أضف سؤال أو موضوع جديد          

تغير زيت الجير خارج الوكالة

up 2 down 0
sweetsaad 168
قبل 5 شهر و 2 أسبوع



السلام عليكم ورحمة الله وبركاته وبعد
رمضان كريم اخواني تقبل الله صيامكم وقيامكم يارب

عندي استفسار بسيط اتمنى الافاده

معي سوناتا 2016 مكينة 2.4

ماشية 59 الف وكسور و ابغى اغير زيت الجير

رحت الناغي فرع يقول 70 تتغير و فرع يقول 60

ما ادري ايهم الصحيح و الشي الثاني لو غيرت الزيت خارج

الوكاله عند بترومين او عند بنشر هل الضمان يشملها او لا

قرات في موقعه وزارة التجارة انه يحق لي اسوي الصيانه

خارج الوكاله و ييقى الضمان ساري المفعول

وبصراحه الوكاله يقول التغير 750 ريال وهذا مبلغ كبير جدا

وخارج الوكاله المبلغ عند البناشر 240 و عند بترومين 350

والله احترت وماني عارف الله يسعدكم شوركم وخير الله

تساعدوني بالمفيد وشكرا لكل شخص يعطيني من وقته

قي حفظ الرحمن..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الافضل الوكالة هذا حسب رأيي واذا ما قدرت اشتر الزيت من الوكالة اصلي وغيره برا لكن بترومين ما انصحك بها الا اذا شفت الزيت نفس زيت الوكاله


up 5 down 0
ابوخلوودي1 5004
قبل 5 شهر و 2 أسبوع



اول تغيير لزيت القير بالوكالة اضمن
و انتبه بعد التغيير اي ملاحظة ارجع للوكالة

التغييرات اللي بعدها لو خارج الوكالة


up 3 down 0
1405-1985 1105
قبل 5 شهر و 2 أسبوع



بترومين نصيحة لا تغير عندهم 

اذا تبي خارج الوكالة روح ل فاست لوب اعتقد عندهم منتجات هيواندي من زيوت وخلافة وسعرهم أرخص ومعتمد لدى وزارة التجارة 


up 1 down 0
088mansour 764
قبل 5 شهر و 2 أسبوع



وعليكم السلام ورحمة الله وبركاته

الله يبارك لك في موترك ويعطيك خيره ويكفيك شره
أنا معي نفس موترك ومغيره بنفسي تقريباً التكلفة 190 ريال مع كل شي
خذ 4 علب زيت قير sp-iv الأصلية لون العبة أزرق من محلات الجملة ب 40 ريال عليها ختم هونداي
ورح عند أي بنشري وخله يغيرها لك .. طبعاً هي تاخذ 4 علب إلا ممكن ثلاث ونص .
شغل اليد مايتجاوز 30 ريال لإنه يفك الصره تحت ويعبي من فوق وبس
زيت القير يتغير على 100 ألف لكن مافي مانع إنك تغيره على 70 من باب المحافظة

وبالتوفيق للجميع .


up 4 down 0
mraction 130
قبل 5 شهر و 2 أسبوع



لا تغير عند بترومين ابدا خذ الزيت من عند الوكالة بترومين زيوتهم غير مناسبة


up 0 down 0
ahmad akk 424
قبل 5 شهر و 2 أسبوع



بصراحه
اشوف اكثر المتخوفين من تغير زيت القير اصحاب السيارات الكوريه
خايف اغيره خايف اطلع من الضمان .
لا انتبه غيره بالوكاله اي مشكله تقدر ترجع لهم

بصراحه الكلام هذا ماتشوف واحد معه كامري او افلون او سياره تويوتا
يطلعها وكاله ويكرفها كرف وتغير الزيت بعضهم هو شخصيا يغيره بحوش البيت
.....
لاتزعلون علي لاكن هذا اللي لاحظت
بالتوفبق للجميع


up 1 down 13
امير الاصيل 1628
قبل 5 شهر و 2 أسبوع



لو بحثت شوي عن تغيير الزيت بتحصله ممكن اسهل من تغيير زيت المكينة

ومتى تغيره هاذي تحصلها بالكاتلوج


up 0 down 0
abo3edh 198
قبل 5 شهر و 2 أسبوع



ادري بيجيني دس لايك
وادري ماحد راد ومجاوب علي
وادري ان الرد فقط دس لايك فقط لاغير
لان دايم الحقيقه مره
ومزعجه ....


