أضف سؤال أو موضوع جديد          

السياره موقف طريف

up 15 down 5



السلام عليكم 
مشاركه لتسليه فقط ' 
نبغى موقف مر عليك في اول ايّام العيد على موترك ماتنساه موقف طريف
نرحب المشاركات ومبروك مقدما عليكم العيد ومن العائدين 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا صار معي موقف
سابقا معي كامري ٢٠٠٨ نزلت الأهل عند عيد خوالي 
وكأشخ وجيت انزل قلت ياولد لمبة موترك مولعه خلني اعبيها 
من المحطه وبيت خوالي اقرب محطه على شارع العام 
انا اروح محطه واعبي واديور من عند كبري واحط رجلي 
الحق على عيد امشي ١٢٠ الا وأخذ لك غفوه ابو دقيقتين ههههههههههه
يوم فتحت الا مدحدره في التراب ومن خرعه كسرتها يسار الا انا فوق رصيف 
بغيت اخش في عامود راحت كشخه ههههههه وتخرب عكوس ومقصات 
راحت كشختي فوق رصيف وسطحه هههههههههههه واحصل احد من قرايب 
يوصلني قال أوصلك تعيد قلت لاودني البيت الأخلاق قافله ههههههههه  واسدحها نومه من الغبنه
الوالد وهو راجع البيت ماعرف موضوع صدفه شاف موتري على سطحه هههههههههههه قال انا اشوفه ماعيد
موقف يوم عمري ١٨ عطونا مواقفكم 


up 5 down 6



ماش يبو جهاد محد حولك
كلن يركض لمقاضي العيد
محد فاضي


up 3 down 1
أبو نجوى 2393
قبل شهر



انا ما اذكر حصل علي شيء
لكن عيال عمي السنه اللي طافت فالعيد
رايحين يعايدون ناس من الجماعه
كانت لمبة البنزين مولعه قالوا عبه بنزين
قال لا عادي يوصلكم ويرجعكم
المهم راحوا بسلام فالرجعه طفى عليهم الموتر
واضطروا يأخذون جيكه ويعبونها بنزين
ثم يرجعون ويعبون السياره
وهذي نهاية التسويف تبهذلوا


up 2 down 0



انا مره بزحمة السوق قبل العيد في احد السنوات الماضيه
وقفت ونزلت وفي رجعتي جاء واحد ووقف جنب سيارتي
ههههه ورحت احاول افتح السياره مادريت الي الرجال جايني
يقول خير هذي سيارتي ههههه انحرجت وهو تفهم لمن شاف سيارتي قريبه من سيارته
فتحصل والتشابه والتفكير ان تخلص من زحمة السوق بسرعه
وكل عام ونتم بخير ان شاء الله


up 2 down 0
ftfr999 233
قبل شهر



موقف وما انساه قبل صلاة العيد كنت مستاجر سياره من شركة تاجير وما حصلت غيرها سويفت 2012 المهم ونا متكشخ ونازل ومع المدام شغل يا ولد ما تشتغل يمين يسار مافي فايدة قلنا ممكن بطاريه وننتعها دحدر سوي وبرضه مافي فايده ونا بعقالي وشماغي واخر كشخه ومعطر والناس خارجه لصلاة العيد ونا خارج من باب السياره وادف فيها واهرول تقريبا قطعت مسافه حق ربع ساعه احاول فيها وطلع بالاخير فيوز السلف كان محروق جاء رحيمي وزبط السياره بس بعد ايش الناس خرجت من صلاة العيد وعايدت واحنا خمجنا مع الحر والزحمه والحمدلله موقف راسخ بالعقل وكل سنه وانتم بخير


مواقف جميله ومضحكه جدا ونستوني


up 1 down 0



هههه كل عام وانتم بخير هذا الله يسلمك عام 2002 خويي مطلع كامري وكالة وليلة العيد دق علي وقال وينك قلت له في الحلاق قال بمرك وتروح معي نغسل السيارة في المغسلة المهم الرجال ناوي يكشخ بعد صلاة العيد لان السيارة مطلعها في رمضان المهم جاني ورحنا للمغسلة ووقفنا وقال له غسيل بستم يا صديق
المهم يرفع له السيارة على غير سنع وبعد الغسيل نزل السيارة والا السيارة منبطحة هههههههه خويي ماهو داري وش يسوي هو يذبح الحمار ذا ولا وش يسوي بكرا العيد ولا فيه محلات اجار فاتحة ولو فيه السيارات كلها محجوزة ولا فيه وكالة فاتحة ولا فيه ورش ولا محلات قطع غيار العيد ذيك السنة صار عزاء ههههههه والله ما انساه المهم كان عندي شبح مصفطة للسفر والمناسبات قلت له روح ادعكها عند البيت وقضي العيد فيها لين الله يفرجها هههههههههههههههههه


