أضف سؤال أو موضوع جديد          

موضوع للتحذير بعيد عن السيارات

up 18 down 1
مشاري557 264
قبل 3 سنه و 10 شهر



مساكم الله بالخير يا اخوان

اليوم حبيت اقولكم موقف صار معي وباختصار انا اطلع للمشى شبه يومياً امشي احرق دهون والان مع البرد الوزن زايد

وقبل شوي يوم خلصت من المشي ورايح البيت ويجيك واحد راكب مع اجره ويناديني " يالطيب يالغالي" قلت هذا شكله جاي من قرية ومضيع وكيف حالك وعلومك

انا فلان الفلاني نازل من حفر الباطن البارح وموتري متعطل ومتبهذل وعزوبي الخ....وادور اهل الخير شرواك يساعدني باللي تقدر عليه.. والرجال هذا نازل من السيارة وواقف ومتمسك بالباب

ومغطي السواق واشوفه سعودي والرجال معشق بالاول ورجله على الكلتش مجهز الدعسة والتفت على فلان واقولة انا عزوبي هنا والله ييسر امرك

والحركة هذي جداً قديمة ومستغرب الى الان في ناس تحاول تستغفلك وتدور الناس اللي على نياتهم لانك مجرد تمد له يد العون بينتف البوك وما تسمع الا صوت الدعسة

وكانت تصير زمان والناس كانت تتدوال رسائل وتحذر من العينات هذي ايام النوكيا

فيا يا اخوان الحذر ثم الحذر لان الوقت الحالي هذا لا تستغرب من اي شي وخلك ذهين

ودمتم سالمين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


للاسف ناس مايخافون ربهم


up 0 down 0
بايع الدنيا 66 1470
قبل 3 سنه و 10 شهر



يعجبني اللي عاطيك وضعية مايكل شوماخر هههههههههه

يحسب الناس زي اول ...


up 2 down 0
بن عبدالحق- 87
قبل 3 سنه و 10 شهر



الله يعطيك العافيه على النصيحه
عن نفسي مااعطي اي احد
ريال واحد لاني عارف الشغله
تجاره صايره كل شوي
يطلعلك واحد من جهه ماتتوقعها
وابي فلوس محتاج ومدري وشو
المهم الشئ الي لاحظته الشخص
الي فعلا محتاج تشوفه يضغط
على نفسه ويستحي يطلب من احد
هذا يستاهل تعطيه كل الي عندك
هو والشخص الي تشوفه يناقش
العامل او الموظف انه بيجيه
بعدين ويدفعله ويكلمه بشويش
ومستحي هذول
يستاهلون توقف معاهم
وتفزع لهم
اما الي ماخذينها تجاره
ويطلعلك ماتدري من وين
وكلام حلو مايشمون ريال واحد
هم وحقين الاشارات
اغلبهم مافيات وحراميه
الغريب وين مكافحة التسول
والله اني اسمع فيها ولا عمري شفتها
ههههههه


up 11 down 1
d7ooom777 385
قبل 3 سنه و 10 شهر



النصابين خربوا على المحتاجين


up 11 down 0
fahd077 306
قبل 3 سنه و 10 شهر



والله في تركيا اسطنبول واحد يقول انه سعودي من اهل حايل  قابلته يقول انه انسرق محفظته وجوازه واغراضه اعطني اي شي معك قلت ماعندي لكن اوقفلك تكسي يوصلك لسفاره السعوديه وقلتله وين البلاغ للبوليس  كان يقفي يعطيني ظهره ويروح 
ويوم رجعت السعوديه وقابل واحد من الزملاء ولا يعطيني السالفه قال قبل شهرين قابلته في نفس  المنطقه وكل مره بجنسيه مره سعودي ومره كويتي ومره قطري 
قال 


up 3 down 0
ابوزفره 25
قبل 3 سنه و 10 شهر



تحصل كثير انا اللي حصل معايا برضه في الممشى
واحد مشنب يوقف عليه الصقر!
وقال يبغى الجوال يكلم فلان ضروري
والله ما ارتحت لشنبه زي الشوك ووجهه شبه
الجوال في الجيب لكن صرفته على طول بدون نقاش وقلت اغراضي في السيارة


up 3 down 0
ryyan555 702
قبل 3 سنه و 10 شهر



مره شفت حرمه عند مطعم تقولي انا عندي ايتام ومدري ايش المهم اخذة لهم اكل بحسن نية وجلست في السياره انتظرها تطلع لين طلعت ورجعت محلها ما معاها شي استغربت رجعت المحل طلعت كنسلت الطلب وخلت الكاشير يرجع لها حق المشكله طلبت من كل شي وانا على قد الحال بس ابي اكسب فيها اجر بس من بعدها ما اعطي احد والله يرزقنا وياكم الرزق الحلال


