تحويل السيارة من مفتاح إلى بصمة -الجزء الأول-

27 3

لايمكنك التصويت حتى الحصول على 20 نقطة على الأقل
إضغط هنا للإخفاء

ms3al 1784
قبل 7 سنه و 7 شهر

السلام عليكم ورحمة الله وبركاته

صباحكم/مساكم الله بكل خير

(تنبيه:بما ان خاصية الصور في الموقع فيها مشكلة تم كتابة نفس الموضوع في بوابة الانترنت الرقمية مدعوم بالصور بشكل افضل واوضح
رابط الموضوع http://www.adslgate.com/dsl/showthread.php?p=1080542335 )

قبل ما ابدا إذا كنت لست من محبين القراءة هذا مقطع بسيط سويته مشروح في الاجهزة وخصائص كل جهاز
https://www.youtube.com/watch?v=N3nDvivb2dw
اليوم جايب لكم طريقة تحويل السيارة من مفتاح لبصمة

الموضوع قسمته قسمين
القسم الاول

شرح مفصل عن الاجهزة المستخدمة

القسم الثاني فك الديكور وتوصيل الاسلاك

الموضوع راح يكون مدعوم بالصور والفيديو

نبدأ على بركة الله ونشرح لكم الاجهزة المستخدمه

الجهاز الاول الي معانا جهاز اسمه evo all

مميزات الجهاز هذا

1-يقلل من تجريح الاسلاك الموجودة في السيارة

2-يريحك من اكتشاف اماكن بعض الاسلاك الموجودة في السيارة

3-ياخذ نسخة احتياطية من بيانات الشريحة الموجودة داخل المفتاح

يعني الجهاز بعد توصيله في السيارة تقريبا تشبك ٤ اسلاك او ٥ اسلاك وكلها معلوم محلها
بعد ما تشبكه في السيارة

الجهاز نفسه يعطيك خصائص منها

١-الفتح

٢-القفل

٣-فتح الشنطة

٤-حالة الابواب

٥-حالة الشنطة

٦-حالة الكبوت

٧-البريك

8-تفعيل نظام الانذار
يعني بدل ما تجرح كل سلك من الاسلاك المذكورة فوق

هذا الجهاز يختصر لك المشوار هذا كله


نجي الان للجهاز الثاني
الجهاز الثاني وهو قلب الشغل جهاز للبصمة

الجهاز فيه خصائص حلوة
منها

البصمة

التشغيل عن بعد

الدخول الذكي

مميزات الجهاز

1-في حال ابعدت عن السيارة تتقفل السيارة اتوماتيك

2-في حال قربت من السيارة تفتح اتوتوماتيك

3-التشغيل عن بعد

4-في حالة لا قدر الله تم سرقة السيارة والمفتاح خارج السيارة راح تطفي السيارة بعد دقيقتين تقريبا (تمت التجربة )

5-يفعل لك خاصية إغلاق ابواب السيارة بعد الضغط على دواسة الفرامل ب ١٥ ثانية تقفل السيارة


الجهاز يحتوى على

١-البصمة

٢-ريموتين

٣-انتيتا مسافات قريبة
4-انتينا مسافات بعيدة
5-ارقام سريه تفك فيها ابواب السيارة

6-قطعة تحط فيها المفتاح وتلفها حول الدقمة حقت السيارة بحيث تكون الشريحة حقت المفتاح متصلة مع كمبيوتر السيارة

7-مفتاح مقصوص تحطه في الدقمة عشان تفك قفل الدركسون

بعد ما خلصت شرح الاجهزة وايش يحتوي كل جهاز

طيب الاجهزة عندي كيف راح اوصلها
كل جهاز البصمة يجي معاه المخطط حق الاسلاك كل الي عليك انك توصله في جهاز الEvo all
طيب ال evo all كيف اعرف طريقة توصيله
الأمر بسيط جدا
تدخل على موقع http://fortin.ca/
وتدخل بيانات سيارتك
الشركة والمديل وسنة الصنع وهو يعطيك طريقة توصيل كل سلك

طيب الان بعطيكم تكلفة كل جهاز
جهاز الEvo all قيمته تقريبا 153 ريال
رابط الجهاز في Ebay
http://www.ebay.com/itm/Fortin-EVO-ALL-Immobilizer-Bypass-Module-for-Remote-Car-Starter-iFar-EVOALL-/112072379175

جهاز البصمة قيمته 480 ريال تقريبا بس اذكر اني كاسرته في السعر واخذته ب460 ريال تقريبا
رابط الجهاز في علي اكسبريس
https://www.aliexpress.com/item/RFID-Car-alarm-super-engine-start-stop-PKE-keyless-entry-automatic-lock-unlock-security-car-alarm/1000001356730.html?spm=2114.13010608.0.0.IeeO2s
في قطعة صغيرة بسيطة الي هي ديكور البصمة وهذي اشتريتها من وكالة هيونداي وقيمتها 35 ريال

الى هنا وصلنا لنهاية الموضوع
ان شاء الله الجزء الثاني من الموضوع راح يكون حسب الظروف ومتى ما لقيت وقت
اي استفسار اي سؤال لا يردك الا كيبوردك
سبحانك اللهم وبحمدك، أشهد أن لا إله إلا أنت، أستغفرك وأتوب إليك

إبلاغ

الردود