انتبهوا من وكالة الوعلان هيونداي عند تغيير زيت القير

7 1

لايمكنك التصويت حتى الحصول على 20 نقطة على الأقل
إضغط هنا للإخفاء

abo9aly7 507
قبل 7 سنه

السلام عليكم ورحمة الله وبركاته..

الموضوع هذا نصيحه وتجربة كادت تسبب بتخبيط القير لا سمح الله..

السيارة تم عمل جميع الصيانات في الوكاله ومن ضمنها صيانة 60 الف وهو تغيير زيت القير ، المهم بعد انتهاء فترة الضمان وممشى السيارة وصل 135 قررت اغير زيت القير فـ اتجهت الى الوكاله (الوعلان) لأنها اضمن في الشغل حتى لو المبلغ اغلى من الورش بشي بسيط ، لما وصلت عند الاستقبال عطاني الموظف ورقه اوقع عليها وهي عدم تحمل الوكاله اي مسؤولية اذا حصل خراب او مشكله في القير بسبب تغيير الزيت ، انا توكلت على الله ووقعت بحكم ان الوكاله مضمون شغلهم 

بعد ما مشيت على الزيت 27 الف تقريبا واجهت بعض النتعات الغريبه عند ترجيع النمره بعد دعس البنزين ، طبعا استبعت ان تكون المشكله من زيت القير لأني مامشيت عليه كثير وعمره الافتراضي اكثر من 70 الف..  فـ غيرت البواجي وفلتر البنزين ونظفت الثروتل ونظفت البخاخات ومازالت المشكله موجوده ، قلت يمكن زيت القير ناقص رحت عند احدى الورش وطلبت منه فحص مستوى الزيت بعد مافتح الصره من تحت طلع الزيت لونه بني غامق جدا وكأنه اسود ، طبعا اللي فحص الزيت يقول لي كم ماشي على الزيت وماغيرته؟؟  لأن الزيت منتهي بس بدون ريحة حرق ، غيرته على حسابي واخذت الزيت (الأصلي) من قطع الغيار حق الوكاله علبته زرقاء وبعد التغيير اختفت المشكله بنسبة 98% والتعشيق صار سلس.

الزبده من الوضوع انتبهوا من الوكلاء خاصه الوعلان لأنه يحط لك زيت ماتدري وش نوعه ويجلدك بسعر غالي ،

ونصيحه شيكوا على زيت القير كل 20 الف اذا انت مغيره عند الوكيل..  الا اذا انت شاري الزيت بنفسك (الأصلي) وواقف فوق الفني وهو يغيره كذا انت ارتاح ولا تغيره الا بعد 70 الف او اكثر

هذا وصلى الله على نبينا محمد وعلى اله وصحبه أجمعين

إبلاغ

الردود