلونها تالف


up 1 down 0
الجوابر1 386
قبل سنه و 10 شهر



شف الفرق في الورش تستاهل ولا
معي كورولا 2008 ماشية 108
انقلبت وهي ماشية 85 ألف
صلحتها واستخدمتها
داخل مدينة
خطوط الخ
المشكلة فقط في سعر البيع يطيح
غير كذا ما تفرق أبدًا
ولو تبي مساعدة أكثر
حياك ع الخاص
^_^



up 0 down 0
mohammad saeed 2863
قبل سنه و 10 شهر



الله يسلمك يا شباب . انا غضيت النظر عن السيارة بكونها مقلوبه وان شاء الله تتيسر


up 0 down 0
ksa 507 15
قبل سنه و 10 شهر