up 2 down 1
نبيل110 345
قبل شهر





كنا كاشخين للعيدد 
والقزاز مفتوح 
ومرت من جنبنا سيارة وكانت فيه موية متجمعة امطار او صرف صحي والله مدري 
المهم ويجي الاخ ويدخل البركة 
وقزار سيارتنا مفتوح 
ويغسلنا كلنااا صححح غرقنا مويه حتى ريحتها تجيب المرض
ونرجع البيت ونتروش ونتنظف وثياب جديدة 
يعني كان موقف يغبن


up 5 down 0
حرف الالف 720
قبل شهر



انا حصلي موقف في جوال نوكيا زمان ايام جولات نوكيا كنا نرسل تهاني وتبريكات عن طريق رسائل نوكيا المهم انا جالس اكتب تهنئة بمناسبة العيد لخالي جلست ربع ساعة وانا اكتب تعرفون الحرف على بال متطلعه ياخذ ساعه المهم ارسلت لخالي التهنئة المهم ما انتبهت الا انا كاتب في اخر الرسالة (كل وانت بخير ) موقف ماراح انساه 


up 3 down 7



ومره حصلي موقف فصلت لي ثوب في العيد المهم كان ابوي واخوي مفصلين معي المهم جبنا الثياب وعلقتهن في الشماعه عاد يوم العيد ابوي صحا بدري وروح عنا صلاة العيد باقي انا واخوي صحينا متاخرين شوي المهم والله ونصلي الفجر ونتقهوى وناكل من التميرات ونلبس الثياب فجاءه الا الثوب علي طويل قلت لخوي وش الخياط السباك شكله ملخبط الثياب قال ارجع له قلت وين ارجع له الناس في عيد المحلات مقفلات المهم رحت صليت بثوبي القديم المهم وحنا رجعين تقابلنا مع الاهل الا ابوي يقول ان الثوب اللي عليه ضيق وقصير اثري ابوي لابس ثوبي بالغلط الله يسعده  ههههههههههههههه 


up 9 down 1



نواف هههههههههههه يسعدك انت وأبوك 


up 3 down 0
سليم22 64
قبل شهر



الله يبارك فيكك .. حصلي موقف زمان ما انساه كانت معي كامري 2004 قير اوتو المهم احيانا اعصب والله يكفينا وياكم شر التعصب وادعس البنزين للاخير وعاد 4 سلندر وقير اوتوماتيك يالله تمشي المهم ويعلق معي البنزين ووعاد ليلة عيد المهم ووقفها قلت يمكن علشانها ساخنه بخليها لين تبرد ويمكن تهدى ويجي الصبح واشغل الا نفسها الامبير مرتفع وصوتها مرتفع ويالله صباح خير الناس تتمشي بللعيد بالحارة ع مهلها وانا اول ما ارفع رجعلي عن الفرامل تفز السياره لين توصل 60 واذا وقفني ااحد لازم اطفي السياره لانب ما اقدر احطها ع دي المهم ويجي خالي قال شفيها موترك واعلمه قسم بالله دعستين بالبنزين لدرجة اني مسكته قلت ع هونك قلت مكينتها انفجرت واشوى ينفك التعليق اسف ع الاطالة


up 2 down 0
فهـ511ـد 89
قبل 4 أسبوع و يوم



ياطويل العمر. انا وولد عمي كنا مراهقين.   وتونا نتعلم السواقه
ف جايين مسرعين وتفاجأنا بأشاره. ورى طلعه بعد الطلعه
وعندها كم سياره ضربت بريك. من غير تصرف ومدري كيف لفت السياره
اظن ولد عمي لف الدركسون معي. انا السواق
فسلمنا الله الي هنا تمام
مشينا وكنا نتكلم. قال انا لفيت الدركسون كذا وتقعد تحوص السياره. ويحك جنبها
يوم قربت توقف في جسر.  


up 0 down 1