أضف سؤال أو موضوع جديد          

نصيحه للي حاب يشتري الاكسنت فرق السعر والمواصفات

up 11 down 4



قبل ماتشتري اي سياره ويكون لها عدة وكلاء لازم تروح تشوف الفروقات عندهم فالسعر والمواصفات


واللي صار معي اليوم


الوعلان عنده اكسنت 2013 مكينه 1.4 فل كامل حساسات فتحه قير اوتوماتيك مع تشغيل بصمه ب60 الف وغير متوفر عندهم مكينه 1.6


اوتوزون لقيت عندهم اكسنت حقت الناغي مواصفاتها


مديل 2013 مكينه 1.6 فل كامل قير اوتو تشغيل بدون بصمه حساسات ب54 الف


لاحظتو الفرق


فرق 6 الالف ريال


وانا اشوف انه البصمه مالها داعي اساسا واحنا مو ناقصين مشاكل مع زيادة التقنيه نبي سياره تكرف ومايحتاج نوديها للصيانه بصمه وشي ابي فيها هل انا عجزان عن تشغيل السياره بيدي


وفوق هذا مكينه 1.4 وسعرها ب60 !!!


على كذا اخذ اكسنت الناغي ارخص منها ومكينه اكبر وتشغيل يدوي افضل من البصمه وليه ادفع 6 الالف ريال عشان بصمه


مع العلم الاكسنت حقت الناغي مكتوب ورى بالانجليزي ( اكسنت تورنغ )


هذا اللي حبيت اوضحه لكم ونصيحه لحد يشتري الاكسنت من الناغي غاليه على غير سنع


وبالتوفيق للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تسلم ياشاقح وافضل وكيل لهونداي الناغي يجيبها بمواصفاتها مايغير فيها مثل الوعلان ولا المجدوعي وصراحه ههههههههههه اكسنت بصمه وسيارات تايوتا افلون استاندر بدون بصمه شي يضحك 


up 2 down 1
princ 18875
قبل 9 سنه و 2 شهر



الاكسنت مالها داعي البصمه ومستقبلا تبدا اعطال وخرابات للبصمه
وانا سالت عنها امس بالوعلان نفس مواصفات اللي تقول ب 59 وتتوفر بعد شهرين ...؟؟

دامها وصلت لهالسعر وش بقى للالنترا والسوناتا .؟
وايضا لاتنسى المعارض تلقى فل كامل بدون حساسات وبصمه فقط وبـ 49 الف ريال

لازم يروح ويسال قبل لايشتري


up 3 down 0
max_9ms 2356
قبل 9 سنه و 2 شهر



للاسف هونداي الي كنا نقول عنها رخيصة .. عشان بصمة وحساسات سعرها 60الف ... الله المستعان ..


ركزوا ياشباب 60الف


up 3 down 1
شهري 507 2305
قبل 9 سنه و 2 شهر



اووووف 60000 انطلها في قوطي اكسنت والله اطلع سوناتا ستاندر افضل


up 2 down 1
شليطيح 5018
قبل 9 سنه و 2 شهر



ياشباب 60 الف وبعد المكينه الصغيره 1.4 والناغي عنده الاكسنت المكينه الكبيره 1.6 ب54 !!! الوعلان صار مثل ابو جميل


اصلا الاكسنت المفروض مايكون فيها كل هالمواصفات المفروض نوعين قير عادي + قزاز كهرب وقير تماتيك + قزاز كهرب ومكينه 1600 cc ووبس وليش البصمه وليش الفتحه ؟ الاكسنت بطبيعة شكلها سيارة كرف وعمليه ..


up 1 down 1
الالنتراوي 5150
قبل 9 سنه و 2 شهر



مشكور اخوي شاقح الله يكثر من امثالك


up 0 down 0
عبدالكريم الفندل 592
قبل 9 سنه و 2 شهر



من قال انها ب60 الف تجيبون اسعار من روسكم انتو رح الوكالة وشف الاكسنت بكم الفل اخر فئة ب48


up 0 down 3
ابوسعووود2012 26
قبل 9 سنه و 2 شهر



ابو سعود انت شكلك تقرى ماتستوعب او ماتفهم انا اليوم رايح الوعلان اللي عند كبري الخليج فالرياض وسعرها 60 الف ريال الفل اوبشن مكينه 1.4 تاكد من معلوماتك


اذا كلامك صادق ياشاقح ارجع الوكالة وتاكد مرة ثانية شكل الي عطاك السعر اليوم مضيع بين الاكنست والنترا
لاني رايح قبل فترة الوكالة والاكسنت الفل كامل ب48الف




up 1 down 1
ابوسعووود2012 26
قبل 9 سنه و 2 شهر



اقولك انا متاكد وفيها بصمه تشغيل لانه قايلي انه مكينتها 1.4 وماعندهم مكينه 1.6 وسعرها عند الناغي ب54 الف


تابع هذه الابط ويقولك انه سعرها ابتداء من 52


http://forum.almuraba.net/thread31220


وهذا موقع اخر يتكلم عن سعرها بمكينه 1.4 ب59500



http://www.moq3e.com/t13876.html


والناغي عنده 2013 ومكينه اكبر 1.6 ب54 الف


شكل الموظف عطاك سعر الاستاندر ابو قزاز هندل !!!!


ولو انهم يقولون سعرها ابتداء من 52


ولعلمك ترى السوزوكي الربع 3 ابواب اللي مكينته 1.6 قيمته ب68 !!!


ترى الاسعار طارت فالسيارات كلها



اخوي انا شريت اكسنت فل كامل من معرض تاجير منتهي بالتمليك ب ٥٦٠٠٠ الف على ٣١ شهر 
مكينه ١.٤ وفتحه ومرايا اتوماتيك وكشافات وتحكم عن طريق الدركسون قير اتوماتيك 
وجميع مواصفات الفل كامل المعروفه 


up 0 down 0
المسافر20007 50
قبل 8 سنه و 5 شهر



تنصحوني بالناغي من ناحية الموصفات او لا 


الوعلان في تحكم بالدركسون + اطار كروم للمسجل
......... المجدوعي: بدون تحكم دركسون وبدون اطار كروم للمسجل.















طبعاً ستاندر اكسنت 2015



up 0 down 0
theuk1984 838
قبل 6 سنه و 10 شهر