فلتر زيت القير

ولد خالتي معه 14 وكاله على يده. يغير الزيت مع الفلتر 

والكرتير فكه سهل وبسيط. كلها مسامير وبعد مايفك الكرتير 

ينضفه ببنزين ويحط له غرا. اذا ماكان له وجه. ويركبه 

الافضل تغيره مع الفلتر لان الفلتر يمسك الاوساخ. واذا 

غيرت الزيت بدون فلتر. وبترجع الاوساخ على الزيت الجديد 

انا غيرته لالنترا علي ممشى 60الف بالوكاله غيرو فقط زيت القير
الفلتر حسب ماسمعت مايتغير الا بفك القير
نوع الزيت يجيك علبه زرقاء مكتوب عليه ATF SP-lV

ماهو فك القير. 

فك الكرتير وهذا عادي. جداً.  اغلب السيارات كذا. 

عندي اكسنت كذا كان معي ازيرا برضو زيت مع فلتر 

النترا 2011 زيت مع فلتر 

كامري 2012زيت وفلتر. 

افلون 2012زيت وفلتر. 

كلها سيارات اقاربي. تغيير زيت وفلتر هو الافضل. لان الفلتر 

يجمع الاوساخ. نفس فلتر المكينه السيفون. الفرق. 

بينهم ان حق القير تمشي عليه 60الف الى100الف بعض السيارات 

وفلتر المكينه السيفون  كل 10الف. يعني تغير مره بسيفون 

ومره بدون. سيفون. 

اتمنى وصلت المعلومه 

عاد هالمعلومه ماني متاكد منها لكن اللي متاكد منه ان الوكاله غيرو لي فقط زيت القير لاني كنت واقف عند السياره من بداية شغلهم لين خلصو

يتغير الزيت بدون فلتر ونوع الزيت sp-iv سعر اللتر 71 ريال في الشركه وبرا 60 ريال

غيرته في سيارتين كادينزا 14 وسوناتا 12 وبيكانتو 14 بدون فلتر واصلا الشركه تقولك كذا

انصحك تروح للشركه وتسال رح يقول لك المكنيكي بدون فلتر

اللي اعرفه انه بدون فلتر لان الفلتر داخلي مو زي الكامري او الافالون بس زيت زي ما قال اخونا عبدالعزيز المالكي

انا كان معي سوناتا 2013-وطقيت الى 200 الف كم بدون تغيير فلتر فقط زيت والان معي سونانا 2016 فبل شهر مغير بدون فلتر

معي سوناتا 14 غيرت زيت القير يوم كانت ماشيه 60 الف بدون فلتر طبعا لان الفلتر يتغير في حال توضيب القير . 

زبدة سؤالك 

فلتر قير السوناتا مايتغير الا مع التوضيب
والزيت الا افادوك فيه فوق العلبة الزرقاء ب ٧١ شاريه من وكالة كيا ارخص 

ولا تنظيف كرتير ولا شي فك سره القير من تحت مثل المكينه وخل الزيت ينزل 
وفك قربه الهواء من فوق وتلقا غطاء القير فكه وعب الزيت الجديد شوي شوي عشان لا يطفح 

انا معي مثل سيارتك وغيرت زيت القير بعد مابحثت فالنت وسالت الوكالة هذي الزبده 

الزيت اشتره من الوكاله وغيره عند ميكانيكي وقوله الطريقه لان الاغلب متعودين على القيور مثل سيارات تويوتا لازم تفك الكرتير وتنفظه وتغير الفلتر
 وبعد ما تعبي الزيت عشق كل التعاشيق وانت واقف شوي شوي مرتين ثلاثه وعلى مهلك لا تشد عليها حول ١٠٠٠ كيلو 

حياك
وش لك بقالو وقلنا
كتلوج الموتر يفيدك
واذا مامعك كتلوج
انقز للوكاله واطلبه منهم 

يعطيكم العافية جميع ... وباذن الله باغير الزيت بدون فلتر ... وباخذ الزيت من الوكالة وعند الميكانيك ... وشكرا لكم على التفاعل ...