أضف سؤال أو موضوع جديد          

موقف و سؤال عن الالنترا المعروضه بكثرة

up 10 down 1
للآجره 274
قبل 3 شهر و أسبوع



السلام عليكم
نزلت المعارض ادور على النترا لقيت باكستاني معه النترا
وماسكه رجال من الجنسيه الافريقيه عند محل فحص السيارات بالكمبيوتر
الرجال ذا شغال في نفس المحل كلمت الباكستاني للبيع قال ايه للبيع مسيومه من الرجال 29
وانا طالب 30 شوي جاء الافريقي ذا يمدح الموتر ويسوي نفسه يتصل على واحد يعلمه بالسياره
عداد السياره 60 الف وفحصتها بالنظر مرشوشه كلها والباكستاني يقول بس الكبوت مغير والباقي وكاله
وشوي تجمعوا علي يمنه من نفس المحل يمدحون السياره عرفت ان السالفه اتفاق بينهم وصرفت نظر
ويوم جيت بمشي جاني اليماني يقول كم تدفع اخليه ينقص لك قلت له انت راعي الموتر قال لا
قلت طيب وش حشرك فالبيعه فهذي اتوقع حركه جديده منهم وطريقة نصب

السؤال ملاحظ كثرت عروض النترا 2016
الدفعه الاولى مستخدمه وكلها ممشاها متقارب 60 و 70
ملمعات وفيها رش معروضه هنا فالموقع وفالمعارض
منظرها كأنها وكاله احد يعرف وش قصتها
انا شاك ان عداداتها مرجعه والموضوع نصب
رافعين اسعارها على انها مخزنه وهي مكدوده
مدري هي تبع شركات ولا مكاتب اجار
اللي عنده علم يفيدنا ودي اشتري منها ومتردد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بالمعارض والحراجات خاصه توقع اسواء شي
اذا السياره ماهي من معرفه
ولا رجال يخاف الله
ولا توقع النصب


up 5 down 0
امير الاصيل 1583
قبل 3 شهر و أسبوع



ههههههههههه هذا. مسلسل. من 999 حلقة. بالمعارض. ومرة كان دلال. بيضحك علي يقول جيب عربونك. عشان نمسك لك السيارة. وياكثر. الي يسومون. ويترجون. الي راكب فيها. يبيع. ورحت وجيت بعد ساعة. الا نفسهم على سيارة ثانية.


up 3 down 0
ابومزعل 164
قبل 3 شهر و أسبوع



اذا بتشتري لاتعطية عربون قل بيني وبينك الفحص. وانتبة. من بعض محلات الفحص. بعضهم متفق مع الشريطية. يقولك السيارة مافيها شي.


up 0 down 0
ابومزعل 164
قبل 3 شهر و أسبوع



والله يا امير الاصيل من كثرت النصب فالمعارض انزلها وانا مسيء الضن استغفر الله
لان اللي بيروح محسن الضن لعبوا عليه وضيعوا دراهمه


up 4 down 0
للآجره 274
قبل 3 شهر و أسبوع



ابو مزعل
هههههههههههههههههههه اي والله شوفت عيني قد مر علي موقفك لكن موقفي ذا جديد علي
ان رعيان الفحص نفسهم يبيعون موتر ويمدحونه أجل اذا انت راعي فحص وتمدح موتر مرشوش ملعوب فيه
نثق ونفحص عند من


up 3 down 0
للآجره 274
قبل 3 شهر و أسبوع



قبل شهر اشوف مقطع باليوتيوب
يصور في حراج السيارات
سيارات كورلا ويارس ممشاهن حدود 60 الف وبعضهن اقل
المهم يصور ويقول شوفوا النصب
السياره بين انها مهلوكه من جميع النواحي
الطاره ممسحه ومقطعه من الكرف
واشياء كثيره ذكرها تبين ان السيارات ملعوب فيها
عاد يقول فالغالب انها سيارات شركه ومصفيه
وماخذينها اللي ما يخافون الله ولاعبين فالممشى والسياره عموما


up 5 down 2
ابوناصر 454 641
قبل 3 شهر و أسبوع



معارض النسيم والشفاء
اغلبهم يارسات واكسناتت
حقات الايجار وواضح العداد منقص
تخيل يارس ماشيه 30 الف 2015 ودركسونه
مشهب ومتقطع ورايحه اللون الدخليه


up 3 down 0
بايع الدنيا 66 1024
قبل 3 شهر و أسبوع



ابو ناضر 454 و بايع الدنيا 66
بحثت ولقيته شكلها والله نفس السالفه الله لا يبارك في ارزاقهم
هذا المقطع للي بيستفيد

https://www.youtube.com/watch?v=5s4RVObHmns


up 1 down 0
للآجره 274
قبل 3 شهر و أسبوع




اللي ناوي يشتري سياره مستعمله لايستعجل يدور على مهله واذا لم يكن لديه خبره كافيه
ياخذ معه شخص فاهم ويفحص في مكان موثوق فيه.


up 2 down 0
ابوليان1431 132
قبل 3 شهر و أسبوع



مرة حصلت لي كورلا مع شايب يحلف انها من سيارتة وكالة المهم اتصلت على جاري في عمليات المرور وعطيتة اللوحة وعطاني التفاصيل ان السيارة سيارة تاجير والشايب يسمع والمشكلة ان الشايب والله عمرة قريب 70 سنة خلاصة الموضوع لاتثق في احد مهما كان شكلة شايب مطوع ترى اغلب الشريطية لايخافون الله


up 3 down 1
الجوابر1 266
قبل 3 شهر و أسبوع



هذي ليموزينات لاعبين فيها......سمكره ....وتغيير في العداد
وحنا يا غافل لك الله نصدق ......ننتبه منهم لانهم اشبه بالعصابات
اتقوا الله يا عالم في هذا الشهر ...تبيع ذمتك عشان زيادة 10000
او اقل


up 3 down 0
لا للغلاء 432
قبل 3 شهر و أسبوع



انصب معارض الرياض لاتشتري الا جديد كاش او اقساط

او اذا معك مبلغ اطلع للكويت واشتري هناك عندهم نظام ويخافون ومافية شريطية مثل هنا حرامية وسيارتهم استخدامها نظيف ماعندهم مشاوير

وافظل شي تشوف سيارة استخدام حرمة تحصلها جدا نظيف الموتر واسعارهم ارخص بكثير من عندنا
خذ لك فرة على المواقع الكويتية

https://www.q8car.com/index.php/public/kuwait/ar/home

https://www.q8car.com/index.php/public/kuwait/ar/categories/listings/120/%D9%87%D9%8A%D9%88%D9%86%D8%AF%D8%A7%D9%8A


http://www.kuwaitsale.com/KS_a_mpg.aspx





up 1 down 0
نهاجر 2
قبل 3 شهر و أسبوع



https://www.youtube.com/watch?v=5s4RVObHmns

شوف المقطع طريقة نصب جديدة بالحراج سيارات الايجار والشركات


up 1 down 0
نهاجر 2
قبل 3 شهر و أسبوع