توسان هواندي رايكم فيها

السيارة حق كد حلوة وكويسة ومواصفات رائعة وحتى سواقتها حليلة وخفيفة

لكن عزمها جدا تعبان ماتنفع سرعة او خطوط او بر

هذي سيارة كروس اوفر مدنية بحت لانها شاصيه وقير ومكينة سوناتا على بدي جيب

ولد عمي طلعها موديل 2011 مدري 2010 ستاندر

جربتها قبل فترة مسكت فيها خط ينبع 

بكل امانة السيارة رساوتها سيئة 

الالنترا تعتبر جنب التوسان (مرسيدس)

مكيفها لابأس فيه من ناحية البرودة بس دفع الهواء سيء

وسائل الامان ارباق واحد بس ومافي تراكشن ولا فيه ABS
 
وولد عمي للاسف مهملها 
وعاد انواع القربعة تحت 
مدري عاد هي جلد ولا مقصات
بس من ناحية المكينة والقير ما تشكو من شيء
الكلام الي فوق بالنسبة للموديل القديم

الجديد ما ادري عنه يفيدونك الشباب

إذا بتاخذ خذ سنتافي احسن من توسان أو خذ توسان أعلى فئة مكينه سوناتا احسن من النص فل مكينه النترا

الشكل الجديد تحسن كثير
و نزل منه نوع بمكينة سوناتا 2400
هو سيارة بلد سعرها مناسب
65 الف للاستاندر بسعر النترا نص فل ب60 
بنفس المكيتة و القير 2000 cc
يعني ارفع شوي و تستفيد من التخزين و التحميل
عملي اكثر من السيارات الصغيرة من هالناحية


اما الشكل القديم ما انصح فيه عيب بكمبرسور المكيف
و الرساوة و العزل و ضيق من داخل

لكن السوناتا نزل سعرها و الاوبتيما تحصل نص فل بأقل من 65
بس الفرق  بالفئة سيدان و جيب كروس اوفر
لكن كلها دفع أمامي

فكر بالسبورتاج احسها اجمل وافضل وبنفس السهر

الشكل الجديد اول مره يبدعوا فيه من الخارج والداخل ويمكن هذا الشكل ماراح يتغير الى 2020 بالنسبة للمكينة أكيد 2400 سي سي افضل بكثير. حاول تبعد عن البانوراما, وخذ لون غامق راح يعطيها فخامة, والداخلية لو قماش بيج نصيحة نجدها جلد او مخمل غامق اول ماتشتريها, والسيارة بصفة عامة زي أي سيارة من هيونداي ولها قطع مشتركة كثير وتكرف زي أي سيارة من هيونداي

سألت عن سياره.  مجربها بطريق غير مباشره
جبت سايق خاص.  وشريت توكسان.  من باكستاني نظيفه. وسلمتها للسايق.   يودي مدرسات
ويكد عليها والنص بالنص. ندخل مبلغ زوين.   ومع كثرة فرفرته وروحاته وجياته ماشاء الله ماعمرها دخلت ورشه

ممتازة بس لا توخذ الا 2400 سي سي

الشكل الجديد صاير بطل ماشاء الله ومواصفاتها حلوه

بس العزم لك عليه بحكم حجم المكينه