أضف سؤال أو موضوع جديد          

بخصزص زيت قير السوناتا

up 4 down 0
أبو عبد العزيز 1243 32
قبل 4 شهر و أسبوع



السلام عليكم ورحمه الله وبركاته سيارتي ماشيه الان 113000 موديل 2016 سوناتا
مدري اغير زيت القير ولا خلاص لانه فيه كثير من الناس يقولون اذا تعديت 100000 لا تغيره لانه ممكن يخبط
و انا و الله احترت ما ادري اغيره ولا ما اغيره وش رايكم ياشباب اغير ولا ما ا غير واذا بغير بغير عند بترومين عشان يتحملون المسئوليه جزاكم الله الف خير تكفون افيدوني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا غيرة باذن الله ماعندك اي مشكله 
عادي في ناس غيروه على ١٢٠ الف وماواجهوا اي شي لا توسوس 
اهم شي في كل الحالتين بدري ولا متاخر لا تشد على السيارة بعد التغيير 
وبترومين انا جيته بنفسي زيت القير مو المخصص لهيونداي ويمشيك اقل من زيتها الاصلي 

اشتر الزيت من وكالة كيا لانه الاصلي وارخص من وكالة هيونداي ٤ علب وتقدر تغيره بنفسك اسهل من المكينه 
سره تفكها من تحت وتنظفها من الرايش وتردها وتعبي ٤ علب من فوق وفيه شرح فاليوتيوب 


up 3 down 0
راقي m 72
قبل 4 شهر و أسبوع



غيره وان شاء الله مايجيه شيء

هذي شركة ثانية سياراتها قيورها حساسة من ناحية تغيير زيت القير بعد ممشى 100 الف ممكن يضرب قيرها

اما قيور هيونداي ماعندها المشكلة ذي وزيتها الجيل الرابع عمره طويل


up 2 down 1
سلطان4040 1213
قبل 4 شهر و أسبوع



وعليكم السلام ورحمة الله وبركاته ي رجال خذ العلم مني معي سوناتا 2012 نفس القير والمكينة لاتغير في بترومين

زيوتهم على اللي اسمعه إنها قديمه ومن الجيل الثالث إذا بتغير رح للوكالة أو محلات قطع الغيار أفضل

وخذ زيت قير هونداي الأصلي إسمه SP-IV لون العلبه أزرق خذ أربع علب العلبة الوحدة تطلع عليك تقريباً 40 ريال إلى 45

وتغييره أسهل شي فك الصره اللي تحت خل الزيت يطلع كله وسكرها ثم أفتح الصره اللي ف الوسط واللي فوق وعب من فوق

وإذا طلع الزيت من الصره اللي ف الوسط يعني كفاية خلاص سكر اللي ف الوسط وعب شووي زيت عشان تعوض اللي راح

وسكر اللي فوق وخلاص طبعاً رح تاخذ تقريباً 4 علب إلا ربع أو أقل شوي بعد تغيير الزيت لاتشد ع القير

وحاول مايعدي الظغط 2.5 لأول 1000 كيلو تقريباً بعدها خذ راحتك

آخر سطر إجتهاد من عندي بس للإحتياط



up 2 down 0
mraction 130
قبل 4 شهر و أسبوع



هذا ردي على واحد ف الموقع إعذرني نسخته كامل وإن شاء الله يفيد راعيين السوناتا ..

طبعاً للمعلومية ف الكتالوج مكتوب يتغير كل 100 الف للاستخدام الشاق .. يعني مارح يجيك شي إن شاء الله

والتكلفة بالكامل كلفتني 190 ريال تقريباً شغل اليد 30 ريال لإنه أسهل شي ي رجال


up 0 down 0
mraction 130
قبل 4 شهر و أسبوع



افحص زيت القير اذا فيه عيار لزيت اسحبه وشوف اذا بني ولزج فالزيت كويس تقدر تغير اما اذا اسوود ورائحه الزيت مثل الحرق فالزيت منتهي


up 0 down 0
كارينو 510
قبل 4 شهر و أسبوع



لاتخاف غيره وانت مغمض بس اهم شي خذ زيت هونداي اصلي من الوكاله غيره ولاتشد عليها بعد يومين خذ راحتك ي الامير 


up 0 down 0
نواف الحربي4 337
قبل 4 شهر و أسبوع



غيره اصلا موعد التغيير الصحيح على 100 الف


up 0 down 0
moathqaisiyah 160
قبل 4 شهر و أسبوع



الأخوه الي يقولون تغيره مايكلف شغل اليد ٣٠ ؟ أسالك بالله وين 
يارجال تغير الزيت في الوكالة ب ٦٥٠ انا غيرته بنفسي ومعروف 
كيف يتغير ب ٣٠ ؟ دلّني على الورشة الله يعطيك العافية خسرونا حسبي الله عليهم 


up 0 down 0
hmform 88
قبل 4 شهر و أسبوع



وش سيارتك اخوي ؟ بعض السيارات يكون مكلف شوي يبيلها فلتر مثلا واشياء ثانيه 

اما السوناتا اكثر شي 30 ماكاسرته كمان  والطريقه مثل ماشرحتها سهله جدا

انت عشان تتجنب الخسارة اشتر الزيت ورح اي ورشة قلهم غيروا الزيت فقط

واللي يبي مساعدة هذا رقمي 0551024501


up 1 down 0
mraction 130
قبل 4 شهر و أسبوع



Hmform

انا غيرت ب ٤٠ وشريت الزيت من الوكاله وغيرته ف بنشري

الوكاله نصابين كلها كم مسمار ياخذ ٦٥٠ سلامات


up 0 down 0
7amood1930 250
قبل 4 شهر و أسبوع



الحين السوناتا يتغير الزيت
بدون فلتر وفك الكركتير

يعني بس فك السره وعبي الزيت

طيب الرايش كيف يطلع ؟؟



up 0 down 0
كورولا111 140
قبل 4 شهر و أسبوع



غيرنا للسوناتا 2012اول مرة. حول 150الف بالوكالة. والثانية عند بترومين على 280الف. والفلتر مايتغير. الا مع توضيب القير.
وبالنسبة لرايش الحديد فية مغناطيس بالصرة يمسك رايش الحديد وحصلنا رايش. خفيف . ولها الان 5شهور من تغييرة. ولافيها شيئ


up 1 down 0
ابومزعل 261
قبل 4 شهر و أسبوع



ممتاز هذا الوقت المناسب للتغيير، لأن زيت القير عمره طوييل يصل 80-100 ألف، وفي بعض كتالوجات هيونداي يسجلون لا حاجة للفحص، وبعضها يسجلون التغيير على 100، عموما التغيير سهل جدا الأهم نوع الزيت ATF SP IV من شركة هيونداي نفسها، واحذر أن يكون مقلد


up 0 down 0
anosi 983
قبل 4 شهر و أسبوع



انا غيرته وموتري ماشي ١٤٠ الف والله ما صار له شي والحمد لله اهم شي اذا غيرت الزيت لا تشد على السيارة لمدت يومين ولا تنسى تغير الفلتر اضمن لك وبالنسبة لمشي موترك يعتبر طبيعي جدا لان السيارة الوكالة زيته يختلف عن قطع الغيار ويمشي مده اكثر بالتوفيق


up 0 down 0
ابو0جوري 31
قبل 4 شهر



للمعلومه الصره اللي تنزل منها الزيت بعد القتح يكون عليها براده نظفها زين مازين بنزين ونشفها وركبها وعبي الزيت نفس ماشرح لك الاخ


up 0 down 0
بوهاني049 6
قبل 3 شهر و 3 أسبوع