up 2 down 2
المتوكل 777 462
قبل 3 سنه و 10 شهر



حصل لي نفس الموقف من سنوات في الدمام قالي انا من حفر الباطن على ما اظن ومضيع وماعندي فلوس ومتوهق قلت له الله ييسر امورك انا ريال ماعندي تبيني اساعدك ههههه والي يقهر موتره اخر موديل


up 0 down 0
dark evil 431
قبل 3 سنه و 10 شهر



ابو زقره نفس موضوعك حصلي في اسطنبول ويقول سعوجي ومن حائل


up 0 down 0
عضو 2736 34
قبل 3 سنه و 10 شهر



تحصل معي كثير بالذات بالاسواق الشعبية


up 1 down 0
coco13 895
قبل 3 سنه و 10 شهر



الاشكال دي تكثر بمكه يجيك بجيب اخر موديل ومركب معاه بنتين ولابس احرام ويقلك انا جيت الديره دي وعملت عمرة وانسرق مني المحفظه وساعدني بالي تقدر عليه ومرة بحسن نية قلت لواحد فيهم اوديك الين المحطه واعبي سيارتك فل قال ابغا اكل ومصاريف وحليب قلتله الله معاك والله الواحد ماصار يعرف المحتاج من النصاب والشحات الي من غير حاجة وربك يكرمنا ويكرمكم وييسر اوضاعنا


up 4 down 1
عميد عبدالله أسعد 292
قبل 3 سنه و 10 شهر



صادق ياعميد جاني مطوع والله في مكه معه بنيتيت معاهم جمس يوكن موديل 2012 يقول شوف البنزين ماعندي والله 
قلتله والله ماعندي الاحق التكسي وروح


up 1 down 0
ommar7725 204
قبل 3 سنه و 10 شهر



هدي عصابات وبعضهم يستغل عطف الناس
فرمضان والحج تلقون المحطات الخط السريع سياره لوحه اماراتيه أو عمانيه أو كويتيه ويطلب فلوس بأي عذر
أغلبهم تلقاهم هنود وباكستانيين جايين عمره قالوا خلونا نشحد
المهم تعددت الطرق والأساليب والهدف واحد
لاتعطي اي احد وإذا تبي تسوي خير لها طريقها الآمن


up 1 down 0
شويخ من أرض مكناس 2823
قبل 3 سنه و 10 شهر



انا ارفض الاستعطاف معهم

والان في حيلة جديدة

قبل اسبوع كنت عند التميمي بالرياض على طريق الملك فهد

وقفني واحد هندي جنتل مان لابس وكاشخ وقام يتكلم معي نص عربي وانجليزي

الزبده كشف عن يده وحاط لزقه كانها محروقه وقال ابي حق المستشفى

قلت طيب اوصلك المستشفى ورفض قال عطني فلوس

قلت انقلع لاكلم الدوريات عليك ولاشفت الا غباره


اذا تبي تتصدق اعطي قريبك او من يعز عليك وحالته الماديه صعبه

اما اللي بالشوارع للاسف كلهم عصابات


up 1 down 0
aboahmed2014 1151
قبل 3 سنه و 10 شهر



اجل انا مو الوحيد اللي اقابل هالاشكال

ما ندخل بنياتهم

لكن اجزم واقول

ان النصابين امثالهم

خربوا فعلا على المحتاجين

فما عدت اعرف المحتاج الفعلي من النصاب




up 1 down 0
ابوخالد1397 2884
قبل 3 سنه و 10 شهر



صارت لي في حي الوادي بين مخرج 7 و 6
على شارع البحر الأحمر دخلت بنك الراجحي أبي أودع فلوس
المهم هالكلام الصباح على الساعة 7 الا ربع ولما طلعت جاني واحد
قال معك فلان بن فلان الفلاني وانا جاي عشان موعد عملية وساكن في شقة والصرافة سحبت بطاقتي ولا طلعتها
وأنا الحين أبي الحق المستشفى ومامعي ريال تكفى باللي تقدر عليه لو حق المشوار
قلبي ما ارتاح له رغم ان شكله محترم ومعاه ايفون 7 في يده
قلت له دق على اي احد يحول على حسابي فلوس وانا اعطيك تغيرت ملامح وجهه وقال مشكور وانا بتصرف ومشى
المهم بعدها بأسبوع وعليها حصلته بنفس المكان لكن ماعرفني لأني قابلته المره الأولى لابس ثوب وشماغ
والمره الثانيه لابس رياضه ولا عرفني وقال لي نفس السالفة ضحكت له وقلت انت شكلك ماتتوب
حتى الواحد يجيب لك دورية ويسحبك على وجهك المره الأولى كرشتك ولافيك فايده شكلك متعود على هالموال
ضحك وقال استر علي الله يستر عليك قلت له توكل على الله وصدقني المره الثالثه ثابته ودخل الحارة اللي ورى البنك
ومشيت , شكل هالنصب واضح انه أسلوبهم الجديد حسبي الله ونعم الوكيل فيهم


