النترا2017 سؤال

و عليكم السلام ورحمة الله و بركاته

نصيحتي لك اذا تبيها خطوط ما تسوى عليك صوت الكفرات و الازفلت طول الخط عندك حتى لو تمشي 120

و سيارات هونداي خاصه الالنترا و السوناتا تخبط على مشي 150 ألف ما اعتقد توصل 500 حتى لو تحافظ

اشوف تاخذ سيارة افضل حتى لو مستخدمه قليل 2015 افضل من 2017 النترا

تحصل امبالا او ازيرا او حتى لو اقلها سوناتا 2016 جديده ستاندر بقيمة النترا 2017 اعتقد او قريب منها

ولكن افضل بالخط و العزل و كل شيء

غير كذا المكينه الصغيره بالخط تصرف اكثر من المكاين الكبيرة

وعليكم السلام ، الالنترا سيارة كرف ماعليها وانتشارها بحد ذاته
يخليك تاخذها وانت مقتنع عكس السيارات قليلة الانتشار بكذا ماراح تتعبك
في قطع الغيار والصيانة واي ملاحظات تظهر عليها تلقى كم شخص مرت عليه ولقى لها حل
اما تمشي 500 الف او لا هذي انت واهتمامك غير الزيت كل 5000 كيلو بالكثير ولا تشد باستمرا على المكينة
(يعني توصل دورات المكينة فوق 4) وانتبه للحرارة وباذن الله تعيش معك

بحكم استخدامي للمواتر الكوريه

اذا انت راعي خطوط ابتعد عن السيارات الكوريه 

ياالتركي معلومتك غلط مستحيل تخبط على 150 الا استخدام غلط
او عيوب مصنعيه

عندي اكسنت اذا حاب تجربها حياك ماشيه 130 الف 

والمكينه صوتها ناعم والقير تغيراته ناعمه 

على العموم شوف لك كورولا اصرف منها 
يكفيك المكيف بارد وسياره تكرف اكثر من النترا 

والله عندي سوناتا 15 ماشيه 145 ماوجهت فيها اي مشاكل ماعدا المكيف اذا م يهمك التكيف ف السياره طيبه

شوف وانا اخوك اللي يقلك تخبط على ممشى 150الف هذا الكلام غير صحيح .

سواء اخذت النترا او غيرها وتحافظ عليها صح رح تعيش معك غير الزيوت باستمرار ومن دون ما تتأخر بأذن الله ما تشوف إلا الخير

سوناتا و النترا تعدت حاجز الـ 500 الف باقي شغاله طبيعي موجوده في مزاد سيارات الاجره في الشرقية
ولو وزارة النقل ما فرضة عليهم موديل السنة كان ما زالت تشتغل طبيعي
نفس الشركة رجعت وخذت موديل السنة
النترا 2017
سيراتو 2017

النترا معروفه تكرف
بس اذ تستعمله خطوط
نصيحه ابتعد عنه

الالنترا ممتازة وتقطع ٥٠٠ الف ليش ما تقطع
حافظ عليها غير زيتها تأكد من مويتها
وتعيش معاك
قيد شفت موضوع لموزين حق شركة ماشي 550 الف موديله ٢٠٠٧

معاي 2015
موتر بطل
واستخدامي خطوط بشكل اسبوعي بس ماهي طويلة
ينبع المدينة واحيانا تبوك
عزلها مشي حالك جنوط 17 ودعسة واطية العزل بيكون سيء
الرساوة قيد قصيت لفة شوي جامدة على سرعة ١٤٠ وحاس اني متمكن من السيارة
الي لاحظته انه كثير من ملاك الالنترا والسوناتا يشتكوا من المكيف
هذي سيارتي لها معاي سنتين و٣ شهور ماشيه ٨٠ الف
المكيف ما شاء الله تبارك الله بارد
اليوم اني واقف في زحمة ودرجة حرارة الجو برا 43 اني وطيت البرودة وخففت سرعة المروحة
الشي المصدوم منه عضلاتها
قبل تقريبا ٤ شهور غيرت الاقمشة بنوع تجاري مشي حالك
وبعد ٣ او اربع ايام من تركيب الاقمشة اكلت مطب سفري
المطب قوي والله
وبعدها طلع لي صوت
امس رحت اكثر من ميكانيكي كلهم يقولوا العضلات سليمة
اخر شي طلع المسمار الي يمسك الكليبر ماهو مربوط مضبوط وهذا الصوت
صوت الكليبر لما يضرب في الحديد

باختصار الالنترا خذ ولد

عليك السلام والله مع المحافظة اكيد تقطع 500 بدون مشاكل والله انا ارشح لك الفورد مكينتها تتحمل الخطوط الطويله لان ماعليها ضغط او اي سياره كبيره ماهو زلازم فورد وعلى عيني وارسي اللي معاهم سيارات صغيرة وجهت نظري فقط فقط  

جربت الالنترا 4 سنوات
سفر ومدينة وتحميل بضايع ثقيله
.
.
سلام على الالنترا وسلام على اللي صنعها
بعتها ماشية 250 الف موديلها 13

شوف يابعدي الكوري 6 سلندر مافيه مشاكل .. يارجل مستعد اجيب لك طبلون كادينزا ماشي 400 الف ماشاء الله تبارك الله شد بلد قير ومكينه والله يخليه لراعيه

اما مكاين الكوري 4 سلندر تحتاج محافظه نوعا ما واكتشفت ان عدوها الاول هو زيت كاسترول 10w30 .. اللي يبي زياده توضيح يشوف موضوعي بالرابط ذا

/https://hyundai.montada.haraj.com.sa/70247/

اي سياره. كوري ياباني  الماني. اي صناعه ......

تحافظ عليها وتغير الزيوت بوقتها وتهتم بصيانتها 

راح تعيش معك سنين وتمشيك لين تطفش منها. 

لاكن اذا استخدمتها سرعات. والزيوت ماتطالع لها 

ماراح تكمل معك سنه لاكن مع المحافظه تعيش معك 
مهما كان نوعها وصناعتها 

بما انك راعي خطوط ارشحلك ماركيز او فكتوريا2011 او كادينزا او الكورد 6سلندر او التورس او اوريون

او ازيرا او افالون

الي شافتو عيني قبل اربع سنوات بدبي
سوناتا ٢٠١٠ ماشية٦٣٤ الف بدون اي مشاكل في القير او المكينة
اقولها بكل صدق رغم اني مو من ملاك هونداي لكن الي شايفو
انو سيارات كرف. ممكن بعض يواجه مشاكل كعيوب مصنعية
او كان يستخدم جيوب او هايلكس. لكن الاكثرية يشتكو من مكيف الهونداي
عموما خاصة بالظهر. ياما شفت سيارت تاكسي النترا ماشية ٤٠٠ واكثر
بدون اي مشاكل لكن تلقى العضلات منتهية بدون اي صيانة