افضل مكان لتغير زيت القير الوكاله او البناشر ..؟
0
0
إضغط هنا للإخفاء
السلام عليكم ورحمة الله وبركاته
ابغا رائكم ياشباب
الحمدلله موتري واصل 81 الف كيلو ماشاء الله
وابغا اغير زيت القير لاول مرة
سالت عن نوع زيت القير ( العلبه الزرقاء المخصصه لهيونداي ) لقيته بـ 45 العلبه الوحده يعني 4 علب = 180 ريال
وشغل يد العامل ماتتعدى 80 ريال واذا مرة 100يعني التكلفة بشكل متوسط تطلع علي ب260 ريال
طبعا الفلتر مايتغير نهائيا في السوناتا وسلامتكم
هذا بالبناشر والضامن الله
في الوكاله نفس نوع الزيت بالتغيير وكل شي يطلع بـ 700 ريال فقط الزيت القير وتكفلة اليد
على كلام الموظف الضمان يشملك مع العلم ان سيارتي الوعلان وانا اتكلم الحين عن الناغي بس قلي عشان الضمان افضل لك
لان الضمان يا100 الف كيلو او 5 سنوات
مع العلم ان في ناس كثير يقولون الوكاله يوقعونك على اخلاء مسئولية وانتبه منها وسالت الموظف قلي مو صحيح هالشي
وش رايكم يالربع واسف اذا طولت عليكم
إبلاغ
الردود
اما تروح سباكين الصناعيه يلعب بسيارتك لعب
0
0
ورحت للبنشري اللي جنب بيتنا
فك السرة و نزل الزيت القديم في علبه عشان يعرف كم لتر
وعبا الزيت الجديد بنفس الكمية وقفل السرة واعطيته 30 ريال
روح لاقرب بنشري بس اهم شي الزيت يكون من الوكالة
وخليك معاه عشان لا يجلس يخربط ويتفلسف
2
0
0
0
0
0
وكامري اخوي
عند ميكانيكي بديرتنا شاطر ولله الحمد
اهم شي يكون متمرس بالشغله هذي
شوف لك مركز ورشه مثل ماقالو الاخوان عندهم موتر جديده وخاصه هونداي بما ان موترك هونداي
وموفق
0
0
مادام السياره باقي على الضمان فالافضل انك تغير في الوكاله لأن لاسمح الله لوصار شي في القير يتحملونها. الاحتياط واجب
وبعد ماينتهي التأمين وحبيت تغير الزيت على قولتك 4 علب اصلي واي بنشر شغله نظيف
والسلام
2
2
ورأيي تروح لميكانيكي مختص بالقيور وغير الزيت عنده
حل وسط لا بنشر ولا وكالة
اذا كنت في شرق الرياض مر صناعية الخليج واسأل عن صابر
مهندس مختص بالقيور اسمه صابر قد وضبت قيور عنده وغيرت زيوت شغله شغل وكالات
0
0
شف افضل ورشة وعليها زحمة وغير عندهم
اذا محافظ على وقت تغيير زيت القير ان شاء الله مايصير فيها شيء
زيت القير فائدته يقلل الاحتكاك بين تروس القير
لكن بعضهم مايغيره الا بعد ممشى كبير يصير ماله اي فائدة لو غيره لان الزيت راح يقفد لزوجته و ما يقلل الاحتكاك فتخرب عليه تروس القير
كل مازاد الاحتكاك ارتفعت الحرارة
قبل 6 سنه و 11 شهر