ايهما افضل السنتافي هونداي او السورينتو كيا

و عليكم السلام و الرحمة
اذا ناوي جديد
السانتا في نزل الشكل هذا مع الازيرا
تغير شكل الازيرا ٢٠١٨ و هو بينزل شكل جديد معها

مع انه نفس مكينه و قير السورنتو و كل شي
الا فيه بعض المواضيع و الردود تشكي من نتعة بالقير
و كمبرسور المكيف

السورنتو نزل بعد السانتافيه نهاية ٢٠١٥ و ممكن تلافوا العيوب
و من ناحية الداخلية و الشكل الجانبي و السعر
انا افضله على السانتافي و ان كان عيبه الوكيل محتكر القطع
و يركب له قطع داخليه حق الهونداي
لكن قطع البودي اسال عن توفرها بمحلات القطع و اسعارها بالوكالة
اذا غاليه طلع السيارة بنظام تأجير حتى يشملك التأمين الشامل

خذ السورينتو لأنها احدث

السنتافيه القصير والسورينتو مثل بعض بكل شي 4/6 سلندر

ما عدا قطع البدي

السنتافيه تحصل له قطع تجاري للبدي ومنتشرة

السورينتو قليل جدا تحصل التجاري والأصلي غالي

قطع البدي الأصلي لكل السيارتين غالي


بالتوفيق

السنتافي أكثر انتشار وتوفر قطع الغيار وزبونه موجود عند اعادة البيع .

شف ياعزيزي.
اذا رغبتك في الكوري مرررة خذ السنتافي رغم اني اشوف التوسان افضل و يتحمل اكثر الا اذا معاك عائلة عاد سي ثاني
اما سورينتو و كيا بصفة عامة ابببعد نهائي .....اسبب اني موظف قطع غيار و اشوف المتوفر قطعها الهيونداي اكثرمن كيا

اذا تبي الوسع خذلك سورينتو او موهافي اقوى واكبر من السنتافي ومن ناحية القطع عادي تحصل له قطع هواندي تركب بالراحه بسبب انهم مصنع واحد
انا امتلك سياره كوريه للمشاوير العائليه فقط ولم اتعب بيوم من عدم توفر القطع

جزاكم الله خير على نصايحكم

مافي كلام سنتافيه فل كامل وعيش حياتك من واقع تجربه وما زالت.. سيارة تجبرك على إحترامها في البر تعطيك وفي الخط ولا أروع وفي الجبال والطرق الوعره جميلة وقوية..

والله انا مثلك احترت بينهم واحد يقول لي الكيا افضل والسنتافي مشكلتها في المكيف وضيق بس انا اشوف السنتافي شيء عظيم وبتوكل على الله اخذه 2020