أضف سؤال أو موضوع جديد          

مشكلة في قير سنتافي هيونداي 2014 سلندر6

up 8 down 0
ويندز 66
قبل 3 أسبوع و 6 يوم



اخواني عندي مشكلة في قير السنتافي (اتوماتيك - عادي )
وتخيلوا القير كان خربان من يوم الضمان ساري
ورحت لهم عشان اسألهم عن وضع القير
قالوا لي هذي مشكلة عادية
لأن كل ما امشي بالسيارة وعند التعشيقة تتأخر وتجي نتعه عشان تتعشق

المهم انتهى الضمان صار له سنه
وكبرت المشكلة في القير
صار القير يعلق على الرابع
واذا جيت بعشق على الـD
يتأخر تحريك السيارة ياخذ من 5 إلى 10 ثواني ثم تتحرك السيارة اذا دعست دواسة بنزين الله يكرمكم .
واذا وقفت وهو على الـD ما تتحرك السيارة

المهم رحت للوكالة هيونداي (الوعلان) اسأل الله ان ينتقم منهم دنيا وآخره
قالولي بيكلفك ثمن الفحص 1500
لكن السعر التقريبي يمكن يوصل إلى 15 الف ريال
قلت وشلون اعرف السعر المؤكد
قال بعد مانفرط القير واذا ماعجبك السعر ، تشيل القير كنك شايل قطع لحم والسيارة تسحبها سطحه

طبعاً رفضت
ووديت سيارتي لوزارة التجارة يشوفونها
طلعوا باردين جداً (من بعد ماراح توفيق الربيعة الله يذكره بالخير) تغيّر نظامهم وصاروا باردين بالحيل

لين اتصل علي واحد منهم (من وزارة التجارة) يتميلح بصوته مسوي نفسه سلفر
ويرد متكبر كني اشحذه قال (الوكالة ماهي ملزمه تصلح سيارتك لأن ضمانك منتهي)
مع اني شرحت له اني راجعتهم وقت سريان الضمان
لكن للأسف نايمين بقوه مافكروا فيني وقال ماهي ملزمه (جعله يحس باللي احس به)

===========================
الخلاصة يالربع
ابي مركز صيانة متمكنه في صيانة قير هونداي

سيارتي سنتافي 2014 ستة سلندر
==========================

( وما انصح اي احد يشتري سنتافي ) لأن وكالة الوعلان وربي مهملين وباردين حتى لو ضمانك شغال

.
.
.
.
.
.
.
واللي عضويته مو مسجله معنا
ياليت يفيدني على هذا الرقم
0500039103
ابوتركي - الرياض حي الشفا
بيض الله وجيهكم
وتقبل الله منا منكم صيامكم وقيامكم من الأعمال
والله يعتقكم من النار
وكل عام وانتم بخير مقدماً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


رح فرع ثاني غير الي رحته الوكالة هم ابخص بسياراتهم وشف وش يقولونلك وشف كم سعر التصليح
خل مركز الصيانة الي برا اخر شي تروحة
وبلاخير قارن عند افضل مركز صيانة قير لو قال لك نفس العيب الي رح تقولة الوكالة وشف الاسعار


up 1 down 1
توسان 2011 1906
قبل 3 أسبوع و 6 يوم



شوف التشاليح يمكن تحصل شي نضيف ورخيص


up 0 down 0
عادل الانصار 45
قبل 3 أسبوع و 6 يوم



هل ذهبت لمراكز غير الوكالة، قد تكون المشكلة من حساس القير، أو الزيت تعبان


up 0 down 0
anosi 568
قبل 3 أسبوع و 6 يوم



هلا بك اخوي انوسي
الكيلو واصل لين 70 الف
والزيت ماغيرته
قالولي الصيانة السريعة حق هيونداي اصبر لين 100الف وغير زيت القير


up 0 down 0
ويندز 66
قبل 3 أسبوع و 6 يوم



هلا بك اخوي عادل الانصار
ماعندي مشكلة اني اكرف بالتشليح
اهم شي ابغى ورشة مهندس ممتاز انه يصلح قير سيارة سنتافي


up 0 down 0
ويندز 66
قبل 3 أسبوع و 6 يوم



هلا بك اخوي توسان 2011
كلهم نفس الطينة للأسف
رحت حق خريص
ورحت حق مخرج 18
نفس النذاله والاستهانة حسبي الله عليهم ونعم الوكيل


up 3 down 0
ويندز 66
قبل 3 أسبوع و 6 يوم



اول شي ابوترووك بالله ادع لهم بالهداية لان الدنيا فانيه وانا اخوك  والله ماتستحق الغناء والتعب والزعل واحب اقولك ترا كلنا انغشينا واكلنها جامده وساكتين وانا اول واحد المهم انا ماني معهم وكالته هونداي المفروض يصلحونه لك لانك علمتهم من اول ماصارت المشكله تهاونوا معك وانت المفروض تخليهم يصلحوه اجل كيف يقولون لك هذي مشكله عادية وهو التعشيقه تتأخر وتجيه نتعه علشان يعشق ابدا كلامهم ماهو منطقي المهم ادع لهم بالهداية كلنا انغشينا وانضلمنا وسكتنا ماهو بس انت اخوي لاتشيل هم ويضيق خلقك بسبت حديد ماهو نافعنا افرح وانبسط ياعمي الدنيا حلوه((دائمآ قول يمكن خيره لك انها خربت)) وعادي وضبه او غيره بس مااعتقد تحصل بحكم الموتر جديد وتسهيل يا ابو تررروك  


