رائحة بنزين داخل السيارة هونداي النترا

اذا الرائحة خارج السيارة اوقات الحرارة العالية جدا
واستخدام السيارة بشكل قوي ف هذا الشي طبيعي

اما داخل السيارة ف اعتقد ان هناك مشكلة.
اذا كنت فاتح التهوية تبع المكيف اغلقها لعلى المشكلة منها لان
من الطبيعي مثل ماكتبت انا في الاعلى رائحة البنزين تكون واضحة.
في الخارج وقد يسحبها المكيف لداخل السيارة بسبب فتح الهواية

يعطيك العافيه

بس الريحة تكون قوية فوق الكفر الخلفي يسار قريب جهة فتحة التانكي

لو الريحة فقط داخل السيارة
فك المقعدة الخلفية وتحصل غطاء تحتها
فك الغطاء راح تحصل صفاية البنزين و الطرمبة
شوف في تسريب بنزين من الليات حقت الصفاية ولا لا ؟

لو مافي تهريب بس شد على مسامير الصفاية شوية عشان تكبسها مزبوط و ماتطلع ريحة البنزيز

بالنسبة للالنترا طبيعي الريحة ذي
استخدمت النترا 15 لثلاث شهور
في عز الصيفية لما تسافر او تطلع مشوار في الظهرية تشم ريحة البنزين داخل السيارة

في الليل او بعد ماينتهي الصيف تروح ريحة البنزين

الله يعطيكم العافيه

لا مو طبيعية راجع الوكالة فيها

لا مو طبيعي .. عندنا النترا ولا لاحظنا ريحة بنزين ولا ريحة ديزل 
شوف الصفاية تحت المرتبة الخلفية احتمال فيها تبخير او شف لي 
البنزين الموصل من فتحة التانكي الى التانكي نفسه ( ربل قوي ) 
احتمال القفيز مرتخي .. وبطريقك شف توصيلات البنزين كاملة .
وحتى غطاء تانكي البنزين يمكن الربل حقه مهتري او متقطع 
فيبغاله تغيير .

صدقوني موجودة في كل الالنترات الشكل السابق
ولكن حرارة منطقة عن منطقة تفرق
في الرياض تطلع ريحة البنزين في الصيفية الظهر رغم انه السيارة وقتها كانت ماشية 10 الف

اغلب الشباب في الردود يقولون طبيعي

وانا شيكتها عند اكثر من مهندس ميكانيكا
وكلهم يقولون مافيه اي تهريب او مشكلة

بس الريحة ماتجي الا وقت الحرارة العاليه او اذا كنت افرفر اكثر من ساعتين

حنا عطيناك العلم وانت بكيفك 

المشكلة ذي في الهيونداي عموما كانت معي سوناتا ٢٠٠٧ واذا طلعت العقبة وداعس مده طويله على البنزين تطلع الريحة داخل وحتى في الحر مع الدعس وبعتها وهي على حالتها بس انت فك المرتبة الخلفية وشوف مع الكهربائي للمشكلة بسيطة لي او جلدة مفكوكة

او يمكن فيه غطا مفتوح بين الطرمبة والمرتبة

ياحبيبي هذي طبيعي لأن الألنترا مافيها مايسمى بلف الأمان في خزان الوقود بحيث إذا ارتفعت حرارة الجو راح يبدأ البنزين بالتمدد وفي هذي الحالة يكون الخزان مضغوط بالغازات المنبعثة من البنزين فبالتالي راح تطلع الريحة برا السيارة واحتمال كبير تدخل في السيارة فلا تقلق إذا واجهت المشكلة في أي وقت وقف وانزل افتح غطاء الخزان راح تلاحظ وجود صوت تنسيم من الخزان مثل صوت تنسيم الكفر انتظر لين يخف الصوت أو يختفي وقفل وتوكل على الله طبعاً الصوت يختلف باختلاف ضغط الهوءا في الخزان
ودمتم بود

الله لايهينكم جميع

جهاز الكانستر نظفه او غيره 
عانيت مثلك لا تتعب نفسك وحتدعيلي