سيارتي لم يتلفها شيخ المعارض

كم المتبقي عليها .... لأن الدعوة قص رفارف وتلحيم جديدة غيرها ... المهم شوف السيارة كم باقي عليها لان شيخ المعارض كتب لك قيمة الاصلاح
10000 ريال

وللعلم اكثر شيوخ المعارض داجين همهم الوحيد مبلغ التقدير بس

المتبقي عليها تقريبا 16 الف ريال

احمد ربك لوه مقدرها شيخ المعارض تالف كان طلعت بلوشي بمعنى :


السيارة اذا تقدرت تالف فهي ملك للبنك او الجهة اللي انت ماخذ منها ياخذون السيارة

والشيك بيصدر باسمهم بحكم انهم المالكين بمبلغ السيارة والشيك يستوفون الباقي عليك من العقد ولو نقص طالبوك واخرتها كل تقصيدك يروح هدر وان فاض كم الف ردوها لك


احمد ربك انه ما قدرها تالف

الحل دام التأمين بيصلحها صلحها واستعملها فترة ولين خلصت اقصادها اكرشها

واذا تقول انا عايفه النفس منها مررة تنازل بها بعد ما تتصلح


اسمع الشور ، انا ولد خالي مقصد في مكسيما وصل 86500 او الحدود هذي باقي عليه سنة ونص واخرتها يوم راحت تالف خذوا الموتر والشيك ونطلوا عليه 4000 وشوي وتقصيده كله راح هدر

هذي شينة الايجار المنتهي بالتمليك لكن مشكلة البعض للاسف ما يقتنع لين يقع في الفخ تقوله خذ قرض واشترها كاش يقول لا هذي تأمين شامل مايدري انهم ماصعين التأمين من ظهره ولو تلف الموتر هو الخسران


بالتوفيق

اتوقع نفس التأمين بيتلفها او يعطيك خيار الاتلاف او الاصلاح اذا تعدا المبلغ ٤٠% من قيمة السياره

ع العموم اذا م اتلفها التأمين خذ ال١٠ الاف حقتك وبيعها تشليح او قطع مكينه وقير وابواب

والباقي تشليح بتطلع انت المستفيد من الحركه ذي مكينه ٢٠٠٠ قير ٢٠٠٠ مقاعد قزاز طبلون واكثر من شغله ومسجل

اتوقع الافضل انهم ما يتلفونها لان تقسيطك بيروح عليك واحتمال يطالبوك بالفرق 
يعني خلهم يصلحونها واستخدمها 

اتوقع الافضل انهم ما يتلفونها لان تقسيطك بيروح عليك واحتمال يطالبوك بالفرق 
يعني خلهم يصلحونها واستخدمها 

اتوقع الافضل انهم ما يتلفونها لان تقسيطك بيروح عليك واحتمال يطالبوك بالفرق 
يعني خلهم يصلحونها واستخدمها 

انا ضد شي اسمه شيخ معارض وش عرفه بامور السمكره والدهان والقطع والاسعار الي تتغير كل فتره ليش باقي ذا التخلف ياخي يتعاملون مع مراكز مختصه بلسمكره والدهان والميكانيكا والكهرباء وقطع الغيار