up 2 down 7
نواف الحربي4 293
قبل 3 أسبوع و 6 يوم



اخوي ابو تركي مشكلتك مع الوكيل نفسه اكثر من مشكلتك من السياره

يارجال قبلك اكلتها معه بأزيرا ولله الحمد ماجتها مشاكل بالقير والمكينه كلها مشاكل بسيطه مثل الحذفيه والعزل المتواضع لان الجلد ناشفه مع ذاك عانيت من الاهمال لدرجه اني شكيتهم لوزاره التجاره مرتين

واخرتها يتصل علي مديرهم وياخذ رقم الهيكل ويقفل التلفون الظاهر ابن اللذينا حط ملاحظه بالنظام ان هالعميل مقروش اهلنا ههههههههههه ولا اكتشفت هالشي الا بعد مامشيت 80 الف وجيت عندهم قالو ضمانك ملغي قلت على كيف امكم تلغونه ؟ دخلت ع المدير الزفت قالي جب فواتير الزيت قلت ابشر وطلعت ولا عاد رجعت لهم بعدها

المهم سافرت 400 كيلو للدمام ورحت للفرع الرئيسي للمجدوعي وقلت لهم ابغى صيانه 80 الف وعطيتهم الاعطال صح انهم غالين لكن الاهتمام افضل بكثيررر وللامانه صلحو لي اشياء ماطلبتها منهم مثل ثلاجه المكينه اللي بدلوها على الضمان .. طبعا موترك وعلان عادي يدخل عند اي وكيل من وكلاء هونداي الثلاث بالنهايه كلهم وكلاء لشركه واحده اصلا .. ثاني حاجه النظام مختلف بينهم وغير مرتبطين ببعض يعني موظف المجدوعي ماتطلع له صياناتك وزياراتك لوكاله الوعلان او اي وكيل غير المجدوعي


up 5 down 0
ابو هيثم 7 1598
قبل 3 أسبوع و 6 يوم



بالنسبه للحل عندك 3 حلول وانا اخوك

1/ تروح تسوي صيانه 80 الف عند المجدوعي وتذكر لهم الملاحظات.. لكن انتبه لاتجيهم من الباب للطاقه وتقولهم صلحو موتري وانت مالك اي ملف ولا اي صيانه مسجله بالنظام لان نظامهم غير مرتبط مع الوعلان مثل ماذكرت سابقا

2/ تصلح الموتر بنفسك بدون خساره ريال واحد بطريقه بسيطه جدا اذا عرفت سبب النتعه هو عدم توزيع الزيت بشكل متساوي داخل خريطه او مخ القير .. هذا الرابط يشرحلك كل التفاصيل https://youtu.be/LBAjvW9U_7k

3/ الثالثه لاتسويها الا بعد ماتجرب الحل اللي بالرابط .. وهو تغيير حساس القير وسعره 90 ريال ومكانه جنب البطاريه

ملاحظه اخيره .. نعم زيت هونداي طويل الاجل ومايتغير الا على 100 الف .. لكن دامك تشتكي منه انصحك تغير الزيت ترى كلها 4 علب من منيف النهدي او اي موزع معتمد وسعرها من 180 لين 200 ثم تروح لبناشر ون ستوب وتغيره ب 50 ريال بحكم ان تغييره سهل لايحتاج فك كارتير ولا تغيير فلتر كلها صره من فوق وصره من تحت وراح تتفاجأ ان تغييره اسهل من تغيير زيت المكينه ؟؟؟ انا معي ازيرا وعارف وش قاعد اتكلم عنه وسبق اني غيرته واساسا السنتافي يعتبر ازيرا لكن بدبل .. حتى 80 % من ديكوراته ومحركاته مشتركه مع الازيرا


up 3 down 1
ابو هيثم 7 1598
قبل 3 أسبوع و 6 يوم



عز الله توفيق الربيعه ونعم الرجل
اذا جاء في الدائره اصلحها
ما كنا نسمع بوزارة التجارة والشكوى لهم
الا بعد ما جاء توفيق الربيعه
الله يجزاه بالخير ويكثر من امثاله


up 2 down 0
ابوناصر 454 620
قبل 3 أسبوع و 6 يوم



تلومونا بالتويوتا ياناس
اشتر وانسى
واذا راجعت الوكاله لقيت سنع و وجه
الله يعينك ويسهلها عليك



up 1 down 9
امير الاصيل 1444
قبل 3 أسبوع و 6 يوم



دس لايك
طيب عطنا حل لمشكلة القير
الله يعوض على راعيه ويعينه


up 0 down 4
امير الاصيل 1444
قبل 3 أسبوع و 6 يوم



الضمان خمس سنين / 100الف كيلو
وانت ماشي 70الف ولك ثلاث سنين؟؟
عموما غير زيت القير فالوكاله وشوف المشكله تنحل والا !



up 1 down 0
bmw z4 1180
قبل 3 أسبوع و 3 يوم