سوناتا 18 هل ستأتي بمحرك 2.0 و160 حصان ؟؟

نعم الخبر صحيح حسب تصريح الشركة الأم في كوريا
لكن لا تنسى ان الشكل الجديد الشاصيه تبعها اخف وزن من الشكل القديم بفارق كبير
لذلك ستتفوق موديل 2018 في الأداء 

وش السبب طيب؟ بدال مايزودون قوته يخفضونها!

                     

اتوقع على شان تصير اقتصادية اكثر بالبنزين 

اتوقع بسبب مشاكل مكينة 2400
بيصير عليها استدعاء خصوصا" اللي بنظام GDI

المكينة قديمه من جيل ٢٠٠٦ ما صار عليها تطوير
و صرفيتها اكثر من المنافسين مثل الالتيما و المازدا 6

الحل تنزل استاندر بمكينة 2000 عادية
و النص فل او فل كامل بمكينة تيربو 2.0 مثل اوبتيما GT

انا قريت انها بتنزل بمكينة 2.4 جي دي اي نفس اللي موجوده حاليا على التوسان 2017 وفئة السبورت تيربو 2.0 ،، والاستاندر العلم عند الله...، حتى القير قريت انه بينزل 8 سرعات تبترونيك. 

محرك 2.0 موجود من زمان, لكن أكثر المعلومات الموجودة في قنوات اليوتيوب تكون خاطئة, او معلومات منسوخة من مواقع اجنبية لمحركات ما تنزل عندنا في المنطقة, يعني دايما تسمع عن محرك ديزل وهايبرد ولا نشوفها في منطقتنا. بالنسبة لمحرك 2.4 هذا محرك قديم. كان على قير 4 سرعات وفي 2009 صار 5 سرعات وفي 2011 صار 6 سرعات. والان تعتبر تقنيه قديمة, و استهلاك بنزين غير منافس, و تسارع ضعيف خصوصا من وزنها الحالي. لكن محرك 2.0 مستحيل يكون المحرك الاساسي. هذا يمكن ينزل تيربو 241 حصان او اختياري ومناسب للسيارة الاجرة. لكن الاساسي بيكون 2400 واحتمال جي دي اي. وعلى فكرة المكينة الصغيرة على وزن سيارة عالي راح يكون استهلاكها للبنزين مرتفع خصوصا داخل المدينة عند الوقوف والتحرك المستمر, وصوتها عالي في الخطوط على السرعات العالية.

ياحبيبي خذ العلم التدشينات اللي تكون هناك تكون بالمحركات والمواصفات الخاصة فيهم قد انها تكون نفس المواصفات اللي عندنا لكن من حق الوكيل عندنا يطلب اللي يبي اذا كان متوفر


يعني الكادينزا اقرب مثال تراها من 2010 وهي عندهم ومكينتها 3.3 gdi 290 حصان يعني نفس محرك الازيرا اللي نزل على 2017 في الفل


بينما الازيرا عندنا كانت تجي فل ونص واستاندر ب 3.0 250 حصان وgdi موجود من زمان من اول ما نزل الشكل الجديد


فما نقدر نجزم ان هذا المحرك فقط هو اللي بيتوفر عندنا ، قد يكون الكلام صحيح لكن انتظر الى ان توصل اسواقنا ونعرف كل شي

١٩٨٥ اصلا مكينة ال gdi مانزلت للحين على السوناتا ٢.٤

اللي نزلت gdi هي مكينة التيربو ٢.٠

المكينه الحاليه نفسها من ٢٠٠٩ بس التغيير تم على الكومبريسور صار كهربائي

اما مكينه ٢٠٠٥ الى ٢٠٠٨ كانت اقل احصنه من ٢٠٠٩ وقير ٤ نمر لل ٤ سلندر

اللي عرفته ان المكينه الجديده بتنزل تقريبا قريب ٢٠٠ حصان للمكينه العاديه مو التيربو وبتكون gdi بس للحين مافي شي رسمي

مثل سالفه الازيرا ٢٠١٨ خصصو محرك للشرق الاوسط ٣.٥ و ٢٩٠ حصان وبرا بتكون ٣.٠ وطلع الكلام رسمي