أضف سؤال أو موضوع جديد          

الجنسس العيوب وارائكم

up 2 down 3
ابو محمد المالكي 11
قبل 2 سنه و 7 شهر



السلام عليكم
بخصوص الجينسس 2016 و 2017
سمعت ان الفتحه فيها اصوات ،
والكبوت يتحرك ؟ ما ادري وش قصدهم ان الكبوت يتحرك ،

ع العموم تنصحون فيها كسياره تخدم ٥ سنوات واكثر
ك قطع غيار وما تتقربع ع طول .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الكبوت يتحرك قصدهم انه ينتفض مع السرعات العاليه
واذا فيه هواء
واتوقع ان كل الياباني والكوري ينتفض كذا

ماعداء الجيرمن البودي فيه تماااااااسك عجيب وتثبيت صحيح


والفتحه فيها اصوات ؟؟؟!!!!!



ترى اللي تقوله ماتعتبر عيوب ممكن تحصل باي سياره


اعد صياغه موضوعك اذا لك رغبه بالشراء

الضمان
توفر القطع
اسعارها
سهوله صيانتها
هل فيها مشاكل الكترونيه او كهربائيه
الخ الخ


up 1 down 13
مدرس عاطل 25
قبل 2 سنه و 7 شهر



موشكله والله اعيد صياغة موضوعي ،
اقرأ اخر سطر ، وبتعرف



up 7 down 3
ابو محمد المالكي 11
قبل 2 سنه و 7 شهر



الي مستخدم للجنسس من فتره وجربها يعطينا انطباعه ،
بخصوص قطع غيار وصيانه وغيره تشبعت منها
بحاجة استشارة شخص مجرب ويطرح لنا العيوب .


up 0 down 0
ابو محمد المالكي 11
قبل 2 سنه و 7 شهر



وعليكم السلام عليكم و الرحمة و رحمة الله 

عندك الجنيسس ضمان ٥ سنوات او ١٠٠ الف كيلو 

كل شي ع الضمان اللهم عليك كفرات و بنزين فقط 

واذا صار لك حادث لا قدر الله بالوجهية اي خراب بعدين يصير يقولك من الحادث و يتعذرون ولا يصلحونها

بالنسبة لقطع البودي غااااالية يمعنى الكلمة 

ونااادر تحصل احد يفهم فيها بالصناعية واذا حصلت بيكون غالي 

مرة طحت بحفرة و انطعج المقص 

والمقص المينيوم مو حديد نفس السيارات الثانية ولازم تسخن و سحب لما ينوزن معاك و عشان كذا غالي المقص سويت وزن و سحب ولا زبط معاي و بالنهاية اشتريت من التشليح مقص كامل و ركبته و ريحته مخي 

والكبوت يهتز مع السرعات العالية يعني بعد ١٤٠ يهزت و هذا الشي يضايق لان انت تحس انه بينفك عليك في اي لحظة و تكون شايل هم 


up 5 down 2
تشليح هوم 26
قبل 2 سنه و 7 شهر



حياك اخوي ، علمني كم موديل موترك ،
والي فهمته منك يعني ٥ سنوات صيانه مجانيه بدون مادفع ولا ريال ،
طبعا انا الي باخذها النوع الجديد g80 2017 اتوقع هالعيوب حتكون انحلت واختفت
احد عنده اي معلومات عنها ، وكم اسعارها عند الوعلان ،

ومشكورين جدا


up 1 down 0
ابو محمد المالكي 11
قبل 2 سنه و 7 شهر



انا مستخدم لي سنه و10 شهور 2016

بالنسبه لهتزاز الكبوت طبيعي وهم صانعينه كذا للحماية. واسمه بالانجليزي
active hood system. بحيث يحمي الشخص اذا وقع حادث لا سمح الله

وبالنسبه لأصوات الفتحه موجوده في كل السيارات والسبب هو الجو عندنا سيء وكله غبار واتربه.. لكن بالنسبه لي ماعانيت من اي اصوات فقط تأخير عند تسكير الفتحه تحتاج تشحيم وتنظيف في الوكاله

في النهايه اقولك السيارة تعطيك على قد استعمالك اذا انت راعي مطبات وسرعه وحفر بتكثر المشاكل معك اما اذا انت من النوع الهادي والمحافظ اضمن لك ماراح تواجه اي مشكله.. وايضا عندك ضمان قوي جدا ومريح 5 سنين بدون تحديد الكيلومترات وصيانه مجانيه الى ممشى 100 الف وخدمة طرق مجانيه 5 سنين في حال. تعطلت عليك السياره 


واي استفسارات انا موجود


up 3 down 0
abo9aly7 502
قبل 2 سنه و 7 شهر



ممتاز
، لا انا من النوع الهادي جدا

طيب السنه وال ١٠ اشهر بنفس مستواها السياره ؟ الثبات الكفرات ؟



up 0 down 0
ابو محمد المالكي 11
قبل 2 سنه و 7 شهر



ماتغير شي نفس المستوى.. والكفرات غيرتها عند ممشى 60 الف 


up 1 down 0
abo9aly7 502
قبل 2 سنه و 7 شهر



للأسف أغلب المجربين للسيارة صغار سن ولايفرقون بين العيوب المصنعية والعيوب الطبيعية أو بمعنى أصح احترازات السلامة التي يقدمها الصانع وغيرها...وجهة نظري العيب الوحيد في السيارة هو مقاس الجنط الذي لايتناسب مع شوارعنا السيئة. 


