أضف سؤال أو موضوع جديد          

كيا سيراتو ولا هونداي النتر ولا تويوتا كورولا

up 2 down 1
bo0osh 38
قبل سنه و 6 شهر



السلام عليكم ياخوان انا طالب جامعي بلا وظيفة وفكرت اشتري موتر للكد والتوصيل بكريم او اوبر وش تنصحوني اخذ موتر كيا سيراتو ولا هونداي النتر ولا تويوتا كورولا للتوصيل والكد من حيث الراحه ومن حيث توفر القطع الغيار ومايشتكي معي واتمنى من الخبراء مساعدتي وشكرا مقدما







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


طبعا باخذ مواتر من 2015 وطالع


up 1 down 1
bo0osh 38
قبل سنه و 6 شهر



كورولا ونت مغمضضض


up 4 down 12
faris20142015 -20
قبل سنه و 6 شهر



لاياحبيبي خذ النترا

بسبب عمليتها وقطعها رخيييييصة جدا

ماقلت هالشي الا لاني مجرب كورولا وشفت قطعها اغلى من الالنترا 

اتكلم عن الاصلي وليس تايواني او ياباني


up 7 down 5
coco13 833
قبل سنه و 6 شهر



النترا ماتبي حكي
تبي رساوه.  وتبيها لك وللزمن. رغم كرهي لأبو جميل واحتكاره وجشعه.   ف.  الكوريلا.   اعتمد على ولد



up 3 down 11
عبدالله الشفيعي 1429
قبل سنه و 6 شهر



الانترا سعرها كويس 49500 ومعروفه قطعها
رخيصه


up 5 down 4
بايع الدنيا 66 1454
قبل سنه و 6 شهر



فيه السيراتو 2016 رخيصه بسعر الاكنست جديده ب 36 الف وشوف اعلانتها في الموقع 


up 6 down 2
ابوسلطان الزهراني 579
قبل سنه و 6 شهر



اشجع السيراتو بسبب سعرها وقطعها بنسبه كبيره نفس الالنترا انت اولى بالفلوس مادام نفس الحجم وللعلم السيراتو ضمانه 5 سنوات حسب معرفتي والالنترا 3


up 4 down 1
camaro28 740
قبل سنه و 6 شهر



ليه التويوتا دسلايكات والكوري لايكات والمفروض العكس والله الكوري ما يسوى ريال يومياً تزور الصناعيه غير خراب الكمبرسر وتذمرك وتذمر الزبائن من المكيف وعدم تبريده وبتتعب عكس الكورولا طبعاً ما شاء الله ما تطلبك الا اشياء عاديه استهلاكيه وبعز الحر بتتذمر من البروده ههههه ما شاء الله 


up 5 down 13
car.10 206
قبل سنه و 6 شهر



النترا ورساوه !!!! فرق بين السماء والارض بتعطي الرجال معلومات عطه الصحيح


up 2 down 4
car.10 206
قبل سنه و 6 شهر



اذا بستخدمها لكريم و اوبر خذها قير عادي واذا في النترا قير عادي احسنلك من الكورولا


up 1 down 8
moathqaisiyah 175
قبل سنه و 6 شهر



moathq كريم مايقبل قير عادي انا شغال في كريم يطلبو من ضمن الشروط قير اتماتيك


up 7 down 0
تركي ابو فارس 64
قبل سنه و 6 شهر



 اسحب على ذولي كلهم مازدا 3 نص فل ياباني
كرف ومواصفات ورساوة وامان ومكيف فريزر
ومكينة سكاي اكتف 2000cc قوة 155 حصان

والسعر ٥٠ الف

تصنيع ياباني


up 6 down 1
mohammed1368 35
قبل سنه و 6 شهر



يا رجال صح الالنترا  قطع غيارهااا رخيصة  

بس ترا مامن رساوه  والعزل زباله   المكيف خرااا في خرااا في عز العر  تلعن ام السياره  

مع اخوي 2014  واقولكم من واقع تجربة  

السيراتواااا   احسن عزل ورساوه من الالنترا   استاجرتهاا اسبوع  بس المكيف  90بالمية نفس الالنترا بالتبريد  

