ازيرا 2014 للمشورى يا اخوان

القيمة اللي بتصلح فيها السيارة تجيب لك قيمة اختها نظيفة وحتى لو زدت شوي على المبلغ بس تاخذ شي نظيف ووكالة احسن لك


يعني مع احترامي موتر 2014 وفيه تهريب ومخليه بعد هذي تعطيك مؤشر ان الرجال ماهو ذاك الاهتمام في السيارة وحتى لو كان مهتم يعني التهريب في الدركسون مقلق من وجهة نظري وقد تصلح ومايزبط ولا يرجع يخرب بعد فترة لاقدر الله وتدخل في دوامة


والكوري والياباني نادر يهرب انا موتري 2009 مافيه نقطة زيت ماشاء الله تبارك الله


انا من رايي تبحث عن وحدة انظف منها وان احتاجت قطع استهلاكية بسيطة فحمات سير شي مثل كذا جلدة مقصات اشياء خفيفة


موفق

اذا الدوده هي المشكله 
فسعرها نااااار. 
وماتخرب بسهوله خصوصاً الموديل يعتبر باقي حديث شوي 

بالنسبه للمكيف. انا اشوف اغلب الي بالمعارض 
اذا يبيع سيارته والمكيف ضعيف. 
على طول يقولك تحتاج فريون فقط 
يعني بالعقل هو بيستخدم السياره بدون مكيف 
خسران يعبي فريون ١٥٠ريال. 

انا ماادري بالظبط هو فريون او كومبروسر 

لاكن اذا تبي نصيحتي  اتركها. 
انا لو مكانك ماراح اشتريها. 
يعني بكل صراحه لو كانت موديل 2011
وهالاعطال فيها كان. قلت. بحكم موديلها. 
لاكن 2014 وفيها هذي. غريبه. 

الحين كلها احتمالات. يمكن. مشكله المكيف تكون كمبروسر
ويمكن. مشكله تهريب الباور تكون. الدوده 
وهذي بصراحه تكلف. 

الله ييسر امرك. انا اشوف. انك تدور غيرها افضل. 

سالفة نسبة المكينة على كلام كثير بالمنتدى انها غير دقيقة واذاكانت البطاررية جديدة ترفع النسبة

اخذت مستعمل وكانت نسبة المكينة 87 والان كملت سنتين وممتازة

وش لك بالمستعمل خذ لك جديد افضل واريح لبالك يعني نفترض الازيرا بكم سعرها ٥٥او٥٠ زود عليها ١٠الف وخذ لك اوبتما او سوناتا نفس الحجم وافضل بصرفية البنزين وعلى يدك جديده وانت اخبر 

لا يكون مسوي حادث بالوجه ومواصير المكيف رايحه فيها وملفقه تصليح اي كلام عشان يبيع
انتبه بعض الاعطال تسحب اعطال واعطال وتدخل بدوامة ماتنتهي

جزيتم جميعا الجنة وشكرا على النصيحة

عزيزي وش الله حــدك


انت تبي تشتري موتر تدفع فيه دم قلبك وكل يوم خرابات وتصليحات وورشش

ريح راسك وزد القيمه شوي وطق لك جديد

غير كذا موديلها اشوفه قديم

المبلغ اللي راح تدفعه فيها ادفعه مقدم لسيارة اصفار وقسط الباقي اذا تستطيع