أضف سؤال أو موضوع جديد          

ارتفاع اسعار التامين

up 3 down 3
aboahmed2014 1168
قبل 4 سنه و 8 شهر



الســــــــــلام عليكم


مساكم الله بالخير





تامين سيارتي اكسنت بقى فيه عشر ايام


وقلت بأمن لاقدر الله صار حادث او مشكله يكون التامين ساري

مريت ميد غلف بشارع الناصريه وقال ان الستتم تغير وطلب مني الايبان الخاص بحسابي
اضافه الى بريد واصل لبيتي

اضافة الى مبلغ 2500 ريال مبلغ التامين <

وقال هذا المبلغ ولسى ماشيكنا على اسمك في نجم عليك حوادث او لا خلال الثلاث سنوات الماضيه

قلت له ياعزيزي التامين ضد الغير هذه قيمته قال ايه

ومريت التعاونيه وبرضوا نفس الحكايه


رجعت لتاميني لسياره لقيت اسمه سلامه (اسيج)

تواصلت مع الموظف وكان قمه بالاخلاق والاحترام

وارسلت له صورة الاستمارة ووثيقة التامين

وصورة من رخصتي

خمس دقائق وعطاني قيمة التامين (1751) ريال

طبعا قلت له السعر الحقيقي كم

قال 1551 ريال

والـ200 ريال الزياده لان عليك حادث في 2013

طبعاً قبل ثلاث سنوات صدمت واحد وماتضررت سيارته طبعا انا غلطان صدمته من الخلف

وصاحب السياره ماصلح سيارته هذا على كلام موظف التامين انه ما استفاد من تامييني


وانا صلحت سيارتي على حسابي بدون الرجوع لتامين وقتها كان شامل منتهي بالتمليك

الادهى والامر ان اي واحد اسمه نزل بنجم سواء استفاد من التامين او غيره استفاد يتم اضافة مبلغ زياده
على قيمة التامين



طيب السؤال لو ان المؤمن على سيارته استفاد من التامين او الطرف الثاني

قال هذه فيها حسبه ثانيه


هذا ماحبيت افيدكم فيه


والله يخارجنا من الجاي كل شئ ارتفع

على بالهم قعدين نزرع فلوس ونحصدها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ..

الله يستر عاد انا قرب التامين ينتهي والله يعينا صار الحين التامين نبي نخصص له مبلغ لحاله كل سنه

ليته مثل الرخصه كل 10 سنوات ونرتاح


up 1 down 0
ابو يزيد1414 68
قبل 4 سنه و 8 شهر



2030         

..........


up 10 down 3
شرقااااااوي 653
قبل 4 سنه و 8 شهر



الحادث الي عليك عام 2013
يعني له اربع سنوات
ليه يحاسبك على حادث له اربع سنوات

بلغ عليه اخذ منك 200ريال على حادث
له اربع سنوات

وفوقها ماسوالك خصم ﻻن ماعليك
مطالبات خلال الثلاث سنوات السابقه

وفوقها ماسوالك خصم الوﻻء 10%


up 1 down 0
d7ooom777 391
قبل 4 سنه و 8 شهر



كلام الوزاره كان واضح
اذا ماعليك مطالبات على اخر
3سنوات يجيك خصم من التامين
من25الى30%

وعندك خصم الوﻻء 10%
اذا امنت نفس التامين السابق
بدون تاخير يعني تامن قبل ﻻينتهي
تامينك بكم يوم يجيك خصم10%

بلغ عليهم ضاحكين عليك
اول شئ ماعطوك خصم ﻻنك
ماصدمت اخر 3سنوات ماشاءالله

وثاني شئ امنت نفس تامينك السابق
قبل ﻻينتهي
المفروض يخصمون لك خصم وﻻء


up 1 down 0
d7ooom777 391
قبل 4 سنه و 8 شهر



اشكر كل من مر وعلق


وصراحه لسى مادفعت التامين للحين


وتنبيهكم في محله راح اتواصل معهم مره اخرى


up 1 down 0
aboahmed2014 1168
قبل 4 سنه و 8 شهر



اجل موضوع التخفيض حسب سجلك عبارة عن مشروع نصب وتحايل. يعني لو خفضوا 10% او 30% من السعر الجديد مازال التأمين اغلى مما كان عليه!!


