ايش افضل زيت مكينة ل سوناتا 2016

عالبركه والله يعطيك خيرها ويكفيك شرها .. هذا موضوعي يشرحلك كل تساؤلتك عن الزيت لمكاين السوناتا

https://hyundai.montada.haraj.com.sa/70247/مهم-جدا-..-سبب-تخبيط-مكائن-2400-الكورية-/

لو الزيت الثقيل سبب التخبيط ليش ماسمعنا الوكالة تحذر منه هاذا من كيسك يابوهيثم

انا اخذت توسان ولا احطله الا زيت 20 50 اخذتها ماشي 170 بعته ماشي حوالي 200 ولا فيه الا العافيه

مافيه شي اسمه من كيسك ومصطلحات الورعنه ذي

خذها قاعده الموتر بيمشي لو تحط له زيت عافيه مب عاد زيت ثقيل مثل 20w50

لكن حنا نتكلم عن اللزوجه الافضل اللي تعطيك كامل العزم وتخفض صوت المكينه وتقلل استهلاك البنزين وبنفس الوقت تزيد العمر الافتراضي للمكينه الا وهي لزوجه 5w30

اما تجي وتختار اسؤا زيت من ناحيه اللزوجه واسؤا تصنيف وتستغرب ان موترك يخبط بعد فتره ؟؟؟ ترى حسب كلامك انك مااستخدمت الموتر الا 30 الف وبعته علطول !!! ولاذكرت نوع الزيت اللي كان يستخدمه المالك السابق او انك ماتدري عنه بعد

لو ان هالتوسان اللي انت فرحان فيه مشى معك 100 الف كان مغير له مكينتين الحين دامك بتستمر على هالزيت الثقيل .. وبعدها تعال للمنتدى واجلس سب الكوري ومواتر ماتعيش وبهذلتني ومدري وش !

انت الان ضامن ان الرجال اللي استخدمه بعدك ماغير مكينته او على وشك يغيرها بسبب خطاك ذا ؟؟؟

حسب ماهو مكتوب في الكاتلوج
زيت 5-30

اضيف على كلام ابو هيثم

الكيا الموهافي مكتوب في الكتالوج حقه في الشرق الاوسط لا تستخدم لزوجة 20w50
وفي كتالوج الالنترا حقتي كاتبين افضل لزوجة 5w30 بالنسبة للشرق الاوسط
كاتبين اذا لم تجد اللزوجة اتبع الجدول

وحاطين 20w50 اخر شي تحت

اذا ما خربت المكينة اقلها صوت المكينة يكون عالي وصوت التكايات في احتمال انه يطلع والعزم بيطيح منه بسبب ثقل الزيت على المكينة

طيب زيت 5/30  
يمشي كم كيلو ١٠ الاف؟؟

10w30 و 5w30 كلها ممتازه  وتصنيف الزيت لازم يكون sNاو sM

 sM :اعلى معايير الجودة للاستخدام المنتظم ويطيل عمر المحرك الافتراضي 

sN: مصمم لحماية افضل وسيطرة اكبر على الرواسب وتحمل درجات حرارة العالية وحماية المحركات التي تعمل على وقود ايثانول 

انا كلامي على ان معلوماتك من كيسك يعني مافيه اي مصدر موثوق او بحث على كلامك

ابو عيضه

إحنا والكتلوج وحتى الشركة غلط وإنت الصح ..!

انا استخدم للانترا 2016 زيت 5-30 الحين ماشيه 100الف علي زيت 5-30 والحمدلله بدون مشاكل

استخدم النترا 10w30 استخدام شاق والحمد لله 140 ألف و 3 سنوات دون مشاكل، لكن أنا أقولك لا تتبعني ولا تتبع أي أحد، اتبع ما كتب في كتالوج السيارة

انا معي النترا استخدم اخف لزوجه 5w20 من شريتها
ماشي عليها 240 الف

كل مين يقول زيت على كيفه حتى الشركة !! هذا سؤال بدون استفهام ولا موضوع للإفادة؟ اذا ما تبغى كلام احد ليش تسأل؟

كتيب المصنع وضع لك كل معايير الزيوت حسب درجات الحرارة . الافضل في الشتاء 5/30 وافضل في استهلاك الوقود. وفي الصيف اعلى لزوجة 10/30

افضل لزوجه 10W30 .... لان الزيت الخفيف يريح المكينه ويكون دوارانها سلس وخصوصا ان المكاين السيارات الجديده مصنوعه من الالمنيوم لكن الزيت الثقيل ينفع للسيارات القديمه اللي مكاينها حديد و الاماكن البارده في اوربا و الامكان الي فيه ثلوج 

الله يديكم العافيه جميع 

الي عنده جواب يساعدني انا اغير 15w40 وموتري توه ماشي مئة وخمسه مابي اكمل على ذا الزيت لنه طلع لي صوت تكايات هل احط افضل 5w40 ولا 10w30 مع التوضيح الله يجزاكم خير موتري سوناتا 2015.

كل ماخفت اللزوجه افضل للمحرك

الزيت عالي اللزوجة ثقيل على الطرمبة اصة السيارات اللي ماشيه فوق ال150 الف كيلو