النترا 2015

1-فلتر المكيف اذا وجد الفلتر يتغير كل 20 الف
2-زيت القير هيونداي وكيا يتغير على 40الف
3-تنظيف فلتر الهواء
4-شيك البواجي
5-فتر البنزين

هذي الاشياء الي اسويها كل ممشى 40 الف

ماشاءالله باقي جديدة وبدري على تغيير القطع
شيك فقط على الكفرات
وزيت القير باقيلة 20الف تغيرة على ممشى 60 الف
وشيك على فلتر الهواء سعرة رخيص
وشيك على الفحمات اذا باقي فيها عمر لاتغيرها
وسلامتك

ولا تغير شي غير فلتر الهواء والمكيف انا ماشي 60 الف سيارتي مثلك بس 16 وماغيرت الا هالفلاتر واغير زيت هيلكس 5w30 امش احياننا 12 الف وغالبا اغيره على عشرة الاف مع السيفون كل مره والسيارة عال العال اما زيت القير مايتغير الا بعد 100 الف هذا من الكاتلوج نفسه وكاتبين بعد إذا كان استخدامك شاق للسيارة غيره على 100 الف وإذا عادي اتوقع مايحتاج تغيير الا على 150 وبالتوفيق اخوي

ولا عليك من كلام الورش لو الود ودهم
تغير كل شي لو ممشى موترك 20 الف
لاكن انت راعي الموتر وتشيك بنفسك بتعرف الشي الي محتاج تغيير
اذا البواجي نوعها روديوم فلا تغييرها قبل ممشى 100 الف
عندي البواجي روديوم مشتني فوق 150 الف
وفلتر المكيف له الحين سنه وماشي علية اكثر من 50 الف
ولسى جديد فقط كل 15 الف انظفه وارجعه
وفلتر البزين من بلده ماغيرته ماشي علية فوق 300 الف

انا مادري من اللي ضاحك على الشعب ويقول زيت القير يتغير علي 40 الف !!! ياشباب ترى اللي ينشر مثل هالمواضيع اما مضحوك عليه او شغال بشركات الزيوت بيلهفون من الناس زيت القير في كتالوج الالنترا كاتبين بخط عريض جدا يغير كل 100 الف في حالة الاستخدام الشاق جدا يعني الشخص اللي استخدامه طبيعي لسيارة لا يغيره الا بعد 150 أو أكثر

لاتغير شي فقط شيك وشف الاشياء اللتي تستحق تغير

انا اللي معي النترا16
اغير زيت مكينه نوعه 5w30 كل 8000كيلو
اغير فلتر الهواء كل 20.000
تبديل اماكن الكفرات كل 20.000
زيت القير غيرته بعد 60.000
نظفت الثروتل على 60.000
فلتر المكيف بغيره بعد ممشى 70.000