up 1 down 0
dell2012 1044
قبل 4 سنه و 8 شهر



والله ماأدري وش السالفه مع شركات التأمين
انا امنت عند شركة ولاء بالطايف قبل اسبوعين السيارة جمس
ب 925 ريال ضد الغير 
وسألته عن سيارات النقل قال ب 1125 



up 2 down 0
for speed 752
قبل 4 سنه و 8 شهر



ياجماعة اللي بالرياض ويقدر يفيدني بخصوص التأمين يكلمني

اشتريت سيارة وصارلها واقفة بالمعرض من يوم السبت بسبب التأمين

المعرض بيتحجج أنه التأمين غير راضي يربط مع المرور
ونزلت أامنها بنفسي اللي يقلي تحت ٢٥ مافي تأمين
واللي يقول ٢٣٠٠
وللعلم لايوجد عندي حوادث سابقة
والاسعار اللي حصلتها شيء لا يصدق !!!
قالو في تخفيض بالتأمين والخبر عن طريق مؤسسة النقد
توقف اصدار التأمين يوم الاحد
ولما فتحوا الاصدار السعر صار دبل
اللي عنده حل او يعرف شركة تأمين يبلغني وشاكر الكم


up 1 down 0
abo alnoor 05 239
قبل 4 سنه و 8 شهر



لعلمك ترا رحل لمحل التأمين قبل اسبوع و قال زادو اسعار التأمين للهونداي خصوصن لكثرة الحوادث 


up 1 down 0
الفارس المتألق 219
قبل 4 سنه و 8 شهر



شوف الرابط

http://www.alarabiya.net/ar/mob/aswaq/companies/2016/12/26/%D8%A7%D9%84%D8%B3%D8%B9%D9%88%D8%AF%D9%8A%D8%A9-%D8%AA%D9%84%D8%B2%D9%85-%D8%B4%D8%B1%D9%83%D8%A7%D8%AA-%D8%AA%D8%A3%D9%85%D9%8A%D9%86-%D8%A7%D9%84%D8%B3%D9%8A%D8%A7%D8%B1%D8%A7%D8%AA-%D8%A8%D8%AE%D8%B5%D9%85-%D8%A7%D9%84%D8%A3%D8%B3%D8%B9%D8%A7%D8%B1.html


up 1 down 0
iadnuyh 842
قبل 4 سنه و 8 شهر



قبل فترة امنت ولاء بقيمة 970 من المكاتب جنب مرور الوزيرية بجدة
الهدف من الخصم في حالة خلو السجل عشان يخف الضغط على التأمين يعني شخص الخطأ عليه والدقه بسيطة ماتسوى بدل مايعطيه التأمين ويريح راسه يدخل في دوامة تكفى ماتكفى ويمكن يدفع من جيبه الى 200 ريال عشان لا يسجل عليه ويرتفع التأمين


up 2 down 0
yahya alajlani 719
قبل 4 سنه و 8 شهر



حبيبي.  مريت سلامه. وعطاني ١٢٨٠.  ويقول ماحنا مرتبطين بنجم.  عليك حوادث ماعليك مايهمنا
الكلام هذا من ٤ اشهر.  لان فيه ولد قشع بسيارتي وباسمي.  فخفت يرفعون تامين سيارتي الثانيه
اسكاليد ورحت اامن على طول فيني فيني تجديد الاستماره
سؤال على الطاير. استمارتي تنتهي شهر ١٠ بعد رمضان يمديني هلحين اجددها


up 1 down 0
عبدالله الشفيعي 1440
قبل 4 سنه و 8 شهر



نعم ي عبدالله الشفيعي يمديك قبل انتهاء الاستماره ب6 شهور


up 2 down 0
xahmedali 178
قبل 4 سنه و 8 شهر



والله النظام واضح ...اللي عليه حوادث هو اللي ياخذ الحد الاعلى 
من التأمين 
اللي ما عليه حوادث يخصم منه على حسب سجله في السنوات ال3 
الاخيره 


up 0 down 1
لا للغلاء 828
قبل 4 سنه و 7 شهر