المخالفات المروريه

تجاوز السرعة باكثر من 25 قيمتها اول 300 غريبة صارت الحين ب 500 او انها جلست شهر وتدبلت ما سددتها 

حياك
نعم تتدبل من تاريخ المخالفه احسب 30 يوم
اذا ماسددت خلال هال30 يوم تتدبل 900
ومخالفة سرعه 300 ريال تتدبل 500

اخوي (اسم المستخدم )المخالفة جديدة وتاريخها وموقعها وقت ما اخذها ولد اختي

اخوي الرفاعي مشكور يالغالي ........................ انتظر جديدك

ابن ابها معناتها تغيرت أسعار المخالفات لان تجاوز السرعة فوق 25 قيمتها 300 ريال اول واذا ما سددتها خلال شهر تصير 500

اكثر من 25 كم ب500 وتتدبل 900 اقل من 25كم ب300 وتتدبل 500

الله يسعدك وابشر بالجديد قريبا
بالنسبة للمخالفه يابعدي حاول تسددها قبل ماتنتهي 30 يوم
وتصير 900
400 تدبيل انت اولابها وتنفعك
وموفق ربي يسعدك ويسعد الجميع

والله ياخوي مدري بس الاكيد ان المخالفه جديدة وزي ماقلتلك................... بس الي سمعته ان المخالفه بالسرعات العاليه تجي 500 على طول وخاصةً اذا هي فوق 160

هو اذا تجاوز فرق السرعه باكثر من 25كيلو ياخذ500
لو اقل من 25كيلو ياخذ300
مثال لو السرعه بالخط 90 هو مشى من 100الى115 تجي300
اذا السرعه بالخط90 وهو مشى 120ومافوق 500
بالمختصر الي عطيته السياره كان مسرع بسرعه عاليه
كان ماشي 130ومافوق 

ابن ابها معليش انا لخبطت كلام الاخ new787 صحيح

تجاوز السرعة مقدار لايتجاوز 25% 300

وتحاوز السرعة بمقدار يزيد عن 25% 500

المهم الله يعوظك خير وسدد قبل تدبل .

بارك الله فيكم و يسعدكم جميعاً دون استثناء .

لاجاء بياخذ السياره ثاني سويله تفويض من موقع ابشر حتي لو صوره ساهر تنزل علي اسمه ماتنزل عليك

كيف طريقة التفويض اخوي bmw z4

التفويض عن طريق أبشر

يعني لازم يكون عندك أبشر وطريقته سهله عن طريق خدمات المرور ..

عزيزي الكلام اللي قالوه لك الشباب صحيح


تجاوز السرعة المحددة بالشارع نفسه باكثر من 25 على طول 500 وتتدبل تصير 900


واذا كانت اقل من 25 تجي 300 وتتدبل 500


بمعنى طالما انه ماسك خط اكيد سرعة الخط 120 يعني الرجال كان يمشي فوق 145 تحديداً


وانا نصيحتي لك اول شي خله هو اللي يسددها عشان يتوب ، وثانيا لعاد تعطيه الموتر اوكي الشباب يقولون تفويض وتنزل عليه المخالفات طيب يمكن الولد متهور يقعد يعدم موتر الرجال


والله يستر لا يكون متجاوز 160 وتكون المخالفة محجوبة وعليها توقيف انت اساله كم هو ماشي وحاول تسددها ذا الايام ان قبل كان بها ما قبل الله يعينك


وفقك الله

السلام عليكم ورحمة الله وبركاته................
أولاً اشكر الجميع على الردود
ثانياً الأخ a.ibrahem الحمد لله تم تسديد المخالفه وعلى حسابه الشخصي والله بدون ما اقله وولد اختي كبير ومتزوج وعنده عيال بس لأن سيارته في الورشه طلب مني السيارة
واما بسبب السرعة فكان تبريره لي انه ماحس بالسرعه وإلا من العاده ما اعطي احد سيارتي إلا الثقه والله يصلح الحال للجميع.