أضف سؤال أو موضوع جديد          

مشكلة في قير السوناتا 2011 نتعة؟

up 0 down 0
dbdb
قبل 4 شهر و 3 أسبوع



السلام عليكم يا شباب

كيف الحال ان شاء الله اموركم تمام

المشكله :

عندي مشكله بالقير الاوتوماتيك
المشكله بالتفصيل لما يبدل من 4 الى 5 يتاخر القير شوي
وينتع الموتر ( النتعه تتحدد على حسب قوة الدعسه )
باقي التغيرات مثل الحلاوه والتغير من p الى r الى n الى d تمام التمام


معلومات السياره :

سوناتا 2011 ماشي 295,000 الف كيلو واغير الزيت على 50-70 الف كيلو تقريبا واغيره ببترومين ووضعي تمام ما اشتكيت من القير الا قريب ورحت بدلت الزيت ما راحت المشكلة


التشييك :

شيكت عند ورشتين عدزه لاني مشغول بالجامعه الفترة ذي المهم الورشة الاولى قالي بنفحص لك كمبيوتر وفحص ماطلع له اكواد لاكن قام يقلب بالكمبيوتر وصرف لي يقول عندك كلتشات القير ضعيفه والورشه الثاني عطيته وصف المشكلة وقال لي نفس الكلام ويقولون ماتصلح الا بتوضيب عاد انا ما اقتنعت بكلامهم ابدا واتوقع ان المشكلة حساسات او خلل بالاسلاك او بالكهرب واتوقع المشكلة بسيطة ان شاء الله


اتمنى من عنده خبره يفيدني او من مرة عليه المشكله
ولكم جزيل الشكر








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


زيت القير في بترومين قديم من الجيل الثالث

زيت القير في السوناتا من الجيل الرابع ونوعه SP-IV موجود في الشركه والموزعين لون العلبه ازرق

غير منه 4 علب واذا خفت النتعه بعد كم يوم غيره مره ثانيه 4 علب ثانيه

لين يتغير الزيت القيد بالجديد

زيوت القير القديمه ماتتحمل مسافات طويله وحدها 40 الف وانت تغير الى 70 الف هذا كثير عليه

من مميزات زيت القير الخاص بهونداي وكيا انه يتحمل الى 100 الف للاستخدام الشاق انا افضل 80 الف

طبعا سعر العلبه في شركة كيا 72 ريال عند الموزع نت 45 - 60 ريال


up 7 down 0
abdulaziz al-malki 916
قبل 4 شهر و 3 أسبوع



مثل ما قال الأخ عبد العزيز غير زيت اصلي وبأذن الله تنحل المشكلة


up 0 down 0
ahmad akk 411
قبل 4 شهر و 3 أسبوع



فيه حساس مدري بلف عيب شائع بقيور السوناتا

ابحث بقوقل ان شاء بتحصله

وسعره رخيص


up 0 down 0
almuhands 159
قبل 4 شهر و 3 أسبوع



الله يسعدك واذا لمبة المكينة مولعه سولها برمجه وبس صارتلي


up 0 down 0
hli 2002 13
قبل 4 شهر و 3 أسبوع



الزيت اللي مركبه انت مخالف للمواصفات حتى السوناتا القديمه ماتقبل زيت بترومين كله مخالف ويسبب نتعات

قير السوناتا القديمه sp111 من ميتسوبيشي موجود

والجديده spiv في الوكاله تحصله اغلب اللي عندهم نتعات ولا مشكله بالقير من الزيوت غير مطابقة للمواصفات بترومين همهم يربح حتى زيت المكينه عندهم مكرر وكله شحم في شحم تشوف لمعته من بعد كيلو


up 0 down 0
7amood1930 227
قبل 4 شهر و 3 أسبوع



ان شاء الله بغيرره واتمنى تروح المشكلة

انا الي مستغرب منه ان لي فترة على زيت بترومين اكثر من سنتين وما كان فيه اي مشكلة وفجأة السيارة صارت تنتع وتتأخر بالتعشيق


up 0 down 0
dbdb
قبل 4 شهر و 3 أسبوع