هل مكينة الالنترا تركب على اكسنت

ماتوقع تجي 2000 بس يمكن 1600 تجي

مافي شي مايجي الا تجي بس بتاكل عليك قيمة النترا يعني لو تشتري النترا بمكينتها بتطلع اوفر
احسب معي
1مكينه بكامل ملقاتها من كمبروسر ودينمو وغيره
2ضفيره كامله طبعاً ضفيرة المكينه اللي بتركبها
3كمبيوتر النترا
4قير النترا 2 لتر
5عكوس النترا 2 لتر
6 كراسي مكينه واحتمال تظطر لترهيمها او تغيير الكمر
7 رديتر اكبر بمراوحه
والقائمة بتطول
يعني بالعربي يبي لك النترا مقلوبه او مصدومة من الخلف عشان تشلح قطعها وتركبها بالاكسنت
مفكر الشغله خذني جيتك بس بتركب مكينه وتشتغل معك؟
لازم تغير كل اللي ذكرته لك عشان تشتغل وتمشي السياره ولاتفكر انك كذا خلصت
بعد ماتشتغل وتمشي بيطلع لك بعض المشاكل والعيوب اللي تطلب منك تعدلها عشان تستخدمها استخدام يومي وتسافر عليها
القطع اللي فوق تاكل منك فوق 20 الف غير اجرة يد الكراج
يعني ال25 فيك فيك
بيع اكسنتك وزود علىيها 20 تجيب لك النترا نظيفه بدون ترهيم ووجع راس

مكينة النترا و 2 لتر ليه ناوي تقاوم بورش والا بوغاتي @

نصيحتي خل عنك الكلام والخساير وركب لك مكينة 1.6 ترى ماتفرق غير شي بسيط عن النترا 2.0
ولاتصدق كلام الوراعين يقولون لك النترا تقوم على لكزس وبي ام

2015  وعلى وشك التخبيط وش مسوي فيها يا مسلم 

انت وش هابن بموترك عشان يخبط بعدين اترك عنك الوراعين مقاوم ومكينة النترا يابع الموتر واشتر مثله بس مكينة مقاس اكبر
او وضب مكينتك او بع الموتر واشتر موتر اكبر

نعم تركب وانا متأكد لأنه في امريكا والدول الأخرى مكينة الإلنترا gdi نفس مكينة الآكسنت gdi الفرق هو الكمبيوتر فقط

^^^

من متى صارت مكاين الالنترا والاكسنت GDI !!!

ممكن تقصد بأمريكا ؟ لكن عندنا هالمكاين حصريا على التوسان 2.4 والسنتافي والازيرا 3.3 وعلى مااظن الجنسيس فقططط

اما السوناتا 2.4 فمكينته عاديه مع انه نزل للسوناتا والاوبتيما مكينه 2.0 تيربو

وعشان تعرف الفرق بين مكاين gdi والعاديه ان الاولى تجيك بنظام الحقن المباشر وعدد الاحصنه فيها غير ثابت لكن لها حد اعلى وحد ادنى مثلا مكينه الازيرا الجديدة 3.3 تطلع مابين 288 الى 294 حصان والرقم الاخير اعلى ب 4 احصنه من مكينه الكادينزا القديمه 3.5 ( مع انها اكبر )

مكاين السوناتا والاوبتيما التيربو كلها gdi والجينسس gdi والازيرا 3.3 gdi والالنترا التيربو gdi  والاكسنت  فيها مكينه تيربو بس تو يعلنون عنها gdi بتنزل عندنا 1.6 تيربو

طيب ياحماعة الخير وش المكاين اللي تركب على اكسنت وتكون قوية مع الاعار لا هنتم

مستحيل مكينة النترا موديل2015 حجمها كبير مثل مكينة الهايلكس
صعبه تركبها وذا بتركب لازم تقص البدي وحجمها ثقيل

يمديك تركب مكينة 1.6 لان اصلا في اكسنت (الفل اوبشن ) تجي عليها مكينة الالنترا 1.6
اما 2.0 انسى

عكوس الالنترا تختلف عن الاكسنت مستحيل تضبط ولازم ترهيم وبعدها تطلع لك عيوب الترهيم 

لو تحسب التكاليف تطلع قيمة سيارة بالمكينة انا رايي خذ النترا 2.0 اوفر واريح من الفك والترهيم والخساير

تصدك كنت افكر نفس تفكيرك بس كان تفكيري ١.٨ بس يوم فكرت فيها قلت تراها اكسنت ما تسوى وانا الحين معي اكسنت ١.٤ و الحمد لله وش زينها 

عندي النترا 2015 مكينة 1600cc اقدر اغير لها مكينة كبيرة 2000cc