أضف سؤال أو موضوع جديد          

رائحة بنزين داخل السيارة هونداي النترا

up 1 down 0
ibrahimzmc 3
قبل 4 شهر و 3 أسبوع



السلام عليكم

عندي مشكلة وجود رائحة بنزين داخل السيارة
والريحة تطلع بس وقت الحر واذا كنت جالس افرفر على السيارة اكثر من ساعتين
رحت شيكت عليها في ثلاث ورش ومل حاجة سليمة
في احد يواجة نفس المشكله
السيارة هونداي النترا ٢٠١٦







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا الرائحة خارج السيارة اوقات الحرارة العالية جدا
واستخدام السيارة بشكل قوي ف هذا الشي طبيعي

اما داخل السيارة ف اعتقد ان هناك مشكلة.
اذا كنت فاتح التهوية تبع المكيف اغلقها لعلى المشكلة منها لان
من الطبيعي مثل ماكتبت انا في الاعلى رائحة البنزين تكون واضحة.
في الخارج وقد يسحبها المكيف لداخل السيارة بسبب فتح الهواية


up 0 down 0
caprice-ss 148
قبل 4 شهر و 3 أسبوع



يعطيك العافيه

بس الريحة تكون قوية فوق الكفر الخلفي يسار قريب جهة فتحة التانكي


up 0 down 0
ibrahimzmc 3
قبل 4 شهر و 3 أسبوع



لو الريحة فقط داخل السيارة
فك المقعدة الخلفية وتحصل غطاء تحتها
فك الغطاء راح تحصل صفاية البنزين و الطرمبة
شوف في تسريب بنزين من الليات حقت الصفاية ولا لا ؟

لو مافي تهريب بس شد على مسامير الصفاية شوية عشان تكبسها مزبوط و ماتطلع ريحة البنزيز


up 2 down 0
monjed salih 141
قبل 4 شهر و 3 أسبوع



بالنسبة للالنترا طبيعي الريحة ذي
استخدمت النترا 15 لثلاث شهور
في عز الصيفية لما تسافر او تطلع مشوار في الظهرية تشم ريحة البنزين داخل السيارة

في الليل او بعد ماينتهي الصيف تروح ريحة البنزين


up 0 down 0
سلطان4040 1213
قبل 4 شهر و 3 أسبوع



الله يعطيكم العافيه


up 0 down 0
ibrahimzmc 3
قبل 4 شهر و 3 أسبوع



لا مو طبيعية راجع الوكالة فيها


up 0 down 0
moathqaisiyah 160
قبل 4 شهر و 3 أسبوع



لا مو طبيعي .. عندنا النترا ولا لاحظنا ريحة بنزين ولا ريحة ديزل 
شوف الصفاية تحت المرتبة الخلفية احتمال فيها تبخير او شف لي 
البنزين الموصل من فتحة التانكي الى التانكي نفسه ( ربل قوي ) 
احتمال القفيز مرتخي .. وبطريقك شف توصيلات البنزين كاملة .
وحتى غطاء تانكي البنزين يمكن الربل حقه مهتري او متقطع 
فيبغاله تغيير .


up 0 down 0
nasser1430 539
قبل 4 شهر و 3 أسبوع



صدقوني موجودة في كل الالنترات الشكل السابق
ولكن حرارة منطقة عن منطقة تفرق
في الرياض تطلع ريحة البنزين في الصيفية الظهر رغم انه السيارة وقتها كانت ماشية 10 الف


up 1 down 0
سلطان4040 1213
قبل 4 شهر و 3 أسبوع



اغلب الشباب في الردود يقولون طبيعي

وانا شيكتها عند اكثر من مهندس ميكانيكا
وكلهم يقولون مافيه اي تهريب او مشكلة

بس الريحة ماتجي الا وقت الحرارة العاليه او اذا كنت افرفر اكثر من ساعتين



up 0 down 0
ibrahimzmc 3
قبل 4 شهر و 3 أسبوع



حنا عطيناك العلم وانت بكيفك 


up 0 down 1
nasser1430 539
قبل 4 شهر و 3 أسبوع



المشكلة ذي في الهيونداي عموما كانت معي سوناتا ٢٠٠٧ واذا طلعت العقبة وداعس مده طويله على البنزين تطلع الريحة داخل وحتى في الحر مع الدعس وبعتها وهي على حالتها بس انت فك المرتبة الخلفية وشوف مع الكهربائي للمشكلة بسيطة لي او جلدة مفكوكة


up 0 down 0
النمر606 91
قبل 4 شهر و 3 أسبوع



او يمكن فيه غطا مفتوح بين الطرمبة والمرتبة


up 0 down 0
النمر606 91
قبل 4 شهر و 3 أسبوع



ياحبيبي هذي طبيعي لأن الألنترا مافيها مايسمى بلف الأمان في خزان الوقود بحيث إذا ارتفعت حرارة الجو راح يبدأ البنزين بالتمدد وفي هذي الحالة يكون الخزان مضغوط بالغازات المنبعثة من البنزين فبالتالي راح تطلع الريحة برا السيارة واحتمال كبير تدخل في السيارة فلا تقلق إذا واجهت المشكلة في أي وقت وقف وانزل افتح غطاء الخزان راح تلاحظ وجود صوت تنسيم من الخزان مثل صوت تنسيم الكفر انتظر لين يخف الصوت أو يختفي وقفل وتوكل على الله طبعاً الصوت يختلف باختلاف ضغط الهوءا في الخزان
ودمتم بود



up 0 down 0
أبو تمام 1 226
قبل 4 شهر و 3 أسبوع



الله لايهينكم جميع


up 0 down 0
ibrahimzmc 3
قبل 4 شهر و 3 أسبوع