أضف سؤال أو موضوع جديد          

خرب قير السنتافي.ابي ورشةيالربع متخصصه تصليح القيرات بالرياض

up 12 down 5
ويندز 66
قبل 4 شهر و 3 أسبوع



مساكم الله بالخير يالربع

وكل عام وانتم بخير بعد الزحمه

والله يفرج همي وهمكم إن شاء الله

الحمدلله يا اخوان قدّر الله وخرب قير سيارتي السنتافي 2014 سلندر6
والحمدلله خرب بعيد عن بيتي ب4كيلو
قدرت اني امشي بالسيارة بالريوس (R) بين الحواري لين وصلت البيت

المشكلة مو هنا
يوم اني مشيت بالريوس
لاحظت الحرارة ارتفعت لين قبل النهاية بخط واحد إلى قبل خطين (يعني مابينهم)
هل هذا يعني ان المكينة لا سمح الله خبطت والا من القير؟

القير صار خلاص مايمشي منه إلا الريوس وبس

والله يا اخوان
كنت استخدم سوناتا 2010 موديله و4سلندر
اني لعنت خامس ابوه
وطعست به صحاري
وغطست به جرافات موية من الامطار
وماشاءالله عمرها لا خبطت مكينته ولا قيره
لكن الحاجة الله يلعنها اللي حدتني بعت السيارة حسوفه

وشريت سنتافي هالمخيس ذا
ماتم ثالث السنة من الضمان الا يخرب
واروح للوكاله قبل لا ينتهي الضمان ب4شهور
ويقولون مافيها شي السيارة
وانا كنت حاس ان السيارة بتخرب من القير
لأن كل شوي ينتع بتعشيقة القير

الحاصل انتهى الضمان وخربت السيارة علي اليوم
واحذركم لا تشترون سنتافيه (والله خرابه كثير)
وحسبي الله عليهم الوعلان ونعم الوكيل ( لا صيانة مهتمين ولا ادارة صالحين )

واعذروني يا اخوان والله تبهذلت مع هالسيارة
فرحت فيها اول سنة
ثاني سنة وثالثها والله عالم اني ماتهنيت فيها زين
يازين السوناتا وليتني مابعتها
حتى ماتصدقون ، بعتها بـ10 آلاف السوناتا عشانها كانت مرشوشه
السوناتا هذي قد صدمت فيها صابونه (شفرليت) طيرت شنطتها بالكامل
وماتأثر السوناتا إلا الصدام انخلع شي بسيط

لكن سنتافي و2014 وسلندر6
ويخرب قيره كذا بسرعه معي؟ اقسم بالله صناعه فاشله

طلبتكم يا اخوان
وانتم قدها وقدود يالربع
انا ساكن بحي الشفا بالرياض
ابي ورشة متخصصه في تصليح القيرات (مايهمني حتى لو كانت بالصناعية القديمه)
أهم شي يضبطون القير
وعهد علي وبذمتي عمولة 200ريال
للي يدلني على ورشه تضبط القير وتخليه مثل الوكالة

وهل فعلاً خبطت المكينة يوم ارتفعت الحرارة والا لا؟
لأن السيارة ما مشت إلا بالريوس وصارت ترتفع اكثر كل ما امشي بالريوس

وجزاكم الله خير

والله لا يحدكم لمكروه
ويوفقكم
ويسهل اموركم
ويجعلكم موفقين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله يسهل امرك ويعوضك خير
باذن الله ماتحتاج توضيب احتمال وليس اكيد
اولا احتمال كبير برمجه كمبيوتر القير
ثانيا احتمال الرديتر متسدد مايبرد علي القير وصارت المشكله
ثالثا احتمال تغير فلتر وزيت مع منظم كمبيوتر تغيرات القير
بنسبه الماكينه الحراره ماعليها خلاف اذا ماوصلت H ومشيات مسافه
اذا فعلا توضيب وفشلت جميع المحاولات اعلاه لا توظب نهائي
ركب قير شد بلاده من التشليح او الصناعيه القديمه افضل من التوضيب ماينجح
القير حساس جدا نادر ماتحصل واحد يوضب وكاله
ونصيحتي لك ابدا بلاسهل من المذكور اعلاه
والله يعوضك



up 4 down 1
ماجد المطلق 10563
قبل 4 شهر و 3 أسبوع



الله يعطيك العافية اخوي ماجد
بالنسبة للحرارة .. إلا بدا يقرب للـH يوم جيت امشي قدام وخرب القير
لأنه يدعس بنزين بس مايمشي
لكن ماضغطت على الدواسه بقوه يعني يطلع صوت قوي لا .
ضغطت عادي كني ابغى السيارة تتحرك لكن ماتحركت
واضطريت ارجع بالريوسR
وللأسف كل ما ارجع كل ما ترتفع الحرارة ، لين اضطر امشي مهدي كل شوي بالريوس لين وصلت البيت
وان شاء الله كلامك صحيح
لأن القير مايعشق لا 1 ولا 2 ولا3 ولا4 ولا5
مايمشي إلا R يرجعني ورا وبس

واللي قيمني سالب - ماقول الا جزاك الله خير -


up 3 down 0
ويندز 66
قبل 4 شهر و 3 أسبوع



شيك زيت القير .. اذا فيه رايش حديد ولونه اسود معناته القير ودع والافضل تركب قير مستعمل نظيف 
لكن اذا الزيت سليم ولونه طبيعي فهو مخ القير .. صارت معي بكيا 6 سلندر وطلع في النهايه المخ خربان وغيرته وزبطت معي الى اليوم .. وانا ساكن عندك بالشفا ان احتجت اي شي تواصل معي خاص وابشر بعزك ..


