متى يتغير جنزير المكينه؟

اغلب السيارات مكتوب عليها يتغير بعد ممشى 100 الف وتولع لمبه تحذير في الطبلون

ماتطفي الا بعد ماتغيره وتبرمجه حتى تختفي اللمبه التحذيريه

طبعا الأضرار لو ينقطع راح يعدم عليك عمود الكامات (عمودالبلوف)

الشركه حاطين له عمر افتراضي 100 والأفضل تغيره بأسرع وقت

وعليكم السلام
اذا سير تيمن ربل يتغير كل 100 الف وشغلته بسيطه
اما اذا حديد زي الاوريون والافالون ماعلية خوف
موتري ماشي حول 350 الف كيلو
وزي الوز على بلدة ابدا مافية خوف

جنزير السوناتا حديد 

 اتوقع اللي عمره الافتراضي 100 الف هذا الربل

طيب اذا غيرته هل راح يسبب اضرار مستقبلية بسبب فك المكينه؟ مثلا يطيح عزمها او يتغير الصوت؟

اذا ربل يتغير اما حديد ما عليه مشاكل ولا يتغير

يامرحبا ابو عبدالله منور المنتدى

إذا قصدك بسير التايمن يتغير انا انقطع علي بسوناتا 2012 ماشية 181 الف 

ومشيت عليه لاني كنت مسرع وقفت إلا قطع اللديتر والليات وصلحتها عند واحد أعرفه ب 600 

أما جنزير المكينه اذا حديد مايتغير واذا ربل يتغير لاني بعت السوناتا في شهر 12 

6 سلندر سير يتغير
4 سلندر جنزير ما يتغير

الموديلات الحديثة ماعندي معلومة عنها

دام الوكالة قالتلك مايتغير معناه جنزير والجنزير عمره جدا طويل وماعليه خوف

بحسب معلوماتي وخبرتي البسيطة اذكر السوناتا اللي من موديل 2005 الى 2008 الدفعة الاولى اللي تجي جنوطها نجمة هذي كانت حديد

عام 2008 الدفعة الثانية وفوق تغيرت المكينة اظاهر لان حتى القير تغير وصار 5 تغييرات و2011 صارت 6 تغييرات واللي اعرفه ان مكينة 2009 و2010 نفس 2011 ويجي سير تايمن لذلك تأكد من ذا الشغله اذا هو سير تايمن ربل غيره افضل لك لا ينقطع يوم ويعدم عليك الدنيا


اذا تأكد انه حديد خله ماعليه خوف انا كانت معي سوناتا 2006 امريكية مشيت عليها لين 310 الف وبعتها والحين الاوبريس ماشاء الله ماشيه 309 ماغيرته ابد ولا عليه خوف اصلن اذا كان حديد يطلع صوت بداية تلفه وتغيره ونادر ترى يخرب الا على ممشا كبير يعني خوينا معه ازيرا 2006 ماخرب معه الا يوم دخلت بحر 450 الف او حولها


وفقك الله

اي سيارة اذا السير الداخلي (داخل المكينه) او مايسمى
 بسير التايمن لازم يتغير و بتحصل المعلومة في كتلوج سيارتك
اما كل 100 الف او اكثر او اقل حسب نوع السيارة. و لازم تغيره 
حتى لو ماسمعت او حسيت باي صوت او مشكله. لانه قد ينقطع في 
لحظه و يخربلك البلوف داخل المكينه و السلندرات و امور ثانيه 
مماتتصلح الا بتوضيب او تغيير المكينه. و تغير هذا السير سهل في
العاده و سعره مو غالي. 
اما اذا كان السير الداخلي عباره عن جنزير من الحديد فهذا ماله
زمن محدد لتغييره لانه من النادر يخرب. لكن في حال سمعت اصوات
داخل المكينه و تاكدت من انه الاصوات هذي صادرة من الجنزير فمباشرة
غير الجنزير. و في العاده اللي يخرب في حالة الجنزير هي التكايات او المشايات
او البكرة. و ايضا لو انكسرت المشايات و خرج السير من مكانه و السيارة شغاله
بيسبب لتلف المكينة مباشرة. 

السوناتا جنزير حديد مو ربل من 2005 ومايتغير واذا بتغيره مع التوضيب اذا خبطت مكينتك احسن

انا معي السوناتا الحين ٣٥٠ ماشاء الله ماغيرته ولا فيه صوت

كل ١٠٠ الف كيلو تغيرة

فيه بعض الشركات تغيره على 100,000 و هذا اذا ربر

اما اذا جنزير ما يتغير و شكل الجنزير مثل حق السياكل تقريبا.

الباثفايندر عندي لما اجتازت المية الف قالولي الوكالة اصلا ما يتغير الا اذا لا قدر الله فيه اصوات في الماكينة و دام مافي شي

ما يتغير.

من 2003 الى الآن و الباثفايندر سير التايمن (التوقيت) فيها يجي جنزير والله تعالى اعلم. وبهاي الحالى ما يتغير الى اذا لاقدر الماكينة

صار لها شي.

ما يتغير نهائيا اذا كان جنزير واذا تبي تعرف هو جنزير ولا ربل شوف رقم الشاصي في الوكالة اللي يتغير هو سير التايمن الخارجي اللي ييجي ربل

أخطأت في تعليقي الأول ....وصحيح من قال نص الجواب في فهم السؤال

أنا حسبتك تسأل عن سير التايمن الربل....طلع سؤالك عن الجنزير الحديد

مثل ماتفضلوا الأخوان في أجوبتهم.إذا كان جنزير حديد مايتغير إلا مع التوضيب

أما إذا كان سير ربل فيتغير كل ممشى 100 الف

وانا سيارتي التيما 2011 رحت للوكالة قالوا مافي جنزير بالمكينة مدري هل هالمعلومة صح او غلط