up 1 down 0
, وع ـدك متى , 266
قبل 3 سنه و 10 شهر



انا بطلت اعطي احد بالشارع فيه جمعيات ومؤسسات خيريه انصح بالمساهمه فيها اغلب اللي تشوفهم بالشوارع والمساجد ليسوا اصحاب حاجه وانما هي مهنه كانا الله شرهم
شكرا لك على التنبيه


up 1 down 0
fanar1 664
قبل 3 سنه و 10 شهر



حياكم
فعلا النصاب خرب ع المحتاج
كنت باالبيت وعندي رجال ضيوف 
المهم جونا ثلاث رجال ثانين ماعرفهم اول مرة اشوفهم
قهويناهم وطلعو ورقة وقالو حنا ولد عمنا عليه قصاص وحنا
من الجنوب ونطلب العون 
صراحة انحرجت انا الاويرد واحد عليهم من الجالسين قال لهم
عطونا رقم احسابكم باالاامارة اللي انتم تابعين لها هذا دم وقصاص
وابشرو باالخير الا وينقزون من المجلس ولاشفناهم
والقصص كثيرة
والااقربون اولى باالمعروف 


up 1 down 0
باترول 2020 2624
قبل 3 سنه و 10 شهر



حصلي موقف قبل ثلاث سنوات في سوق حجاب بالرياض 

رحت السوق بعد العشاء.  اخذ لي اغراض. مناك. 

طبعاً يوم دخلت. فيه حرمه معها بنتين صغار. يمكن 6سنوات 

واقفه عند الامانات داخل السوق. 

دخلت. عند اول محل. ادور لي عطر.  بتكلم مع العامل. 

وجتني البنت الصغيره. قالت امي تبغى جوال. 

وجت امها قالت. لي السواق نزلنا السوق. وراح وجوالي 

طافي. ابي جوالك اكلم. السواق يجي. وانا على نياتي. 

عطيتها الجوال. وبعدت عني. شوي. وسمعتها يوم تكلم 

تقول وينك انت. احنى خلصنا. 

المهم. قلت اخليها تكلم. وجلست اتكلم مع العامل. عشان 

اشتري عطر وبعض الاغراض. يمكن اقل من دقيقه التفتت 

ادور للحرمه. مالقيتها ادورلها برا مالقيتها. 

رحت داخل السوق. كلمت مشرف الامن هناك قلت له 

ابغى اشوف الكمرات  رحت غرفة المراقبه. قدمنا التصوير 

الين يوم خذت الجوال مني وبعدها طلعت برا. وركبت السياره 

لاكن اخذت رقم اللوحه  والحمدلله. ترجعت الجوال. 

وهذي القصص تحصل كثير. 

وماكنت متوقع. ولا واحد بالميه انها بتسوي كذا. 

وهذي الاشكال. تخرب على الي. محتاج. ومزنوق وصادق. 

لاكن رب العباد ماينسى احد 



up 1 down 0
سبحان الرازق سبحانه 2511
قبل 3 سنه و 10 شهر



النصابين خربو على المحتاجين .. اول كنت مسافر ووقفت عند محطه اعبي بنزين ورحت البقاله .. وجاء واحد اشوفه يسولف لشخص يقول له الصرفه اكلت البطاقه ولا عندي حق البنزين قال الشخص انت نصاب وزعل الرجال وبغو تضاربون جيت عن الرجال قلت وش فيك قال البطاقه اكلتها الصرافه ونا اهلي معي قلت سم ابوي كم يكفيك قال حق الطريق واعطيه الف ريال ولزم الا تعطيني رقمك وعطيته بعد 3 ايام دق علي جوال غريب وارد قالى سلام قلت هلا ارحب قالي انت عرفتني قلت لا والله قال انا الى عطيتني الف قلت ايه قالى هات رقم حسابك قلت لا سوينا خير مدري ايش قال هات رقم حسابك والله وارسله له شوي تجيني رساله على الجوال تم تحويل الفين ريال دقيت عليه قلت ليش تتعب نفسك قال والله ياخوك يشهد على الله انا انحطيت بموقف محرج ماكان معي فلوس ومعتمد على الصراف واكلتها المكينه واهلي معي ونت ماقصرت يعني يجماعه ترا في ناس محتاجين والله انا حسبته نصاب يوم عطيته الاف لكن الرجال طلع صادق ونقدت نفسي وحول لى الفين


up 3 down 0
مهراس الزهراني 1338
قبل 3 سنه و 10 شهر