الاستخدام الدائم للسياره استفسار ضروري

يعني تبي نقولك وقفها واركب تكسي !!!


امورك طيبة .. بلا وسوسة 

السياره مصنوعة للمشي واستخدامك أراه طيب جدا 

اي نعم صحيح انا محافظ جدا لحد الوسوسه
بس قصدي الموترمايطفي قليل اغلب وقته شغال
وخايف ياثر عع مكينته !!

ابدا لاتشيل ولا غم طريقتك محافظه طيبه يعني بتمشيك سنين باذن الله

اذا انت خايف شيك على الزيت بنفسك كل يوم قبل م تحرك

83 الف قليل اعرف واحد حق خطوط دايما كل يومين وهو مسافر ويسافر الامارات واغلب دول الخليج بسوناتا 2016 ماشية الآن 200 الف أو أكثر والله مادري بالتحديد بس قال لي 200 الف لها سنتين

سيارتي موديل 2008 و أمشي باليوم حوالي 350 كيلو

و الضغط ما ينزل عن 4 بكل قومة و كل شوي أدعس لها

و ماشيه حوالي 375 الف ولا خفت مثلك

لو معي 2016 كان ريحت حتى سيارات جيراني

أي أحد عنده مشوار أقوله ريح سيارتك موتري جديد

روح خلص أمورك عليه

يخوي انا معي سوناتا 2016 لها معي سنة وكم شهر الحين ماشي 103 الاف وبسم الله عالموتر بس تشييك عالزيوت وتغييرها
اول بأول ولا خبط ولا شي. وبالعكس كرفتها كرف مو طبيعي وسفريات ولا يوقف لموتر .

ي رجال ما عليك وانت يعتبر استخدامك محافظ المحافظ بعد ما شاء عليك .

مايضر السيارة بشي  لأن استخدامك  صح   حتى لو انها ماتطفي. 
اذكر كان عندي يوكن  امشي باليوم بسبب العمل 500 كيلو  اشغل قبل الفجر ولايطفي الى الساعه 8 واشغل 1 ولايطفي الى بعد العصر واحيان  يدق على اخوي يقول عندي شغل اذا جيت لاتطفي  والله اني انزل واخوي يركب  واشغال الاهل  والله اخيان اشغل قبل الفجر القاه حامي 
وعلى هالموال تقريبا 5 سنوات  ولاخبط الى على 800 الف 
كثر الممشى مايضر السياره  بشرط الاستخدام الصحيح والمحافضه على الزيت  والسوائل والصيانه الدوريه

لا تخاف ولا توسوس اهم شي حافظ على تغير الزيوت اول بـ اول ودرجة الحراره لا ترتفع امورك طيبه

السلام عليكم
فيه واحد معه سوناتا 2014 ماشيه 450 الف ماشاء الله لاقوه الا بالله
صيانه وفلاتر وتشييك عضلاتها والزيت مع الفلتر كل 5000 وزي الحلاوه

اذكر واحد معه كامري 2015 على وقتها
كان ماله مطلعها الا 7 شهور
وماشيه 156 الف كيلو
قسمت 156 الف على 7 شهور
طلع يمشي يوميا فوق 700 كيلو !

والسياره الخطوط ما تضرها نهائيا
بالعكس اريح لها 
اخوي راعي خطوط عشان دوامه
امس مغير زيته على 6500 كيلو
زيوت هذي العادي ماهي تخليقيه
واعاير الزيت من ابدع ما يكون
تقول ما مشى عليه الا 3000 كيلو

اهم شي 
لا تشد عليها يعني لا تدعس لها 
بسبب الطرمبه حقت الزيت ضعيفه 
وهذا سبب تخبيط مكاين الهونداي 

وفالك المليون 

اهتم بالصيانة اول بأول وبتوصل المليون ان شاء الله. 

يا رجال سيارة شاريها بفلوسك حللها المفروض تجلدها جلد واذا خبط المكينة من التشليح شيل وحدة وركب غيرها 

اهم شي الزيت لاتحط ثقيل وغير زيت القير المخصص له لاتحط اي نوع والمويه اصليه نصيحه لاتحط عاديه

ترا جالون ب ٣٥ خذ حق ميتسوبيشي كويس خلك محافظ بكل شي اصلي وفلتر الهوا لاتخليه فتره بدون تنظيف او تغيير وامورك ف السليم

اهم شي الزيت لاتحط ثقيل 20/50 ذا

صراحه الكوري بعد المية  الف يخوف ماينضمن  زي الياباني والامريكي  

هذا التكاسي ماتطفي 24 ساعه شغاله من واحد لواحد ومافيها الا العافيه

ذكرتني بواحد من الشباب مثلك وانصدمت منه
كنا متفقين ثاني يوم نسافر ديره تبعد ٢٠٠ كم 
وقابلته قبلها بيوم على اساس ثاني يوم نمشي
وباقي ما اتفقنا بسيارة منو نروح وانا سيارتي وقتها موديلها قديم
وهو موديل سنتها قلت نروح بسيارتك 
رفض طبعا عشان هو بنفس اليوم هذا جاي من سفر ١٥٠ كم قال بريح السياره سلامات يابوي