up 0 down 6
امير الاصيل 1628
قبل 5 شهر و 2 أسبوع



انا غيرته على كادينزا عند البيت ومافي اسهل من التغير والتكلفه كانت 240 ريال قيمة الزيت وبراد شاي وكيس مناديل


up 2 down 0
abdulaziz al-malki 918
قبل 5 شهر و 2 أسبوع



السلام عليكم ياخوي انا مثلك بغير خارج الوكاله لانهم غاليين وسيارتي ماشيه 81000 واشتريت الزيت من محلات القطع اللي علبته زوقاء وراح اغير خارج الوكاله 


up 0 down 0
الخور قريبه 267
قبل 5 شهر و 2 أسبوع



غير في فروع هونداي.   او اشتر الزيت المخصص وغير في ورشة مختصه وليس بنشر
وغير من ٧٥٠٠٠ وفوق.     


up 0 down 0
عبدالله الشفيعي 1014
قبل 5 شهر و 2 أسبوع



يا أمير تمدح بالتويوتا و تشكي من صرفية الهايلكس الجديد و هو اربع سلندر
من ردى مكينة 2700 و الا المفروض تنزل تويوتا مكينة 2500
اللي على الكامري و الراف فور
لو معك نافارا او ديماكس كان اوفر لك
اما بالصيانة الخوف من سباكين الصناعية
و تغيير زيت القير ثقافة جديدة علينا مثل الاهتمام بمواصفات السلامة و صرفية البنزين
و الا من اول الدنيا سهالات الاكثرية غافله


up 2 down 0
1405-1985 1105
قبل 5 شهر و 2 أسبوع



اخوي امير الاصيل عطوك ديسلايك لان كلامك خاطي 100 % مع احترامي الشديد لك .. ترى الحق حق وانا اخوك مب مسأله تعصب او غيره

انا عن نفسي كل مارحت لورشه بغير زيت القير قالو مانغيره لانهم خايفين يغيرونه ويضرب القير زي التويوتا .. لعلمك قيور الهونداي تغييرها اسهل من زيت المكينه مجرد صرة وتفك بدون فلتر ولا وجيه كارتير ولافيها خطوره تذكر

هذي حقيقه لايمكن انكارها الا من شخص جاحد (( اغلب تخوف راعين الورش من قيور التويوتا )) خصوصا السيدان 6 سلندر اوريون افالون لكزس اللي اذا تعدت 80 الف بكيلو وانت ماغيرت الزيت يخبط حتى لو غيرته بعدين

لعلمك ترى تويوتا هي الشركه الوحيده اللي توقعك على ورقه لو تجاوزت 80 الف بكيلو ومحتواها عدم تحمل الوكاله مسؤوليه التخبيط او اي مشاكل مستقبلا بالقير ؟؟؟ والضمان الى 100 الف طلع اكذوبه يعني

باقي لك 20 الف على نهايه الضمان ف بأي حق يوقعونك على ورقه !!! حتى لو كنت مهمل بنظرهم وماغيرت على 60 الف ووصلتها للثمانين بالنهايه انت غيرته عندهم ماصفطت الموتر لين 200 الف لدرجه ان الزيت انحرق وماعاد فيه لزوجه .. اسألك بالله هذا اسلوب شركه تحترم نفسها بغض النظر سواء كان ابو لطفي او غيره




up 2 down 0
ابو هيثم 7 1845
قبل 5 شهر و 2 أسبوع



بالنسبه لصاحب الموضوع زيت هونداي طويل الاجل ومكتوب بالكتلوج انه يغير كل 100 الف على الاستخدام الشاق

طبعا عندنا بالسعوديه كله استخدام شاق حتى لو كنت تمسك الخط وتمشي 120 ترى الحفر والخطوط المكسره والمطبات والجو له دور بعد

بتقولي طيب الوكالات تقول 60 الف ؟؟ يارجل الوكالات همهم زرف جيبك وودهم تغيره كل 20 الف بعد

المهم زي ماذكرت لك مجرد فك صره تحت وصره فوق و الزيت 4 علب بالتمام والكمال وعلبته زرقاء واسمه ATF SP_IV لكن انتبه تلخبط بينه وبين العلبه الثانيه ATF SP_III

العلب تلقاها عند منيف النهدي الاربع ب 180 وتغييره عند بناشر ون ستوب ب 50 ريال


up 1 down 0
ابو هيثم 7 1845
قبل 5 شهر و 2 أسبوع



مافي اسهل من تغيير زيت القير معي ازيرا 2008 ماغيرتة الا بعد 180 الف بعد ما صار اسود غيرتة في مركز صيانة الفورد 180 ريال والزيت من عندهم وعطوني ضمان بعد لاتخاف اهم شي لاتغيرة عند البناشر ودربك خضر


up 1 down 0
badr_441 1
قبل 5 شهر و 2 أسبوع