كم سعر النترا فل كامل ؟

الفل بحدود 65000 الف وبالنسبه لإستخدامها انا معي وحده 2013 ماعليها ممتازه بس  بعد 140 تبدأ تصير خفيفه بالخط
وكـ استخدام والله مامثلها اقتصاديه وعمليه وشكليآ حلووه سواءآ داخليآ ولا خارجيآ .. السياره منتشره كثيررررر عندنا ف اذا
مايهمك التميز خذها والله يبارك لك ..

ماقصر الالنتراوي ^^ وانا انصحك فيهآ ..والله لو معي فلوس لا ابيع سيارتي واخذ مثلهآ ... ومبروك مقدمآ

على حسب الوكيل وتقريبا من السبعين وانت نازل

واحسن وكيل بالنسبة لي الناغي تجيك المواصفات كاملة ومعاها شنطة تلميع ب68 ووقت الكاش بتصير اقل

وشوف الاعلان  هذا يمكن تاخذها باقل كثير من الشركة لانها مستعملة بس ماهو كثير
1425147

الله وجزاكم خير 

اخوي الالنتراوي كيف عزل الهواء فيها ؟ 

كم تعطيه من ١٠ ؟ 

ويا إخوان انا مالي في المستخدم ولا السرعة ولا التميز يهمني وسيلة جديدة تريحني 

وبس الله يعطيكم العافيه 

الفل كامل جنوط 17 وبصمه وفتحت سقف وجلد بالناغي 74 الف كاش بدون بصمه وجلد اقل من كذا تقريب بالستينات ومادام انك تبيها بلد وخط وماتسرع فهي ممتازه وحلوه وعزلها ممكن 5 او 6 من 10 لنه الكوري والاسترالي بديه خفيف مهما عزلو صوت المحرك والهوا لابد بيكون فيه ضجيج الخط الحفر الكفرات 

75 الفل استاندر60

2010 كان الفل ب 50 واستغليتها واخذت توماتيك ب 46 
سياره ممتازة بكل ماتعنيه الكلمه بس سعرها ضرب فوق
وللعلم بعتها بعد ماكرفتها 3 سنوات ب 27

اخوي ماجد مثل ماقال برنس العزل 6 من 10 وهو اللي مضايقني بالسياره نوعآ ما .. اتوقع عشانها صغيره مع الرغم انك
تشوفها من بعيد كبيره خصوصآ من ورا ، لا تاخذ مستعمل 2012 لأن الدفعه القديمه صار فيها مشكله بالقير ومع خويي وحده 2012 فيها مشكله بالقير
لاجيت تعشق من " P " الى " D " يجيم القير مايعشق الا بعد ماتطفي السياره وتشغلها وترجع تعشق طبيعي .. السياره مآخذها ف رمضان مب ذا اللي فات يعني اول مانزلت السياره يمكن بشهر 5 /2011 اول دفعه وعلى كثر ماسقتها وآلله ماصادفتني هالمشكله الا مره وحده بس وهو يقولي قليل ماتجي
وهو الله يهديه من اللي مايهتم بالسياره 
وفيه واحد اذكره ف منتدى ضبطها ف الوكاله اطلبو له قطعه طلبيه وركبوها له ضبطت على كلامه طبعآ ع الضمآن . الشاهد لابغيت تآخذ لا تاخذ غير مكينه 1.8 حلوووووووه و ع البركهـ ان شاء الله وانا انصحك انك تستاجرها وتجربها خط  مثلآ امسك عليها الدائري .. بس حآول تآخذ ممشى السياره قليل تعرف انت سيارات الاجار تنكرف كرف الوويل

الألنترا من أفضل السيارات للأستخدام داخل المدينة ,, أنصح فيها وبقوة اذا انت مو راعي سفريات كثير

جحمها حلو ,, واقتصادية جدا ,, وقطعها رخيصة..

وبالسفر موب سيئة تمشي الحال ,, العزل في الخط على سرعة 120 أعطيها 7من10 مقارنة بالسيارات اللي بنفس حجمها !!

يعني عندك الكوريلا في الخط العزل فيها مررره سيء !! واليارس أسوأ بعد ..

يعطيك خيرها ويكفيك شرها

الله يعطيكم العافية يالنشاما والله ماقصرتم ولو اقدر اعطي لايك كان أديت كل واحد فيكم


لكن نفسي ايش فيه موضوعي حتى يجي واحد يديه ديس لايك ؟ 

اثنين لايك ولا يهمك عالموضوع وعلى الرد