ما شاء الله تبارك الله

عندي نفس السيارة ماشية 120 ألف كيلومتر ، واستخدامي يوميا شاق 

ولله الحمد السيارة لا تشتكي من أي شيء 

ونظامي في الصيانة راح أقوله ولك الحرية في اتباعه أو لا 

1.ولا يوم راجعت الوكيل حتى انتهى الضمان والحمد لله لم احتاج له تهائيا ، أظن مراجعة الوكيل سرقة فلوس هههه .
2.أغير زيت 10w30 كل 5000 مع الفلتر ، الفلتر أشتري مجموعة من الوكيل فقط وأحفظها في البيت .
3. أنظف فلتر الهواء وفلتر المكيف بهواء مضغوط كل 5000 في وقت تغيير الزيت ويجب تغييرها كل 20 إلى 25 ألف ، للحفاظ على ثلاجة المكيف ، وبوابة الهواء من الاتساخ .
4.عند ال 60 ألف قمت بشراء زيت قير هيونداي الأزرق atf sp iv أصلي من الوكيل وغيرته عند البنشري ولكنه فاهم ، ويفضل تغييره عند فني قيور يكلف حول ال 200 زيت و 30 شغل يد .
5.الكفرات كل 10 إلى 15 ألف أنقل الأمامية للخلف مباشرة اليمين يمين خلفي واليسار يسار خلفي، والخلفة تنقل للأمام بالعكس يكون الخلفي يمين أمامي يسار والخلفي يسار أمامي يمين.
6.عند سماع صوت احتكاك عند استخدام الفرامل ، مباشرة قم بشراء بطانات الفرامل أو أقمشة الفرامل كما تسمى ، للجهة الي تصدر صوت وغيرها .
7.خذ ماء مقطر العلب الحمراء سعرها بريال أو ريالين من البناشر ، وفي الصباح املأ القربة البضاء حتى تصل لكلمة ماكس max والسيارة طافية ، وكل شهرين شيك على مستوى الماء وأضف عند الحاجة .
8. شيك على ماء البطارية إذا ناقص املأه حتى كلمة ماكس علما أن البطارية عملت لدي سنة وتسعة أشهر وتعطلت .
9.بعد ال 100 ألف غير البواجي وتكون ليزر وغير فلتر البنزين وضع محلول تنضيف دورة الوقود في الخزان .
10.كل فترة عند البنشري والسيارة في الحفرة أو مرفوعة شيك على جلد العكوس لو مقطوعة أو المساعدات لو طلع منها زيت أو مسامير التوازن أو التهريبات من أسفل لا قدر الله .
الملاحظات الي حصلت لي 

أمشي مساء في طرق وعرة وحفر والأنوار شغالة تحترق بسبب سخونتها وأثناء الضرب في حفرة أو مطب قد تحترق ، فغيرتها ألماني ب 20 ريال ولم تحترق مرة أخرى . 
بما أني أستخدم السيارة في مرتفعات ونزول أغير الأقمشة الأمامية كل 27000 والخلفية كل 40000
البطارية كنت أشيك على مستوى الماء وكل مرة تمام وفجأة نشفت بسرعة وضعفت وغيرتها بعد سنة و تسعة أشهر 
في أيام الحر استخدم السيارة بالساعات في الظهر فكل شهرين أحصل نقص ماء الرديتر تقريبا كوب إلى كوبين كمية قليلة ولكن يجب الحذر في الصيف كل شهر شيك
فيه صوت بالدركسون عند اللف يمين ويسار والسيارة واقفة هي جلدة صغيرة رخيصة وتركيبها مكلف ولها حول السنة وأكثر لم أغيرها ولن أغيرها المشكلة موجودة في أغلب النترا
بعد ال 85000 غيرت طقم كفرات 

أما المساعدات ومسامامير التوازن يمكن عندي فيها مشاكل بسبب الحفر والمطبات لكن لم أغيرها ولم أغير شيء


تعبت وأنا أسجل الرد للفائدة ، وراح بسبب إنقطاع stc ورجعت سجلته مرة أخرى 

الله يعطيكم العافيه ي شباب ماقصرتو , وافيين

ما شاء الله تبارك الرحمن ما بقيتوا لنا شيء نقوله ):
عموماُ لو تغير زيت عند بترومين خلهم يفحصون لك السيارة ويعلمونك بالقطع الخربانة واللي قربت تخرب ، ولكن لا تشتريها من عندهم لأن أسعارهم فلكية ، روح اشتريها من برى وغيرها برى.

زيت القير هو المهم غيره اذا السياره تمام خليه لا تخسر نفسك طبعا بعد ماتصل ممشى بعد ٦٠ الف

بالنسبة لزيت القير حسب كاتالوج هيونداي وكيا لقيور 6 نمر يتغير كل 100 الف زيت
SP-IV طويل العمر

اللي تحتاج تغييره عند 40 الف
زيت مكينة مع سيفون وفلتر مكينة وفلتر مكيف فقط فقط

زيت القير على 100 بالقليل مثل ماقالوا الشباب
انا غيرته على 120 الف ونزلت موضوع بالفواتير والأمور طيبة