أضف سؤال أو موضوع جديد          

ثقل فرامل سوناتا 2016

up 1 down 1
ابو ساره5 7
قبل 4 شهر



السلام عليكم

اسعد الله صباحكم بكل خير

اخواني الأعزاء .. انا عندي سوناتا 2016

وغيرت زيت في بترومين والمهندسين الله يسامحهم

زادو زيت الفرامل بعدها صارت الفرامل ثقيله وما تمسك

في الوقت المناسب وش اقتراحاتكم لي يا أعضاء المنتدي

بلغكم الله شهر رمضان لا فاقدين ولا مفقودين وأعانكم على صيامه وقيامه.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ترجع للفلبيني حق بترومين
وتخليه يلحس الزيت لحس
الي حطه اول شئ سياره
2016 ويزود الزيت
وغير كذا الزيت اذا نقص عادي
لو تغير فحمات يرجع لمستواه الطبيعي
يعني النقص بسبب الفحمات يمكن راح
ربع او نص من عمرها شئ طبيعي
ينقص الزيت


up 6 down 1
d7ooom777 871
قبل 4 شهر



من متى صارو مهندسين هم عباره عن عمال موجودين لاخذ مافي جيوب المواطنين بطريقه فلبينيه احترافيه ؟ كل العالم يقولون نصابين


up 4 down 0
7amood1930 227
قبل 4 شهر



قبل يومين مغير عندهم زيت لليارس 2016 رحت للبيت جيت بمشي اليوم الثاني الصبح لقيت بقعة زيت تحت الموتر
شيكت تحت السيارة حصلت الصره ماربطها زين الفاهم طبعا رجعت له وشد عليها وتوبة ماعاد اغير عندهم
طبعا هذي اول مره مانزل بالحفره معه ولا بالعاده انزل اعلمه كيف يشتغل هههههههه


up 2 down 0
0562318080 147
قبل 4 شهر



اسحب الزياده اللي زودوها لك الزياده فقط
وللمعلوميه بترومين نصابين بكل ماتعنيه الكلمه
الواحد يأخذ حذره منهم


up 3 down 0
ابوليان1431 132
قبل 4 شهر



يالغالي انا اقول لعلها خيره

لعلمك زيت الفرامل يغير كل سنتين من تاريخ صناعه الموتر وليس تاريخ الاستخدام وهذا مكتوب بكتلوج موترك على فكره (( عندي اختها الاكبر الازيرا وموجود هالشي ))

الافضل تجرررب زيت فرامل مرسيدس وخذه من وكيلها الجفالي طبعا سعره 60 ريال لكنه لتر كااامل مب زي باقي علب زيوت الفرامل اللي بالكاد توصل نص لتر واحياننا 350 مل بحجم علبه البيبسي

طبعا لازم تسوي سحب له من الكفرات الاربعه وتكتشف انه يطلع اسوووود وفيه قطع حتى لو الموتر 2016 بينما بالعاده لون الزيت اصفر فاتح .. شوف ذي طريقة التفريغ بالرابط ذا :

https://youtu.be/gJK8I-czzWQ


up 1 down 1
ابو هيثم 7 1838
قبل 4 شهر



انا شريت جهاز فحص نسبة زيت الفرامل
سيارتي كملت ثلاث سنوات وأنواع الكرف قربت من ال 200 الف
بعد الفحص طلعت نسبة زيت الفرامل ممتازه حسب جهاز اختبار الزيت
وتركته ماغيرته
وعشان اتاكد
جربته على فورد 2003 أعطاني معدل سلبي جدا ويحتاج تغيير وصاحبه شاري الفورد مستعمل
حبيت اختبر الجهاز
الجهاز رخيص وممتاز جدا مثل جهاز اختبار حرارة الإنسان إلى يحط تحت اللسان


جيب عصا رشاش منظف الزجاج وحطه داخل العلبه ورش برا راح ينقص


up 0 down 0
saleh3177 36
قبل 4 شهر



روح الوكالة واشتري علبتين زيت
واقرب محل فرامل وخله يغير الزيت مع التنسيم


up 1 down 0
متسوق جدة 131
قبل 4 شهر



يا جماعة الخير بترومين تحتاج مننا 
الى وقفة بشكواها للوزاره وتحذير المستهلكين منها 
سوء ادارة ...ونصب واحتيال .....وشغل اي كلام 
والله تمادوا في الخطأ....وكله من سكوتنا عنهم 


up 1 down 0
لا للغلاء 432
قبل 4 شهر



انا عندي سوناتا 15 وزيت الفرامل نقص ف البداية لكن قال احد الاخوان غير الاقمشه ويرجع الزيت لمستواه الطبيعي وفعلا غيرت الاقمشه ورجع لمستواه الطبيعي مفروض م يزوده لك
الله يعينك.


up 0 down 1
جنوط حديد 138
قبل 4 شهر