هل تصل بك الوسوسة إلي هذه الدرجة

خليه يحطها في البيت فوق السرير وغرفة خاصة ويجيب لها شغالة ولت يحركها ابد!!!
سلامات تراها حديد ومردها التشليح والشي ان زاد عن حده يقلب ضده
الزيت له فترة ويتغير على حسب الوكالة او الممشى عادي اما الأشياء الثانية بدري خله يوفر قروشه ابرك له

* اقتباس ( قال بغير فلتر المكيف والبواجي والفحمات وفلتر الزيت وزيت المكينة )

فلتر المكيف منطقي لانه مايرتبط بممشى وموديل السيارة اذا توسخ مررة وترسبت فيه الاتربة غيره

فلتر زيت المكينة وزيت المكينة منطقي

ترى مافيه الا ثنتين اللي قالها يحتاج لها مراجعة خليته موسوس الله يهديك

الفحمات يشيك عليها اذا باقي فيها ربع او عليها ينتظر فترة ويغيرها وقد الرجال يواجه مشكلة رجة مع التهدية ويحتاج خرط وبيغير مع الخرط ما ندري عنه عاد ولو اني متأكد ما امداها تستهلك ماشاء الله فحمات الكوري تطول حتى لو انك تجلدها

البواجي اكيد انه سامعها من الوكالة لأن على فكرة الوعلان يغير لك البواجي على 20,000 ومجانية


الخلاصة خله بكيفه موتره وهو حر

فلتر الهواء و المكيف انا اغيرها على 20 الف خاصة اللي دايم ممشاه ب غبار زي اجواء الرياض مثلا ولا مسك خط الساحل من مرة يتعدم ف 20 الف طبيعي وهو الافضل خاصة انها رخيصة وممكن تسبب اضرار مكلفة وفوقها التكيف مهم بذا الحر

الفحمات ما تتغير الا اذا صفرت و على 25 الف ممكن اذا رجله حااارة داخل المدينة

قوله يفك فلتر المكيف وينظفه تنظيف
اما فلتر الهواء يفضل انه يغيره اذا ماسبق غيره
بالنسبه للبواجي قوله الشركه تحط لك بواجي اصليه 100% تمشيك اقل شي 80الف حرام تغيرها علي 20 ويمكن مايعطونك نفس بواجي الشركه تلاقي جودتها اقل

البواجي لسه بدري عليها

اما فلتر الهوا يفضّل كل عشرة آلاف كيلو يغيره و صيانة الخمسات ينظفه بالهوا عند اي بنشري او الوكالة

وفلتر المكيف نفس الشي ينظفه كل عشرة آلاف

الفحمات اذا طلع صوت صفير هنا يغير 

فحمات الفرامل. الفلاتر. عادي يغيرها. اما بواجي. اذا مافية تقطيع مايحتاج. لانها اصلية. من المصنع. والفحمات يكشف عليها. ويشوف اذا تحتاج تغيير يغيرها. وانا اشوف بدري عليها. اقل شي 50الف

فيه واحد من الاعضاء المشهورين هنا بالمنتدى

طلع موتر اظنه النترا وبعد استخدام 6 شهور مشى عليها 30 الف وغير فلتر البنزين

جته ردود من كل حدب وصوب انت موسوس انت فيك وفيك ؟؟؟ ي رجل حسسوك انه مغير مكينه ماغير قطعه استهلاكيه بالموتر !!!

انا معك انه غيرها بدري شوي .. بس تعال نحسبها الصفايه ب 35 وشغلها قل 70 يعني ذي 100 الى 120 ريال بالكثير .. طبعا زود على سعرها الرخيص انت تدري عن الرجال وعن ظروفه وعن الديره اللي ساكن فيها قبل ماتتهمه بالوسوسه ؟ يمكنه ساكن بقريه مافيها رقابه على المحطات وهناك اخذين راحتهم بالغش ترى مب كل الناس ساكنيين بمدن كبار ولايعبون الا من المحطات الرئيسيه زي الدريس ونفط وساسكو والبقيه

كل الي ذكرهم مكتوب بكتيب الصيانه لزم تتغير الفلاتر على١٥الف 

الفحمات بدري عليه الا اذا كان راعي شد 

البواجي مكتوب تتغير على٣٠الف "كلام الكتيب الي طالع من المصنع لااحد يجي يجادلني فيها"

حلاوة السيارة الجديدة تشتريها ما تحطلها ريال إلى ممشى 100 الف والا انا ليه مشتري جديد أذا كل يوم بغير قطع

شركات و مصانع السيارات كتبوا حددوا لكل سيارة صيانات محدده 
انا بالوقت  او المسافة المقطوعة ( ايهما اسبق ) .

فكل شركة تختلف عن الاخرى في توصياتها للصيانة  حسب نوع وحجم
وظروف استخدام السيارة .. وبعض تعليمات الصيانة مكتوب لابد من الاخذ
بعين الاعتبار ان فيه صيانات لابد عملها قبل الوقت او المسافة المقطوعة 
حسب ظروف واسلوب القيادة والجو والتضاريس .

لكن بعض الناس الله يهديه يصير حريص بزيادة قد تكون اقرب للوسوسه 
القهرية والعياذ بالله في المحافظة المفرطه في عمل صيانة او تغيير قطع غيار 
وهي جديدة او اخت الجديدة .. نسأل الله ان يحفظ لنا ديننا و عقولنا وأموالنا 

زيت المكينه والسيفون منطقي لكن باقي الاشياء خساير على الفاضي بالعربي الرجال يبغي يدفع

هههههههههههههههههههههههههههههههههههہ'هَ
الله بس ما يدري ان فلتر المكيف حقي من 8 سنين م تغير
لسه حق الوكالة

والله مبلغ فيها يمكن دافع فلوس دمه عليها وتحصل مثل هاالحالات ناس يحافظون بزياده وهذي وسوسه وانا اخوك ماحد والله بيغير شي في الموتر وهو فيه عمر 

فلتر المكيف طبيعي، حسب كاتلوج سيارتي يُنصح بتغييره كل 20 الف
لكن ممكن هونداي مختلف والزيت ولفلتر عادي

لكن الباقي وسوسه من جد