باقي  السيارات  ما من علم فيهن  وبالتوفيق     


up 7 down 5
جاي امس 414
قبل سنه و 6 شهر



اذا كان الموديل 15 فالسيراتو خيار ممتاز  
الالنترا والسيراتو نفس المكينة ونفس القير 
173 حصان قريب 200 نيوتن متر عزم دوران
 السيراتو فيها اوبشن افضل 
ليد نهاري ودخول ذكي وانوار على الابواب 
طبعا راح تلاقي كثير يقولون لك فيها مشكلة في التبريد والمكيف مدري ايش فيه 
عاد انا اقول لك واحد مجرب مو سمعت وشفت 
موتري النترا 2015 على يدي اصفار 
مكيفه لحد يومك بسم الله  ما شاء الله لا يشكو من شيء  
رساوته مو ممتازة اعطيها جيد جدا 
 في لفات قوية قصيتها بسرعة 140 
وانا حاس اني باقي متمكن من السيارة 
من سنتين حتى يومك هذا ما غيرت في سيارتي الا زيت وفلتر مكيف وفلتر مكينة وبطارية قبل شهر مغيرها فقط 
قطع استهلاكيه ما غيرت غير البطارية بس 
بالنسبة للبنزين افللها اخضر ب 29 ريال تمشيني اسبوع وعليها 
يمشي التانكي على كلام الطبلون 530 كيلو 

وللمعلومية مشكلة المكيف مو بس في الالنترا حتى بعض ملاك الكوريلا يواجهون نفس المشكلة 
في الزحمة المكيف يفصل 
بسبب انه المكيف كهرباء وليس ميكانيكي 





up 3 down 4
ms3al 1556
قبل سنه و 6 شهر



الكورولا اعتماديه بس عيبها عزمها اكيد الالنترا 2.0 انشط بكثير

معي كورولا 2013 الحين كملت معي 3 سنوات قير اوتو
ما غيرت فيها الا جلد عمود توازن اتوقع اسمها كذا وسعرها رخيص وكاله

ممشاها الحين 230 الف تقريباا

زيت القير ما غيرته ابدا

السلبيات عزمها مو قد كذا بس امشي عليها 140-120

وبخصوص المكيف صار يفصل اذا مشيت يبرد شوي وواذا وقفت حاااار

والحل باليومين هذي برهم مكيف كورولا 2006

نسيت نقطه بخصوص الفحمات حق الفرامل
اغير ماليزي او تجاري بحدود 70 ريال امامي و 50 ريال الخلفي وعلى حسب سواقتك تستهلك

حبيت اطرح تجربتي لك وللمتابعين

بالتوفيق


up 0 down 1
أبو غاليه ... 797
قبل سنه و 6 شهر



والله يااخي الفاضل انا مالك لسيراتو 2014 ممشاها 92 الف الى الان..
الموتر ممتاز جدا وعملي جدا واقتصادي للغايه وماواجهتني فيه اي مشاكل الا مشكله
وحده في القير كان يطق مع التعشيق ووديتها الوكاله وسووا لها برمجة كمبيوتر
وضبطت بعدها
السياره ممتازه وحط في بالك ماراح تندم اذا اخذتها لكن.....
الوكيل ثم الوكيل ثم الوكيل
اقسم بالله العظيم الجبر من اسوء وكلاء السيارات اللي ممكن تجربهم
حسبي الله عليه في خدمات مابعد البيع تدخل الوكاله كأنك داخل ورشة في الصناعيه..
اذا بتاخذ السياره وتسوي لها صيانه بنفسك صدقني ماراح تندم عليها
اما اذا انت من الناس اللي تلتزم بالصيانه عند الوكيل فأنا انصحك تبعد عنها تماما..


up 1 down 0
mohammedboss 14
قبل سنه و 6 شهر



ازيد على ذلك اللي عنده مشكلة في المكيف سواء النترا او سيراتو انصحه يغير فلتر المكيف كل 20 الف
يفرق معاك كثير والصراحه مكيفها مو افضل شي لكن يضل ممتاز وماتشتكي منه في الصيف..


up 1 down 0
mohammedboss 14
قبل سنه و 6 شهر



خذلك مازدا ٣ ياباااااني ١٠٠٪‏ وقليييلللة الخراب والكل عارف الشيء ذا ومن ناحيتي ابعد عن الكوري رخص قطعه مو عشان سواد عيونك بل عشانها قطع تعبانه وضعيفة


up 1 down 0
faisal thamer alshreef 3
قبل سنه و 6 شهر



ﻻ بل عكس واللة يا عيال معي النترا 2014 واللة اني اكرف
والديها واللة الي اغيره بس زيت مكينة زيت فير وممشها
واللة 300الف


up 0 down 2
رائد الثابتي -7
قبل سنه و 5 شهر



ﻻ بل عكس واللة يا عيال معي النترا 2014 واللة اني اكرف
والديها واللة الي اغيره بس زيت مكينة زيت فير وممشها
واللة 300الف


up 0 down 2
رائد الثابتي -7
قبل سنه و 5 شهر