up 4 down 0
أبو جـود 2745
قبل 2 سنه و 7 شهر



ابو صالح ، ٦٠ الف تعتبر شي كويس. ،

والله يا ابو جود اتوقع صغار سن وبرضو متعصبين
قلنا بناخذ لكزس قالو اغلى خذ جنسس ارخص وافضل واجود ،
قلنا جنسس قالو سلامات تحطه بكوري والجوده سيئه
واذ قلنا كامري قالو سلامات غاليه وماتستاهل سعرها خذلك اكسنت افضل
واذ قلنا اكسنت قالو وين صغيره وماتكفي ، خذلك سيكل اوفر لك

ههههههههههههههههههههههه
من الاخير راح استأجر سياره مكروفه الجنسس طبعا وانا بحكم ،
وموفقين خير ✋


up 3 down 0
ابو محمد المالكي 11
قبل 2 سنه و 6 شهر



ههههههه اللي بيمشي ورى آراء الناس ما راح يشتري ولو شرى بيبع كل شهر معه سيارة تزكل على الله وخذ السيارة اللي تعجبك


up 0 down 0
أبو جـود 2745
قبل 2 سنه و 6 شهر



الجينيسس حاليا منفصل عن الشركه الام هيونداي واخذت منحنى لوحدها كالانفينتي
من 2017 اغلب اليوب تلافت مالسيارات تغير اسمها
2017جي80 نفس الشمل القديم لكن روح للرويال فل كامل جبار جدااا
2017جي 90 الملكة الجديدة اغلب المواصفات فيها الا الثلاجة والمساج على حد علمي
2018 جي 80 الرياضية نفس الشكل بس اطقم مميزات رياضية
- جي 70 الرياضية الكوبية
2019 سيارة عائلية كبيرة ووووالخ


up 0 down 0
الحكيم 7777
قبل 2 سنه و 6 شهر



معي جنسيس ٢٠١٧ بلاتينيوم الدفعه الأولى اللي قبل G80:
السيارة لها معي أكثر من سنتين وماشية ٧٠ الف.
المميزات:
- صيانه وتغيير الزيوت ل ١٠٠ الف و تغيير الأقمشه الامامية والخلفيه كل ٤٠ الف 
- صيانة على الطريق ( تعطلت علي البطاريه في الخط وأرسلوا علي سطحه وصلوني لأقرب وكالة مجاناً طبعاً).
- يقولون أن فيه خدمة VIP و أولوليه في الخدمة و وللأمانة عندما زرت الصيانه في ( المدينة، تبوك، ينبع ) تصف سرى مع غيرك خاصة بالمدينه لازم موعد ويقولون ان الخدمة موجوده في جدة فقط وهذا اعتبرة نصب في المبيعات يعطونك وعود ويخلفونها.  
- المقاعد مريحة .
- السيارة راسية في الخط على سرعات العالية ولكن وزن السيارة الثقيل يؤثر عليها في المنعطفات ، تحسها ثقيله شوي)
- السيارة تعجبك في السفر والخطوط الطويله و ومتعبه في داخل المدن بسبب كبر الجنط و حفر الشوارع.
- صرفية متوسطه يعني التانكي ( ٧٧ لتر ) يوصلك حوالي ٧٠٠ كيلو.
 - السيارة فخامه من الداخل والخارج.
 - ماراح اتكلم عن المميزات لأنها موجوده في مواصفات السيارة.
* العيوب التي واجهتني:
- نقاط الرؤية بالسيارة غير واضحة ( يعني بتشوف المقاط العمياء لازم ترفع رأسك ).
- صوت وشوشه مع فتحة السقف. والعزل ماهو ذاك الزود
- السيارة قاسية مع الحفر بسبب الجنط وصغر الـ  Rim للكفر.
- صارت معي مسحية داخليه بالكفرات الخلفيه من الداخل وقالوا السبب ميزان والبعض يقول ان الكفرات تفرش مع السرعه.
وبعدها غيرت الكفرات من شركة كونتيننتال نوع sport contact 6 ومسحت عندي المفرات الخلفيه على ١٥ الف كيلو والأمامية باقيه جديده.
لكن مدري المشكله بالكفر ولا السيارة ، الوكاله يقولون سبب ان الدفع خلفي وانت تسرع ( طبعاً احياناً امشي على  ٢٠٠ لمسافات) .
- وزن السيارة ثقيل ( ٢ طن تقريباً ) وهذا يفيد في الرساوه والثبات على الخط ولكن سيء بالفرامل والمنعطفات.



up 0 down 0
فتى السعودية
قبل سنه و 2 شهر



أعذروني على بعض الأخطاء الأملائية في الموضوع !
واللي واجة المشاكل التي واجهتني وعرف لها حل لايبخل علينا 


up 0 down 0
فتى السعودية
قبل سنه و 2 شهر