أضف سؤال أو موضوع جديد          

استفسار يا أحبه

up 2 down 0
yahya-6 54
قبل 3 شهر



كل عاااام وانتم بخيرررر سؤالي يا جماعة الخير عندي سوناتا 2017 وانا ماشي ظهر لي حساس ضغط الهواء بشكل اول مثلث برتقالي واسفل الطبلون علامة انخفاض الهواء في الكفر الايمن وانا امشي كان الكفر 32 وكل الكفرات مثله ومع المشي ارتفع الى 34 وما زال يعطيني ان فيه انخفاض في الهواء وشيكت على الكفر ما لقيت شيء وش يكون الوضع واول مرة تصير معي والسيارة باقي بتمرينها ولكم خالص الشكر والتقدير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خل الضغط بالاربع كفرات متساوي


up 0 down 1



كل عام وانت بخير..
حل المشكله سهل جداً ، 
1) تأكد من الكفر مافيه مسمار
2) افتح باب السواق بتحصل استكر مكتوب عليه كم الضغط الموصى فيه للكفر سواء مقاس الجنط 18 او 17 او 16. لأن كل حجم له ضغط مناسب له
3) مثلا اذا مكتوب على الباب 35 ، ارفع ضغط كفراتك الى 36 كلهم والسياره والكفرات بارده.. لأن مع المشي يزيد ضغط الكفر بسبب عامل الحراره

اذا انت مو فاضي تنتظر الكفرات او السياره تبرد.. ارفع الضغط الى 40 كل الكفرات بحيث لما توقفها بالليل وتبرد الكفرات بينزل الضغط الى الطبيعي وهو 35 


up 2 down 0
abo9aly7 150
قبل 3 شهر



وسبب ظهور التحذير في الطبلون.. بسبب الكفر نازل ضغطه ولكن معي المشي والحراره العاليه في وقت الظهر يتمدد الهواء داخل الكفر ويزيد الضغط فـ يطلع عندك 34 وهو بالاساس 28

هذا وصلى الله على نبينا محمد وعلى آله وصحبه أجمعين 


up 1 down 0
abo9aly7 150
قبل 3 شهر



كلام الاخ اللي فوقي سليم

ولكن احيانا يخرب الحساس ويحتاج برمجه ب50ريال

لانها حصلت معي في اكسبدشن 2014

ظهرت لي وعيت تروح

ورفعت الكفرات ونزلتها و لا زالت العلامه موجوده

وسويت لها برمجه في محل بالغرابي مختص بالهشيء ب 50

ونفس المحل يقول المشكله احيانا برمجه واحيانا احد الحساسات الاربع يخرب..وقيمته من 80 الى 100 مع التركيب لجميع السيارات

بخصوص حالتي انا

سويت برمجه واختفت المشكله ولكن ضغط 35 للكفرات كان عالي بالنسبه لي

وخفضته الى 25 او اقل بشوي وظهرت اللمبه من جديد هههههه


up 0 down 0
ابو يزيد 000 8686
قبل 3 شهر



بالنسبة لي حاط ظغط الكفرات 20 طبعا السياره فورد وماشيه تمام طبعا لحد يقلدني لان مشاويري قريبة اللي يسافرون يحطه 30 اقل شي وصاحب الموضوع اكيد يبغالها برمجه دام ضغط الكفرات كويس 


up 0 down 0



ياجماعة لا تروحون تبرمجون بفلوس

ترى الامر سهل فقط ادخلو اليوتيوب وتجدون الشرح لكل برمجة
بمافيها المفاتيح الجديدة وبالنسبة لفحص كمبيوتر السيارة خلاص الان تتوفر هالقطعه OBD الي تباع هنا بحراج صار يمديك تفحص انت بنفسك من جوالك والنت مليان شروحات .


up 2 down 0
ابو لؤي2017 53
قبل 3 شهر



يابن الحلال لاتبرمج ولاشي

معي نفس سيارتك

زود الهواء لجميع الكفرات الى 36 وامورك طيبة ان شاءالله

دايم تحصل معي 

لاتوسوس ولاتبرمج 


up 0 down 0
coco13 673
قبل 3 شهر



لا تصدق قراءة العداد شيك بنفسك انا عندي باليوكن يعطيني مثلا الكفر الايمن الامامي الايمن نازل هواه واشيك والقاه الايسر اللي نازل


up 0 down 0
ابوخلوودي1 4971
قبل 3 شهر



اسأل الله العلي القدير بأن يديم عليكم الصحة والعافية وعلى من تحبون وعلى المسلمين كافة وأن يحرم وجهي ووجيهكم على النار لكم خالص الشكر والتقدير على الردود


up 1 down 0
yahya-6 54
قبل 3 شهر