up 3 down 0
صاحب السمو 2 1490
قبل 4 شهر و 3 أسبوع



الله يعطيك العافية يا صاحب السمو
ماتخبر لي ورشة تعرف تشوف السيارة
يعني ممكن المخ يخلي السيارة ماتتحرك كذا؟ وترتفع الحرارة؟؟


up 0 down 0
ويندز 66
قبل 4 شهر و 3 أسبوع



انت كم ماشي علي السياره وغيرت زيت القير والا ؟


up 1 down 0
bmw z4 1200
قبل 4 شهر و 3 أسبوع



هلا بك اخوي bmw z4
ماشي حدود 65 الف كم
والوكالة تقول لازم توصل 100كم عشان تغير الزيت
وزيت القير ماتغير لحد الآن من الوكالة


up 0 down 0
ويندز 66
قبل 4 شهر و 3 أسبوع



بالنسبة لحرارة المكينة عادي. لانك تمشي عكس الهواء. فترتفع الحرارة


up 1 down 3
ابومزعل 254
قبل 4 شهر و 3 أسبوع



الله يفرج همك وييسر امرك 
بالنسبه للقير. فيه عدة اشياء داخله حساسات 
وبلاوي يمكن احد الحساسات تعطل. 

لاكن بذكر لك قصه صارت لخويي قبل سنتين 
على سوناتا 2013 خرب عنده القير. وهي كانت 
ماشيه 87الف. صار بعض الاحيان مايقبل يعشق D
ويطفيها ويرجع يشغلها وتظبط. واستمر على هالحاله 
الين تطورت المشكله. وصارت اذا عشق دي. 
تقوم بالثالث يشيك الترس الثالث على طول. 
وماعاد يبدل القير. وراح كم ورشه وكل واحد يفتي 
من عنده. المهم فحص كمبيوتر وقالو له. هذا 
منظم التعاشيق داخل القير وفكوه وغيروه با ١٤٠٠
وظمان اسبوع. وظبطت معه ٣ ايام ورجع خرب نفس الخراب 
رجع للورشه وفحص وقاله نفس الحساس خرب. 
صلحه مره ثانيه وبعد ماانتها الظمان خرب. 

المهم. مابي اطول عليك.  راح الرجال التشاليح. 
واخذ له قير سوناتا مصدومه من الجانب. وممشاها 
قليل. وركبه  والحمدلله. الى يومك هذا معه زي اللوز الحمدلله 

انت الان. اذا قررت تغير قير. انصحك تاخذ من 
التشاليح بس يكون ممشى قليل. 
واذا ماحصلت الله يعينك خذ واحد مستورد. عليه ظمان 

والله يفرج همك.  

بالنسبه للحراره. اتوقع لانك ظاغط على المكينه وماشي 
مسافه على الريوس. 
المكينه ان شاء الله امورها تمام 


up 4 down 0
سبحان الرازق سبحانه 2374
قبل 4 شهر و 3 أسبوع



حياك اعرف واحد خبرة توضيب قيور
فوردات واتوقع الكوري واغلب السيارات
توضيبهم واحد
هو بشرق الرياض صناعية النسيم ورشته
قريبه من خريص
كلمني بالخاص وارسلي رقمك عشان ارسلك احداثيات الورشه
وابشر بعزك


up 0 down 0
d7ooom777 903
قبل 4 شهر و 3 أسبوع



اعرف واحد تركي بصناعيه الشفا وقد وديت عنده جمس وضب قيره والى يومك تماام .. وكل ورش الشفا يمدحونه بس انه غويلي شوي .. كلمني ع الخاص ارسل جوالك وبكرا الصبح او اي وقت نروح له اذا حبيت 


up 0 down 0
صاحب السمو 2 1490
قبل 4 شهر و 3 أسبوع



اول شي ان شاء الله امرك بسيط

وتعقيباً على كلامك للكوري الموديل القديم في هذي انا اشهد معك الكوري من عام 2006 الى 2010 كان في افضل سنواته من ناحية الميكانيكا وقوة وصلابة البدي انا كنت امتلك سوناتا 2006 امريكية والحين اوبريس 2009 وماشاء الله ماشيه 321 ولا زالت بقوتها ونشاطها ولا فيها خربطة ذا الجديد مكيف ولا قير يفصل


بس برضوه بقولك شغله يعني مع احترامي لك ترى بعض الاحيان انت بيدك اللي تخرب موترك لا تحطه في السيارة اوكي ممكن يكون عيب مصنعي بس انت الحين تقول الحرارة مرتفعة وقاعد تمشي بالريوس طيب ماتدري ان الحرارة هذي تعدم المكينة او تأثر عليها ماتدري ان مشيك للريوس بمسافات طويلة وبدعسة برضوه تأثر على القير ، قد تكون مشكلته حساس اوشي وانت زدت الطين بله


ياخي سطحه ولا وقفه في المكان اللي تعطل عنده برحه شي لين تلقى ورشة وشله بسطحة


وتجون بعدين خرب علي القير وبعد فترة طقت المكينة وانا عافت نفسي ومدري ايش طيب انت الاساس مخطي حتى لو الموتر فيه عيب مصنعي

عموماً بشوف لك ورشة في صناعية الشفاء انا اشتغل عنده من ايام السوناتا الامريكية تخصصه سوناتات امريكية وازيرات وكوري بشكل عام وهو يحب الكوري معه جينسس واوبريس وطقتها سعودي هو بكلمه واذا قال خله يجيني عطيتك رقمه


موفق


up 0 down 0
a.ibrahem 2792
قبل 4 شهر و 2 أسبوع