رايكم يا اخوان فى تغيير البواجى

لايضحك عليك 
تغيير البواجي ماله دخل بفك المكينه 
تغيير البواجي اذا مره مره ياخذ 100 ريال غيره مافيه

ايه البواجي غيرها لأن نوع ليزر او اريديوم عمره الافتراضي 100 الف تقريبا, ولكن مدة استخدامه تلعب دور اذا السيارة 2009 يعني الأفضل تغير الان. انت عندك 6 بواجي 3 قدام و 3 في الخلف لهذا السبب لازم تفك ثلاجة المكينة وهذه شوي مكلفة وتأخذ وقت، لكن تحصل شغل يد ارخص. اما تنظيف بخاخات انا ما انصحك لأن كثير نظفوا ولا استفادوا شئ، ويمكن تزيد صرفية البنزين. اذا مهتم اشتري علب ميستوبيشي او من ساكو وصبها في التانكي.

اخوي من جدك ٥٠٠ ريال تغيير بواجي واضح ان اللي شغال 
في الورشة يبي يضحك عليك انا مغير في سيارتي ٤ بواجي 
ب ٤٠ ريال وما يحتاج يفك شي في المكينه بس اللهم كم مسمار 
ويغير البواجي ولو مره شطح في السعر ١٠٠ ريال حيطلب ... موفق 

السته سلندر. اصعب من ال4سلندر في تغيير البواجي 

بعض السيارات لازم يفك الثلاجه. عشان يغير البواجي 

لان بعض البواجي تركب خلف الثلاجه. تقريباً في المكينه 

من الخلف. 

وهذي شغل اليد 100ريال. انا غيرتها في الازيرا الي 

كان معي. ب100ريال شغل اليد. 

وبعض الورش150ريال. 


اما يفك المكينه. فهذا كلام فاضي. ويكلفك 500ريال 

هذا الي رحت لها استغلالي. حقها 100ريال الى150ريال 

غير.  حان وقتها بتوفر بنزين.  

برأيي بعد ال 100 ألف تشتري البواجي من الوكيل وتكون ليزر أو أظن إريديوم لأن في الوكالة نوعين نوع عمره قصير ونوع مثل الي يأتي من الوكالة عمره طويل فتأكد إنه ليزر ، وغيره عند أي مهندس فاهم وشغله مرتب وسعره ممتاز ، وإن شاء الله تكون الأمور تمام حتى 200 ألف

غير البواجي بحكم انو انها ماشية 85000 خلاص يكفي

كان عندي 6 سلندر , تغيير البواجي لازم فك ثلاجة

شكرا ياخوانى على الردود
هو فعلا قال لازم نفك الثلاجه
وعشان ما افترى عليه قال ان التكلفه 250 شغل يد و250 ثمن البواجى نفسها
ايش رايكم كذا اتوكل على الله واغيرها ؟ وهل هشعر بتغيير فى العزم ؟؟؟؟

غالي مره غيرت لي الجيب حقي السنتافي بي 100
وسعر البواجي حقت الوكالة 180 
ولو ماغيرتها عادي دام مافيها تفتفه 

حياك
انا موتري 6 سلندر وفك البواجي نفس موترك
يحتاج فك الثلاجه لاكن حصلت واحد هندي
مايعرفلها ولا عمرة فك بواجي نفس موتري
قلت بساعدك واعلمك الطريقه وبعطيك 100
قالي باخذ 150 واتفقنا على 120
مع العلم رحت لغيرة اقل واحد طلب 300 الى 350
شغل يد فقط
المهم اني طلبتها من امريكا ب200 ربال وكالة
وركبتها ب120
ومع العلم وقت تغييرها ماشي عليها حول 230 الف كيلو
من بلدها ماتغيرت نوعها روديوم يطول هالنوع
يمشيك 150 الف وانت مرتاح
بامكانك تشوف الموضوع كامل بمواضيعي
شغلتها ساعه ونص اشوف لو يركبها لك ب150 ممتاز
بالكثير 200 اذا شغل صح وشغل معلم

بعض السيارات لازم تنفك ثلاجه المكينه وشغلها شغله تجلس تفكك اشياء عشان بواجي 

الله يخلي سيارات الاربع سلندر ههههههه.
سيارتي 4 سلندر بواجي ب 50 ريال وشغل يد 20 وبس والشغلة
ماتاخذ 5 دقايق هذا اذا طولت ههههههههه