أضف سؤال أو موضوع جديد          

استشارة بخصوص زيادة ارتفاع الكفرات

up 2 down 0
ms3al 1783
قبل 4 سنه و 8 شهر



سلام عليكم ورحمة الله وبركاته
يا جماعة الخير ابغا استشيركم
بخصوص زيادة ارتفاع الكفرات
موتري النترا 2015 جنوط الفل عليه كفرات هانوك مقاس
17-45-215
الي حاصل اني مغير الكفرات الامامية nexen نفس مقاس القديمة
والخلفية شيكت عليها لقيتها ممسوحة
والنية ودي اغيرها ان شاء الله خلال اليومين ذي
استفساري الان
انا ودي اركب مقاسين مختلفين
الامامي يكون
17-45-215

الخلفي
17-50-215
او
17-55-215

السبب في اني بزيد الارتفاع
1-ليونة السيارة
2-اخفف من ازعاج الشارع الارضي
3-برفع السيارة شوي لأنها احيانا تحك إذا كان في راكب في الخلف

المتخوف منه ان رساوة السيارة تختلف علي
فهل تنصحوني بهذا الشي ام لأ








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احتمال لو زاد الإرتفاع وكان معك ركاب واخذت بطناج في الطريق أو مثل الانخفاض ممكن يحك الكفر معك في الرفرف مع الجنب وهذا يجعل الكفر يتآكل. وشكل السيارة أتوقع انه بيكون فيه فرق في ارتفاع الكفرات وخصوصاً على ارتفاع 55 في الخلف و45 في الأمام.

من رأيي انك توحد المقاسات لأسباب السلامة أولاً والأمر الآخر فك نفسك من وجع الراس والخساير لو ما طلع المقاس مضبوط ممكن تتوهق وتضطر تبيع الخلفية بنصف سعرها.

ولو الموتر يحك معك كثير ركب كعكات مضبوطة بارتفاع معقول .

أو حل أخير ممكن تحط الارتفاع كله 50 لكامل الكفرات اذا ما راح تحك الأمامية في بطانة الرفرف.


up 1 down 0
الحويزي1 1128
قبل 4 سنه و 8 شهر



السياره تحك بالرفرف الخارجي
جربتها انا وللاسف رحت وبدلتها لانها تحك مع المطبات الكبيره وانت مهدي
والحفر الصغيره اذا انت مسرع تسمع خبطها وحكحتها في الرفاف 
اشتر جيب او سياره مرتفعه المره الثانيه


up 2 down 0
ابوفهااد 77
قبل 4 سنه و 8 شهر



وعليكم السلام ورحمة الله وبركاته..

بالنسبه لرفع المقاس مشاكلها اكثر من محاسنها..

اولا مصانع السيارات تدرس حجم الكفر..  بحيث يكون افضل للسياره من ناحية التماسك مع الانعطافات والفرامل والرساوه واستهلاك البنزين والتسارع و و و و..الخ

مشاكل رفع حجم الكفرات كثيره. زياده علىللي ذكرتها.. راح ينضر القير بحيث انه مبرمج على انه يعشق لما يكون الكفر على سرعه معينه.. وعندك ايضا عضلات السياره.. وايضاكفرات اللي بتركبها راح يصير فيها مسحيه من الداخل.. 

واذا سيارتك فيها مانع انزلاق.. كل شوي بيشتغل معك. لأنه فيه خلل بالكفرات..

اذا تبي الراحه..الافضل انك تغير الجنوط.. وتركب جنوط الفئه الاقل مثل النص فل او جنوط الستاندر الحديد ولا تطلع من مقاسات المصنع سواء جنط 17 او 16 او حديد


up 3 down 1
abo9aly7 507
قبل 4 سنه و 8 شهر



اشكركم جميع
والي شايفه في الوضع الحالي اني ممكن احط فلوسي في مكان غلط
وبالنسبة للتغير الجنوط ما افكر اغير لاني قيد سقت النترا سوح والرساوة كانت سيئة جدا



up 0 down 1
ms3al 1783
قبل 4 سنه و 8 شهر



خلك على مواصفات المصنع ولا تلعب عليها ما وضعوها عبث


up 0 down 0
متجر المسـتـقـبل 2030 264
قبل 4 سنه و 8 شهر



اذا بترفع الكفر صغر الجنط خذ جنط 16
جنط 17 على الالنترا كبير من الاساس وارتفاع كفر اكثر من 40 عليها يحك بالرفرف
صغر الجنوط وكبر الكفرات وارتاح من القساوه وانخفاض السياره



up 1 down 0
miz00 207
قبل 4 سنه و 8 شهر



في نقطة احذر منها ارتفاع الكفر يزيد من السرعة الفعلية بعكس الموجود في العداد مثلا الوكالة ارتفاع الكفر 45 وانت غيرته 50 لمن تمشي بسرعة 120 بالطبلون راح تكون السرعة الفعلية 125 والعكس كذلك لو اخذت كفر ارتفاع 40 ومشيت 120 راح تكون السرعة الفعلية 115 لذلك بعد تغيير الارتفاع عن الموصى في الوكالة شوف الفرق في السرعة عن طريق برنامج الخرائط لانه يعطيك السرعة الفعلية عن طريق الاقمار الصناعية وحاول تبرمج نفسك عليها وتسلم من ساهر


up 2 down 0
yahya alajlani 719
قبل 4 سنه و 8 شهر



انا كفرات الالنترا جنوط حديد مقاسها 15/65/205
كان عليها كفرات نيكسن جدا مزعجه تسمع صوت الازفلت بوضوح
كنت متوقع الصوت بسبب العزل الارضي لكن بعد سنه غيرت الكفرات الى (هانكوك اوبتيمو) وماشالله صوت الكفرات اختفى بنسبة 90%





up 1 down 0
bmw z4 1500
قبل 4 سنه و 8 شهر



ريح رأسك وحط جنوط 16 


up 0 down 0
عمده33 1664
قبل 4 سنه و 8 شهر



اخ يحيى
كلامك صحيح لكن العكس
اذا زاد ارتفاع الكفر قلة السرعة الفعلية يعني مثلا كنت ماشي 110 بالمقاس الاصلي وزدت ارتفاع الكفر من 45 الى 50 حتصير سرعتك الفعلية 106
ومجربها فعلا مع ساهر السرعة القانونية 120+10% = 132 ومشيت بالغلط 135 ولا صادني ساهر

عموما انا معايا النترا ونفس جنط الفل ... غيرت الارتفاع الى 50 وناسبني بصراحه الكفر ما صار يحبل والسيارة صارت لينة مع المطبات لكن شكل السيارة تغير ( ما يهمني بصراحه )

انصحك توحد المقاس الى 50 هو المناسب


up 1 down 2
loody_23 363
قبل 4 سنه و 8 شهر



نعم مثل ما قال loody_23

ارتفاع 50 مع كفرات هانكوك 
تحس براااحة و ليونة 

بالتوفيق 


up 0 down 0
الحياة حلوة 2017 137
قبل 4 سنه و 8 شهر



انا مركب هانكوك على اكسنت ما شاء الله لا له صوت ولا شيء وبرأيي انها احسن من نكسن.


up 0 down 0
راكان443 150
قبل 4 سنه و 8 شهر